புதியவை
latest
குழந்தைகள்
Showing posts with label பொது அறிவு. Show all posts
Showing posts with label பொது அறிவு. Show all posts

ஆசை மற்றும் பயம் வியாபாரிகளின் மூலதனம்

ஆசை மற்றும் பயம், இவை இரண்டும் மனிதர்களின் அனைத்து நோய்களுக்கும் துன்பங்களுக்கும் காரணமாக இருக்கின்றன. மனிதர்களுக்கு ஆசைகாட்டி அல்லது பயத்தை உருவாக்கி எதை வேண்டுமானாலும் சாதித்துக் கொள்ளலாம்.

இன்றைய வியாபாரிகளின் மூலதனம் எது  என்று சற்று  சிந்தித்துப் பாருங்கள். நம் ஊர்களில் இருக்கும் சிறு வியாபாரிகளை விட்டுவிடுங்கள். பெரிய மற்றும் சர்வதேச வியாபாரிகள் தங்களின் வியாபாரங்களை எவ்வாறு  நடத்துகிறார்கள்? எவ்வாறு விரிவு படுத்துகிறார்கள்? என்று சற்று சிந்தித்துப் பாருங்கள். ஆசை மற்றும் பயம், இவற்றை வைத்துதான் வியாபாரிகள் தங்களின்  வியாபாரங்களை நடத்திவருகிறார்கள். மனிதர்களுக்கு ஆசையை உருவாக்குவது அல்லது பயத்தை உருவாக்குவதும், இவை இரண்டுமே இன்றைய காலகட்டத்தின்  கேடுகெட்ட வியாபார தந்திரமாகும்.

ஒரு பொருளை விற்பனை செய்ய  வேண்டுமா? அதற்கு  மிகச் சுலபமான வழி, அந்தப் பொருள் அதை செய்யும், இதை செய்யும் என்று மக்களின் ஆசையைத் தூண்ட வேண்டும் அவ்வளவுதான். அந்த வழி கை கொடுக்கவில்லையா?. இந்தப் பொருளை பயன்படுத்தவில்லை என்றால் அப்படி ஆகும் இப்படி ஆகும் என்று பயமுறுத்த வேண்டும். ஒரு உதாரணத்துக்காக சொல்கிறேன். நம் தொலைக்காட்சி பெட்டிகளில் ஒளிபரப்பாகும் விளம்பரங்களை சற்று நேரம்  எண்ணிப் பாருங்கள்.

எங்கள் பொருட்களை உட்கொள்ளுங்கள்  ஆரோக்கியமாக வாழலாம். எங்கள் பொருட்களை பயன்படுத்துங்கள் வெண்மையான சருமம் பெறலாம். எங்கள் பொருட்களை பயன்படுத்துங்கள் முடி நன்றாக வளரும். எங்கள் பொருட்களை பிள்ளைகளுக்குக் கொடுங்கள், நன்றாக வளருவார்கள், புத்திசாலியாக இருப்பார்கள் இப்படி ஏதாவது ஒரு பொய்களை சொல்லி உங்களின்  ஆசைகளைத்  தூண்டுவார்கள்.

இன்னொரு பக்கம் அதே தொலைக்காட்சி பெட்டியில், எங்கள் பொருட்களை பயன்படுத்துங்கள் இல்லை என்றால் உங்களுக்குச் சருமம் நோய்கள் உருவாகும், உங்களை கிருமிகள் தாக்கும். எங்கள் கிரிமை பயன்படுத்துங்கள் இல்லை என்றால் புற்றுநோய் உருவாகும். இப்படி ஏதாவது பொய்களை சொல்லி மக்களை பயமுறுத்துவார்கள். வியாபார கூட்டத்தினர்.

இப்போது புரிகிறதா ஏன் தமிழகம்  முழுவதும் இலவச தொலைக்காட்சி பெட்டிகள் கொடுத்தார்கள் என்று. நீங்கள் செய்திகளோ  திரைப்படங்களோ பார்ப்பதற்காக  அல்ல, அதன் இடைவேளைகளில் ஒளிபரப்பாகும் விளம்பரங்களை பார்ப்பதற்காகத் தான். உங்கள் மனதில் ஆசை அல்லது பயத்தை விதைக்க தொலைக்காட்சி பெட்டிகளை கருவிகளாக பயன்படுத்துகிறார்கள். இதுவும்  சர்வதேச கம்பெனிகளின் சதி தான்.

இப்போது நம் வாழ்க்கையை சற்று  ஆராய்ந்து பார்ப்போம், மதம் முதல், மருத்துவர்கள் வரையில்  அனைவரும் நமக்கு ஏதாவது ஒரு வகையில் ஆசையை அல்லது பயத்தை தூண்டிவிட்டு  தங்களின் நோக்கத்தை நிறைவேற்றிக் கொள்கிறார்கள். மனிதர்களிடம் ஆசையும் பயமும் இருக்கும் வறையில் அவர்கள், யாருக்காவது   அடிமையாகவே இறுதி வரையில் இருக்க நேரிடும்.

மருத்துவ உலகத்தில் வியாபாரம்
இன்றைய மருத்துவ உலகத்தைப் பாருங்கள், குறிப்பாக ஆங்கில மருத்துவர்கள் செய்வதை சற்று  சிந்தித்துப்  பாருங்கள். ஆங்கில மருத்துவர்களிடம் சென்றால், 80% ஆங்கில மருத்துவர்கள் இரண்டு விசயங்களைக் கண்டிப்பாக செய்வார்கள்.

நோய்களைப் பற்றிய அல்லது உங்கள் உடலின் தொந்தரவுகளைப்   பற்றிய பயத்தை முதலில் ஏற்படுத்துவார்கள். ஏதாவது ஒரு  உடலின் தொந்தரவுக்காக ஆங்கில மருத்துவரை சென்று சந்தித்தால் அவர் எல்லா சோதனைகளையும் செய்துவிட்டு, உங்களுக்கு பயத்தை ஏற்படுத்தும் வேலையைத் தொடங்குவார்.

ஆங்கில மருத்துவத்தின் பயமுறுத்தும் வேலை
அவருக்கு மருத்துவம் செய்ய தெரியவில்லை என்றால் அல்லது குணப்படுத்த முடியவில்லை என்றால் ஒன்றை முதலில் செய்வார். இந்த நோயைக் குணப்படுத்த முடியாது கண்டிப்பாக மரணமடைந்து விடுவீர்கள் என்பார்.  உடனடியாக அறுவை சிகிச்சை செய்ய வேண்டும் இல்லை என்றால் உயிருக்கே ஆபத்து என்பார். உடலின் உறுப்பை வெட்டி எடுக்க வேண்டும் இல்லையேல் உயிருக்கு ஆபத்து என்பார். நான் கொடுக்கும் மருந்து மாத்திரைகளை தினமும் உட்கொள்ள வேண்டும், இல்லையேல் உயிர் போய்விடும் என்பார். இவ்வாறாக ஏதாவது ஒரு பொய்யை சொல்லி பயத்தை முதலில் நோயாளிகளின் மனதில் உருவாக்குவார்கள்.

இவர்கள் செய்யும் மிகவும்  கேடான செயல், மனிதனின் மரணத்துக்கு நாள் குறிப்பது தான். மனிதனின் மரணத்துக்கு நாள் குறிக்க இவர்கள் யார்?. இவர்களுக்கு அந்த அதிகாரத்தைக் கொடுத்தது யார்?. ஆங்கில மருத்துவர்களா மனிதர்களைப் படைத்தார்கள்?.

நோய்களை குணப்படுத்த தெரியவில்லை என்றால், உண்மையான மனிதனாக இருந்தால் என்ன செய்ய வேண்டும்?. “ஐயா எனக்கு உங்களின் நோயை குணபடுத்த தெரியவில்லை, மற்ற மருத்துவங்களில் அல்லது மற்ற மருத்துவரிடம் முயற்சி செய்து பாருங்கள்” என்று தானே கூற வேண்டும். இதுதானே தர்மம். இதை விட்டுவிட்டு, அவர்களுக்கு  தெரியவில்லை என்ற ஒரே காரணத்துக்காக, யாராலும் குணபடுத்த முடியாது நீங்கள் கண்டிப்பாக இறந்துவிடுவீர்கள்  என்பார். “நீயாட என்னைப் படைத்தாய்? என் சாவுக்கு நாள் குறிக்க நீ யாரடா?” என்று கேள்வி கேட்க திராணியற்றவர்கள். அந்தப் பன்னாடைகள் சொல்வதை நம்பி உயிரை விட்டுவிடுகிறார்கள்.

ஆங்கில மருத்துவர்கள் ஆசைகளை  தூண்டுவார்கள்
இந்த இரசாயனத்தை உட்கொள்ளுங்கள், உங்கள் குழந்தை ஆரோக்கியமாக வளரும், ஆரோக்கியமாக இருக்கும், புத்திசாலியாக இருக்கும் என்று ஏதாவது பொய்களை சொல்லி கர்ப்பம் தரித்த தாய்மார்களுக்கு மருந்துகளை விற்பனை செய்வார்கள்.

கர்ப்பமான தாய்மார்கள் இந்த ஊசியை போட்டுக் கொள்ள  வேண்டும், அந்த ஊசியைப் போட்டுக் கொள்ள வேண்டும். அப்போதுதான் வயிற்றில் வளரும் குழந்தை ஆரோக்கியமாக இருக்கும், புத்திசாலியாக இருக்கும் என்று ஆசையைத் தூண்டுவார்கள்.

பக்கவிளைவுகள் இல்லாத ஆங்கில மருந்துகளே இல்லை என்று எல்லா ஆங்கில மருத்துவர்களுக்கும் தெரியும், அதை தெரிந்து கொண்டே  கர்ப்பம் தரித்த தாய்மார்களுக்கு வேண்டுமென்றே சத்து மாத்திரைகள் என்ற பெயரில் இரசாயனங்களை கொடுத்து. ஆரோக்கியம் இல்லாத, நோய்வாய்பட்ட, ஊனமுற்ற குழந்தைகள் பிறக்கக் காரணமாக சில ஆங்கில மருத்துவர்கள் இருக்கிறார்கள் என்றால் அவர்கள் எவ்வளவு கேடுகெட்ட பணத்தாசை பிடித்தவர்கள் என்று புரிந்து கொள்ளுங்கள்.

ஆசையும் பயமும் தான் ஆங்கில மருத்துவத்தின் மூலதனம்
இன்றைய பெரும்பாலான ஆங்கில மருத்துவர்கள், குறிப்பாக பெரிய காப்ரெட் நிறுவனங்கள் நடத்தும் மருத்துவமனைகளில் இந்த பயமுறுத்து வேலைகளையும், ஆசை காட்டும் வேலைகளையும் வைத்தே வியாபாரம் நடத்துகிறார்கள்.

பல பெரிய மருத்துவமனைகளில் மருத்துவர்களுக்கு, “டார்கேட்” கொடுக்கப்படுகிறது. இத்தனை அறுவை சிகிச்சைகள்  செய்ய வேண்டும். இவ்வளவு மருந்துகளை விற்பனை செய்ய வேண்டும். இவ்வளவு சத்து மருந்துகளை விற்பனை செய்ய வேண்டும் என்று. அந்த "டார்கேட்டை" அடையவே ஆரோக்கியமான மனிதர்களையும் நோயாளிகளாக மாற்றுகிறார்கள் சில மருத்துவர்கள்.

ஜாக்கிரதையாக இருங்கள். எந்த ஒரு பெரிய மருத்துவமனைக்கும் செல்லாதீர்கள். நான் உட்பட யார் சொல்வதையும் அப்படியே நம்பாதீர்கள். நன்றாக சிந்தித்து, ஆராய்ந்து செயல்படுங்கள்.

பயம் மற்றும் ஆசை வேண்டாம்
நோய்களைப் பார்த்தும், உடலின் தொந்தரவுகளை பார்த்தும் பயம் கொள்ளாதீர்கள். எல்லா நோய்க்கும் ஒரு தீர்வு நிச்சயமாக இருக்கும்.

பெரிய மருத்துவமனைகளுக்கும் செல்லாதீர்கள். இலவசமாக எந்த உடல் பரிசோதனைக்கும் செல்லாதீர்கள். யார் சொல்வதையும் முழுமையாக நம்பாதீர்கள். தொலைக்காட்சி பெட்டியில் வரும் விளம்பரங்களில் காட்டப்படும் எதையும் வாங்காதீர்கள்.

சிந்தித்துச்  செயல்படுங்கள்...


பெரியோர் சிறியோர் என்பவர்கள் யார்?

பெரியோர் என்பவர்கள் எந்த விசயத்தையும் சிந்தித்து ஆராய்ந்து செய்பவர்கள். சிறியோர் என்பவர்கள் எந்த விசயத்தையும் சிந்திக்காமல் மனம் போன போக்கில் செய்பவர்கள்.

சாலைப் பாதுகாப்பு

நான் பார்த்த வரையில் சாலையோரங்களில் நடந்துச் செல்லும் பெரும்பாலானோர் ஏன் அனைவரும் என்று சொல்லும் அளவுக்கு வாகனங்கள் செல்லும் தடங்களிலேயே நடந்து செல்கிறார்கள். வாகனம் இடது பக்கமாக சென்றால் இவர்களும் இடது பக்கமாக நடக்கிறார்கள். வாகனங்கள் வலது பக்கமாக சென்றால் இவர்களும் வலது பக்கமாக நடக்கிறார்கள்.

சாலையோரங்களில் நடக்கும்போது வாகனங்கள் உங்களின் எதிர்புறமாக வருமாறு நடக்க வேண்டும். அதாவது உங்கள் எதிரே வரும் வாகனங்களையும், உங்களைக் கடந்து செல்லும் வாகனங்களையும் உங்களால் எளிதில் பார்க்க இயல வேண்டும். அதுதான் உங்களுக்கு பாதுகாப்பு.

வாகனங்கள் செல்லும் திசைக்கு எதிர்த்திசையில் நீங்கள் நடந்தால் மட்டுமே எதிரே வரும் வாகனத்தை உங்களால் தெளிவாக பார்க்க முடியும். வாகன ஓட்டி தவறாக வந்தாலும், வேகமாக வந்தாலும், போதையில் தள்ளாடினாளும், விபத்து நடக்க வாய்ப்புகள் இருந்தாலும், உங்களால் உங்களைப் பாதுகாத்துக்கொள்ள முடியும்.

பெரும்பாலும் சாலைகளில் நடப்பவர்கள் வாகனங்கள் தங்களுக்கு பின்னால் வருவது போன்று நடப்பதினால். தவறாக வரும் வாகனங்களை காணமுடியாமல் விபத்துக்கள் நடக்கின்றன. குறிப்பாக இரவு வேளைகளில் சாலை ஓரங்களில் நடந்து செல்பவர்களை வாகன ஓட்டிகளால் எளிதாக பார்க்க முடியாது. ஆனால் சாலையோரங்களில் நடப்பவர்கள் வாகனங்களை எளிதாக பார்க்க முடியும்.

இனிமேல் சாலையில் நடக்கும்போது வாகனங்கள் இடது புறமாக சென்றால் நீங்கள் வலது புறமாக நடந்து செல்லுங்கள். சாலையில் செல்லும் வாகனத்தை நீங்கள் எதிரே பார்க்கக் கூடிய அளவில் உங்கள் பயணம் இருக்கட்டும்.

சாலைகளை கடக்கும் போதும் இடது புறமாகவும் , வலது புறமாகவும் வாகனங்கள் வருகின்றன என்று பார்த்துவிட்டு. மீண்டும் இடது புறமாக வாகனங்கள் வருகின்றன என்று பார்த்துவிட்டு வாகனங்கள் வராத நிலையில் சாலைகளை கடக்கவும்.

கோயில்களுக்கும் மாதா கோயில்களுக்கும் நடைப் பயணமாக செல்லும் பக்தர்களும் இதை பின்பற்றுங்கள். இதை பின்பற்றினால் பல உயிர் இழப்புகளையும் விபத்துகளையும் தவிர்க்கலாம். இதை உங்கள் குழந்தைகளுக்கும் கற்றுக்கொடுங்கள்.

ஆங்கில மொழியில் புலமை பெற எளிதான வழிமுறைகள்

நான் பள்ளியில் படிக்கும் காலத்தில் எனது சீன ஆசிரியர் திரு தான் (Mr Tan) அவர்கள் ஆங்கில மொழியில் புலமை பெறுவதற்கான சில வழி முறைகளை கற்றுத் தந்தார்கள். அந்த வழிமுறைகளை நான் உங்களுடன் பகிர்ந்து கொள்கிறேன். இந்த வழிமுறைகளை எந்த மொழியில் புலமை பெறுவதற்கும் பயன்படுத்தலாம்.

முதலில் வாரம் ஒருமுறையாவது ஒரு ஆங்கில நாளிதழையும் தமிழ் நாளிதழையும் வாங்க வேண்டும். தமிழ் நாளிதழில் வெளிவந்திருக்கும் செய்தியை வாசித்து விட்டு பின்பு ஆங்கில நாளிதழில் வெளிவந்திருக்கும் அதே செய்தியை வாசிக்க வேண்டும். இவ்வாறு செய்யும் போது ஆங்கிலத்தில் என்ன எழுதப்பட்டிருக்கிறது என்பது எளிதாகப் புரிந்துக் கொள்ளலாம்.

அடுத்தது ஆங்கில கட்டுரைகளை வாசிக்க வேண்டும். அர்த்தம் புரியாத சொற்களை கோடிட்டு அதன் அர்த்தத்தை அகராதியில் தேடி எழுதிக் கொள்ள வேண்டும். பின்பு மீண்டும் அந்த கட்டுரையை வாசிக்க வேண்டும். இவ்வாறு வாசிக்கும் போது அதிகமான புதிய சொற்களை கற்றுக் கொள்ளலாம்.

பள்ளியில் நண்பர்களுடனும் வீட்டில் குடும்பத்தாருடனும் ஆங்கிலத்தில் பேசி பழக்க வேண்டும். தவறாக பேசினாலும் பரவாயில்லை. முதலில் பேசி பழக வேண்டும் அப்போதுதான் அச்சம் விலகும். ஆங்கிலத்தில் ஆர்வமுள்ள நண்பர்களுடன் சேர்ந்து கொண்டு முழுமையாக ஆங்கிலத்தில் பேசி பழகலாம்.

இது மிக முக்கியமான விஷயம். சிந்திப்பதை ஆங்கிலத்தில் மற்ற வேண்டும். சுயமாக எதை சிந்தித்தாலும். தன்னுடனே எதையாவது பேசினாலும் ஆங்கிலத்தில் பேசி பழக்க வேண்டும். ஆங்கில நாளிதழ்கள், பத்திரிகைகள் மற்றும் புத்தகங்களை வாசிக்க தொடங்க வேண்டும். புத்தகங்கள் சிறிதாக இருப்பது நல்லது.

இவற்றை முயற்சி செய்துபாருங்கள் எளிதாக ஆங்கிலம் கற்றுக் கொள்ளலாம். உங்கள் பிள்ளைகளுக்கும் இவற்றை கற்றுக் கொடுங்கள். அவர்களுக்கு பயனுள்ளதாக இருக்கும்.

ஆங்கில மருத்துவத்தில் நோய்களும் பெயர்களும்

சிலர் வாயில் கூட நுழையாது ஒரு பெயரைக் கூறி. இந்த நோய்க்கு என்ன மருத்துவம்?. இதை எவ்வாறு குணப்படுத்துவது என்று கேட்பார்கள்?. அந்த பெயர் எனக்கும் புரியாது, அதை நோயென்று நம்பும் நபருக்கும் புரியாது.

அது என்ன பெயர் என்று சிந்தித்தால். மனிதர்களின் தொந்தரவுகளுக்கு ஆங்கில மருத்துவர்கள் சூட்டும் லத்தீன் மொழி பெயர்கள். அந்த பெயர்களை கேட்டதுமே நோயாளிகள் பயத்தில் பாதி செத்துவிடுவார்கள். உலகம் முழுவதும் இருக்கும் பல மொழிகளை பேசும், ஆங்கில மருத்துவர்கள் அனைவரும் புரிந்துகொள்வதற்காக, ஒரே மாதிரியான பெயரை மனிதர்களின் உறுப்புகளுக்கும், நோய்களுக்கும் சூட்டுகிறார்கள்.

மருத்துவர்களுக்கு எளிதாக புரியவும், மருத்துவத்தை எளிமையாக்கவும் ஒரே மாதிரியான பெயரை சூட்டுகிறார்கள். மருத்துவர்களுக்கு எளிதாக்க உருவாக்கப்பட்ட பெயரே நோயாளிகளுக்கு அச்சத்தை உருவாக்குகிறது. “Cephalgia” இது எந்த நோயின் பெயர் என்று புரிகிறதா?. ஏதோ ஒரு கொடிய நோயின் பெயர் போல தெரிந்தாலும் இதன் பொருள் தலைவலி. தலைவலி என்று சொல்லும்போது யாருக்கும் எந்த அச்சமும் உருவாகாது. ஆனால் உங்களுக்கு “செபல்ஜியா” உண்டாகிவிட்டது என்று ஒருவரிடம் சொல்லிப்பாருங்கள். அவரின் கதி அதோகதிதான்.

“Arthralgia” இதுவும் ஏதோ கொடிய நோயின் பெயர் அல்ல, “அற்றல்ஜியா” என்றால் மூட்டு வலி என்று அர்த்தம். மூட்டு வலிக்கிறது என்று ஒருவர் மருத்துவரிடம் சென்றால். மருத்துவர் அவருக்கு எதாவது மருத்துவம் செய்து அனுப்பினால் பாதகமில்லை. ஆனால் பெரும்பாலான மருத்துவர்கள், உங்களுக்கு “அற்றல்ஜியா” உருவாகிவிட்டது என்று நோயாளிகள். எந்த தொந்தரவுக்காக மருத்துவரை நாடி வந்தாரோ, அதே தொந்தரவை லத்தீன் மொழியில் மொழி பெயர்த்து சொல்வார். அதை கேட்டவுடனேயே நோயாளியின் மனதில் அச்சம் உருவாகிவிடும்.

நோயாளிகளிடம் ஆங்கில மருத்துவர்கள் கூறும் நோய்களின் பெயர்கள் பெரும்பாலும். உடலின் உறுப்பு அல்லது தொந்தரவுகளுக்கான லத்தீன் மொழி பெயராகும். அவை நோய்கள் அல்ல. நோயாளிகள் அந்த பெயர்களை மனதில் சுமந்துக் கொண்டு, அந்த பெயர்களுக்கு வைத்தியம் தேடுகிறார்கள். உடலின் தொந்தரவுகளுக்கு மட்டுமே மருத்துவம் பார்க்க முடியும். பெயர்களுக்கு எந்த வைத்தியமும் செய்ய முடியாது.

ஆங்கில மருத்துவர்கள் உங்கள் உடலின் தொந்தரவுகளுக்கு சூட்டிய பெயர்கள் அனைத்தையும் மறந்துவிட்டு. உங்கள் உடலில் என்ன தொந்தரவு இருக்கிறதோ அதற்கு மட்டும் வைத்தியம் செய்யுங்கள். உதாரணத்துக்கு Thyroid என்பது ஒரு நோயா?. தைராய்டு என்பது ஒரு சுரப்பி இந்த உலகத்தில் உள்ள அனைவருக்கும் தைராய்டு இருக்கும். என் உடல் பருமனாக இருக்கிறது, கழுத்து பகுதி வீக்கமாக உள்ளது, பாதம் வலிக்கிறது, கால் வீங்குகிறது என்பதை போன்ற உடல் உபாதைகளை தெரிவித்தால் மருத்துவம் கூறலாம். ஒருவர் எனக்கு தைராய்டு இருக்கிறது அதற்கு வைத்தியம் செய்யவேண்டும் என்றால், அவருக்கு என்ன செய்வது?.

உடலின் தொந்தரவுகளை குணப்படுத்த வேண்டுமென்றால், அந்த தொந்தரவுக்கு பெயர் சூட்டும் வேலையை செய்யாமல். அது என்ன தொந்தரவு? எப்போது உருவானது? எவ்வாறு உருவானது? எதனால் உருவானது? அதனால் உடலில் உருவான பாதிப்புகள் என்னென்ன என்பனவற்றை சிந்தித்தால் எல்லா நோய்களையும் எளிதாக குணப்படுத்தலாம்.


உலக அரசியல் - சினிமாவும் மருத்துவமும்

தமிழர்கள் இயற்கையாகவே புத்திசாலிகள். பிரபஞ்சத்தின் அறிவும், புரிதலும், ஆற்றலும், தொடர்பும் உடையவர்கள். அவர்களை எவ்வாறு வியாபாரிகள் ஏமாற்றினார்கள்? அவர்களிடம் இருந்த பாரம்பரிய மருத்துவங்களை, அவர்களே வெறுத்து ஒதுக்கும் நிலையை இவ்வாறு உருவாக்கினார்கள்? எவ்வாறு ஆங்கில மருத்துவம் மட்டுமே உலகில் சிறப்பானது என்று அவர்களை நம்ப வைத்தார்கள் என்று பல நாட்கள் சிந்தித்தேன். இறுதியில் கண்டுகொண்டேன்.

ஆங்கிலேயர்களின் வருகைக்கு முன்பாக அனைத்து பாரம்பரிய மருத்துவங்களும் இந்தியாவில் பயன்பாட்டில் இருந்தன. இந்தியாவை கைப்பற்றிய ஆங்கிலேயர்கள் அனைத்து இயற்கை மருத்துவங்களையும் அழிக்கும் வேளையில் இறங்கினார்கள். இயற்கை மருத்துவத்தைப் பற்றிய பயத்தை மக்களிடம் விதைத்தார்கள். ஆங்கிலேயர்களையும் ஆங்கில மருத்துவர்களையும் கடவுலுக்கு நிகராக மக்கள் மனதில் விதைத்தார்கள். இந்தியாவின் பாரம்பரிய மருத்துவர்களை முட்டாள்கள் போலவும், ஏமாற்றுக்காரர்கள் போலவும் சித்தரித்து; மக்களையும் நம்பவைத்தார்கள். மற்றுமொரு இடத்தில் இயற்கை மருத்துவர்களை மிரட்டுவதும், வரி போடுவதும், லைசன்ஸ், சான்றிதழ் போன்று பல விசயங்களைக் காட்டி மிரட்டி அவர்களை மருத்துவ தொழிலில் இருந்து வெளியேற வைத்தார்கள்.

இந்தியா சுதந்திரம் அடைந்த பிறகு ஏன் நமது பாரம்பரிய மருத்துவங்கள் மீண்டும் எழுச்சி பெறவில்லை?. அதற்குக் கரணம் சினிமா! மருத்துவர்களும், மருந்து கம்பெனிகளும், பெரிய காப்ரெட் நிறுவனங்களும் ஒன்று சேர்ந்து சினிமா, தொலைக்காட்சி, வானொலி, நாளிதழ் போன்ற பொது ஊடகங்களின் மூலமாக மக்களிடம் ஆரோக்கியம், மருத்துவம் மற்றும் மனித உடல் பற்றிய தவறான கருத்துக்களை கொண்டு சேர்த்தார்கள்.

நான் கூறப்போகும் காட்சியை, பழைய திரைப்படங்களில் நீங்கள் அதிகமாக பார்த்திருக்கலாம். ஒரு விபத்து நடக்கும் ஒருவர் வந்து "பட்டணத்து பெரிய மருத்துவமனைக்கு கொண்டு செல்லுங்கள் அவர்கள் காப்பாற்றுவார்கள் என்று கூறுவார்". ஒரு பெண் பிரசவ வேதனையில் இருப்பார் அல்லது குழந்தை பிறக்கக் கஷ்டப்படுவார் உடனே, நாட்டு மருத்துவர் அல்லது ஒரு பாட்டி வந்து "பட்டணத்து பெரிய மருத்துவமனைக்கு கொண்டு செல்லுங்கள் அவர்கள் காப்பாற்றுவார்கள் என்று கூறுவார்".

ஒருவர் நாட்டு மருத்துவம் பயனளிக்காமல் இறந்துவிடுவார், உடனே இன்னொருவர் சொல்வார். பட்டணத்து மருத்துவமனைக்கு கொண்டு சென்றிருந்தால் காப்பாற்றி இருக்கலாம் என்பார். பல திரைப்படங்களில் பிரசவத்திலோ, நோய்களினாலோ, விபத்தாலோ ஒருவர் இறக்கும் போது அருகில் இருப்பவரோ அல்லது ஒரு நாட்டு மருத்துவரோ சொல்வார் ஆங்கில மருத்துவரிடம் சென்றால் காப்பாற்றி இருக்கலாம் என்பார்.

இப்படியே சிறிய நோயா? கொடிய நோயா? விபத்தா? பிரசவ கஷ்டமா? ஆண்மை இல்லையா? எந்தத் தொந்தரவாக இருந்தாலும் "பட்டணத்து பெரிய மருத்துவமனைக்கு கொண்டு செல்லுங்கள் அவர்கள் காப்பாற்றுவார்கள்" என்று சினிமாக்களில் காட்டி மக்களின் மனதில் பதிய வைத்தார்கள். மக்களும் போது ஊடகங்களில் வருவதால் அவற்றை நம்பி ஆங்கில மருத்துவத்துக்கு அடிமையானார்கள்.

இவ்வாறு அவர்கள் உருவாக்கிய பிம்பத்தை உடைக்க பல நல்ல உள்ளங்கள் உழைத்து வருகிறார்கள். மக்கள் ஆரோக்கியமாக நிம்மதியாக வாழ வேண்டும் என்று எந்த பிரதிபலனும் எதிர்பார்க்காமல் உழைக்கிறார்கள். ஆனால் அந்த நல்ல உள்ளங்களை புரிந்துகொள்ளாமல் முட்டாள்கள் என்றும் ஏமாற்றுகாரர்கள் என்றும் சிலர் விமர்சிக்கிறார்கள்.

இந்த ஆங்கில மருத்துவத்தின் பிம்பத்தை உடைத்திருக்கிறது "மெர்சல்" திரைப்படம். பணத்துக்காக எதை வேண்டுமானாலும் செய்யலாம் என்று நினைக்கும் பல பரதேசிகள் மருத்துவர்களாக இருக்கிறார்கள் என்பதை காட்டுகிறது "மெர்சல்". எந்த சினிமாவை வைத்து நம்மை ஏமாற்றினார்களோ, அதே சினிமாவை வைத்து உடைக்க முயற்சி செய்திருக்கிறார்கள் "இயக்குநர் அட்லி மற்றும் நடிகர் விஜய்". படத்தைப் பார்த்து கைதட்டி விட்டு மட்டும் வராமல் அதில் சொல்லப்படும் கருத்துக்களை கொஞ்சம் மனதில் பதித்து வையுங்கள்.

சுகப்பிரசவம் ஆக கூடாது என்பதற்காக கர்ப்பமுற்ற பெண்களுக்கு, இரசாயனங்களை சத்து மருந்து என்று ஏமாற்றி விற்பனை செய்வதும். சுகப்பிரசவம் ஆகக்கூடிய பெண்ணுக்கு கொடி சுற்றி உள்ளது, இரத்தம் போதவில்லை, பன்னீர் குடம் உடைந்து விட்டது என்று பொய்களை சொல்லி மிரட்டி அறுவை சிகிச்சை செய்வது.

தோலின் மேல் ஒரு கீறலை போட்டு தைத்துவிட்டு அறுவை சிகிச்சை செய்தாகிவிட்டது என்று போய் சொல்லி இலட்சக் கணக்கில் பணம் பறிப்பது. மூச்சுத் திணறல் என்று மருத்துவமனைக்கு சென்றால் இருதய கோளாறு என்று பொய் சொல்வது. இடுப்பு வலி என்று மருத்துவமனைக்கு சென்றால் கிட்னி கோளாறு என்று பொய் சொல்லி கிட்னி திருடுவது. இப்படி அடுக்கிக்கொண்டே செல்லலாம்.

ஆங்கில மருத்துவம் மட்டுமல்ல எல்லா மருத்துவமும் பணம் செய்யும் தொழிலாக மாறிவிட்டது. உங்களையும், உங்கள் குடும்பத்தாரையும் காப்பாற்றிக்கொள்ள ஒரே ஒரு வழிதான் உள்ளது. உங்கள் உடலைப் பற்றிய அடிப்படை அறிவை நீங்கள் பெற்றுக்கொள்வது மட்டும்தான் அது.

என்னையும் சேர்த்துதான் சொல்கிறேன், யாரையும் நம்பாதீர்கள். இன்றைய காலகட்டத்துக்கு மிகத் தேவையான மெர்சல் என்ற திரைப்படத்தை தந்த இயக்குநர் அட்லி மற்றும் நடிகர் விஜய் அவர்களுக்கு எனது நன்றிகள். இந்தப் படத்தில் மருந்து கம்பனிகளை விட்டு விட்டீர்கள். மருந்து கம்பெனிகளின் அட்டகாசத்தையும் திரைப்படமாக்குங்கள். மெர்சல்2, வேண்டும்.


ஹீலர் பாஸ்கரின் கைதின் உண்மை நோக்கம் என்ன?

ஹீலர் பாஸ்கரை வீட்டுப் பிரசவம் செய்வது எவ்வாறு என்று பயிற்சி கொடுக்கிறார் என்ற காரணத்துக்காக கைது செய்திருக்கிறார்கள். இந்த கைதின் நோக்கம் என்ன? விட்டு பிரசவம் நடக்க கூடாது என்பதா? அல்லது சுகப்பிரசவம் நடக்க கூடாது என்பதா?.

இரண்டுமே கிடையாது, யாருமே இனி சுகப்பிரசவத்தை பற்றி பேசக்கூடாது, வீட்டுப் பிரசவத்தை பற்றி பேசக்கூடாது. விட்டு பிரசவம் செய்வது எவ்வாறு என்று யாரும் யாருக்கும் கற்று கொடுக்க கூடாது என்று அனைவரையும் பயமுறுத்தும் நோக்கத்துடன் மட்டுமே ஹீலர் பாஸ்கர் அவர்களை கைது செய்திருக்கிறார்கள். இனிமேல் அனைவரும் வீட்டு பிரசவம் செய்வது எவ்வாறு என்று பேச அஞ்சுவார்கள் அல்லவா? அதுதான் அவர்களின் நோக்கம்.

சரி! தெரிந்து கொண்டேதான் கேட்கிறேன் சுகப்பிரசவமோ, வீட்டு பிரசவமோ நடப்பதினால் அரசாங்கத்திற்கு என்ன நஷ்டம்? அல்லது "வீட்டு பிரசவம் முயற்சி செய்து ஒரு பெண்மணி இறந்துவிட்டார், அதனால்தான் கைது செய்கிறோம்" என்றால் ஒரு நாளைக்கு எத்தனை மரணங்கள் ஏற்படுகின்றன ஆங்கில மருத்துவமனைகளில்? பிரசவத்தின் போது எத்தனை பெண்மணிகள் உயிரிழக்கிறார்கள்? தவறான ஊசி, தவறான மருந்து, தவறான ஆபரேஷன், என்று வருடத்திற்கு எத்தனை ஆயிரம் பேர் இறந்து போகிறார்கள்?. ஆங்கில மருத்துவத்தை தடை செய்யலாமா? ஆங்கில மருத்துவமனைகளை மூடிவிடலாமா? அரசாங்கத்திற்கு அந்த தைரியம் இருக்கிறதா? குறைந்தபட்சம், ஏன் அவர்கள் இறந்து போகிறார்கள் என்று சிந்திக்கவோ, கேள்விகளை எழுப்புவதற்கோ ஆண்மை இருக்கிறதா?. அரசாங்கத்திற்கும், அமைப்புகளுக்கும், ஊடகங்களுக்கும்?

இந்த கட்டுரையை எழுதும் நான் வீட்டில் தான் பிறந்தேன், உயிரோடு இருக்கிறேன். ஆங்கில மருத்துவமனையில் பிறந்த என் தம்பி பிறந்த அன்றே இறந்துவிட்டார்.