கேள்வி பதில்
கேள்வி பதில்
Showing posts with label பெண்கள். Show all posts
Showing posts with label பெண்கள். Show all posts

சிசேரியன் எனும் வியாபாரமும் கூலிப்படைகளும்

இன்றைய கால கட்டத்தில் கர்ப்பமுற்ற தாய்மார்கள் சிசேரியன் செய்து அல்லது வயிற்றைக் கிழித்து குழந்தையை வெளியே எடுக்கும் செயல் அதிகரித்துவிட்டது. தவறான உணவுமுறை மற்றும் வாழ்க்கைமுறையினால் குழந்தையை ஈன்றெடுக்க முடியாமல் தவிக்கும் சில தாய்மார்களுக்கு, தவிர்க்க முடியாத காரணங்களால் அறுவை சிகிச்சை செய்து குழந்தையை வெளியே எடுக்க நேரிடலாம். ஆபத்தான சூழ்நிலையின் காரணமாக மட்டுமே அறுவை சிகிச்சை செய்யும் மருத்துவர்களுக்கு எனது நன்றியும் வாழ்த்துக்களும்.

இதே நாட்டில் சில மருத்துவர்கள் பணத்துக்காக சுகப்பிரசவம் ஆகக்கூடிய பெண்களுக்குக் கூட ஏதாவது பொய்யான காரணம் கூறி, அவரையும் அவரின் குடும்பத்தாரையும் மிரட்டி, வயிற்றைக் கிழித்து குழந்தையை வெளியில் எடுக்கிறார்கள். 

கேவலம் 20 ஆயிரம் ரூபாய் அதிகமாகக் கிடைக்கும் என்பதற்காக இந்த பாவச் செயலை துணிந்து செய்கிறார்கள். இந்த உலகில் மனிதர்கள் செய்யும் அத்தனை பாவங்களும் அவர்களுக்கும் அவர்களின் பிள்ளைகளுக்கும் ஏதாவது ஒரு வழியில் திரும்பவரும் என்ற அச்சமில்லாமல் கூலிப்படைகளைப் போன்று செயல்படுகிறார்கள். கூலிக்கு கை கால்களை வெட்டுபவர்களுக்கும் பணத்துக்காக கர்ப்பமுற்ற பெண்களின் வயிற்றைக் கிழிப்பவர்களுக்கும் பெரிய வித்தியாசம் கிடையாது. அவர்களை மருத்துவர்கள் என்று கூறக்கூடாது, மருந்து வியாபாரிகள் என்றுதான் கூற வேண்டும். மருத்துவர் என்று அழைப்பதற்கு தகுதியில்லாத பாவிகள்.

சில மருத்துவர்களும், சில பொதுமக்களும் பெண்ணின் வயிற்றைக் கிழித்து குழந்தையை வெளியில் எடுப்பதை ஒரு சாதனையைப் போன்றது பார்க்கிறார்கள். பெண்களே, தாய்மார்களே, உண்மையான நேர்மையான மருத்துவர்களே ஒன்றுமட்டும் நினைவில் கொள்ளுங்கள், கர்ப்பமுற்ற தாய்மார்களுக்கு வயிற்றைக் கிழித்து (சிசேரியன்) குழந்தையை வெளியே எடுப்பது சாதனையல்ல, மருத்துவமுமல்ல.

நன்மையான ஒன்றை உருவாக்குவதுதான் சாதனை அழிப்பது அல்ல. எந்த வலியும் வேதனையுமில்லாமல் ஒரு பெண் அவள் குழந்தையை ஈன்றெடுக்க ஒருவர் வழிகாட்டினால் அவர் மருத்துவர். குழந்தை ஆரோக்கியமாக பிறக்க, தாயும் குழந்தையும் ஆரோக்கியமாக வாழவும் வழிகாட்டினால் அவர் உண்மையான மருத்துவர்.

மிகவும் இக்கட்டான சூழ்நிலை, அல்லது தாயின் சேயின் உயிருக்கு ஆபத்தாக முடியக்கூடிய சூழ்நிலையில்லாமல் ஒருவன் ஒரு பெண்ணின் வயிற்றைப் பணத்துக்காக கிழிப்பானே ஆனால் அவன் மனிதனே அல்ல விலங்கினதைச் சார்ந்தவன். 

மருத்துவர்கள் என்று தங்கக்களை அடையாலப்படுத்திக் கொள்ளும் சில பெண்களும் பணத்துக்காக இன்னொரு பெண்ணின் வயிற்றைக் கிழித்து குழந்தையை வெளியே எடுத்த சம்பவமும் நிறைய கேள்விப்பட்டிருக்கிறேன். அந்தப் பெண் மருத்துவர்கள் தான் கண்களால் காணக்கூடிய பேய்களின் உருவங்கள்.

வயிறு கிழிக்கப்பட்டு குழந்தை வெளியில் எடுக்கப்பட்ட பெண்கள் மற்றும் கர்ப்பப்பையை நீக்கிவிட்ட பெண்கள் அனுபவிக்கக் கூடிய வேதனைகள்.

1. குழந்தைக்குத் தேவையான பால் சுரக்காமல் போகலாம்.
2. குழந்தைக்கு அச்ச உணர்வு அதிகமாக இருக்கலாம்.
3. தாய்க்கு கால்வலி, மூட்டுவலி, இடுப்புவலி, பிடரிவலி உண்டாகலாம்.
4. கால் வீக்கம் உண்டாகலாம், நடக்கச் சிரமம் உண்டாகலாம்.
5. அசீரணம் மற்றும் மலச்சிக்கல் உண்டாகலாம்.
6. கர்ப்பப்பை தொடர்புடைய பாதிப்புகள், வலிகள், கட்டிகள், உண்டாகலாம்.
7. சில வருடங்களுக்குப் பிறகு, சர்க்கரை நோய், இரத்த கொதிப்பு உண்டாகலாம்.
8. இன்னும் பல தொந்தரவுகள் உண்டாகலாம்.

20 ஆயிரம் ரூபாய் கிடைக்கும் என்பதற்காக வயிற்றைக் கிழிப்பவர்களே, கர்ப்பப்பையை நீக்குபவர்களே மேலே குறிப்பிட்ட அத்தனை வேதனைகளையும் அந்த தாய் தன் வாழ்நாள் முழுமைக்கும் அனுபவிக்க நேரிடும். அந்தப் பாவம் முழுவதும் உங்களையும் உங்களின் குடும்பத்தையும் தான் சேரும்.

சில பெண்கள் பிரசவ வேதனையை அனுபவிக்கக் கூடாது என்பதற்காகவும், குறிப்பிட்ட முகூர்த்த நேரத்தில் குழந்தை பிறக்க வேண்டும் என்பதற்காகவும், வயிற்றைக் கிழித்து குழந்தையை வெளியில் எடுக்கிறார்கள். இதுபோன்று சிந்திக்கும் பெண்களே ஒன்றை மறந்துவிடாதீர்கள், ஒரு தடவை வேதனையை அனுபவிக்கக் கூடாது என்று எண்ணுவதால் நீங்கள் வாழ்நாள் முழுமைக்கும் மேலே குறிப்பிட்ட வேதனைகளை அனுபவிக்க நேரிடும். சிந்தித்துச் செயல்படுங்கள்.

விலங்குகள்கூட எவர் உதவியுமின்றி சுயமாகவும் ஆரோக்கியமாகவும் குட்டிகளை ஈன்றெடுக்கும் போது ஆறறிவு மனிதர்களான உங்களால் இயலாதா? யாரையும் நம்பாதீர்கள் ஆரோக்கியமாக உண்ணுங்கள், ஆரோக்கியமாக வாழுங்கள், உடல் சொல்வதை மட்டுமே கேட்டு நடங்கள், எந்த மருந்து மாத்திரைகளும் உட்கொள்ளாதீர்கள்; வலி வேதனையின்றி ஆரோக்கியமாக குழந்தைகள் பிறக்கும்.

மருத்துவ வியாபாரிகளே வேதனைகளை அனுபவிக்கும் பெண்களின் கண்ணீரும், வேதனையும், வேண்டுதலுக்கு உங்களையும் உங்கள் குடும்பத்தாரையும் சும்மாவிடாது. திருத்தி பாவமன்னிப்பு தேடுங்கள்.

பல பெண்கள் என்னிடம் பகிர்ந்துகொண்ட வேதனைகளின் விளைவாகவும் இனிமேல் இதுபோன்ற கொடுமைகள் பெண்களுக்கு நடக்கக் கூடாது என்பதற்காகவும் இந்த கட்டுரையை எழுதுகிறேன். இந்த கட்டுரை அறத்தைப் பேணி தொழில் செய்யும் மருத்துவர்களுக்குச் சேராது.

கர்ப்பமுற்ற தாய்மார்கள் அதிகமாக சாப்பிட வேண்டுமா?

கர்ப்பமுற்ற தாய்மார்கள் அன்றாடம் சாப்பிடும் அளவுக்கும், பசியின் அளவுக்கும் சாப்பிட்டால் போதுமானது. பசியில்லாமல் அளவுக்கு அதிகமாகவும் சாப்பிடுவது வயிற்றில் இருக்கும் குழந்தையின் உடலை பெருக்கச் செய்து சுகப்பிரசவம் ஆகமுடியாமல் சிரமத்தை உண்டாக்கும்.

அதே நேரத்தில் கர்ப்பமுற்ற தாயின் உடலும் பெருத்து அன்றாட செயல்களை செய்வதிலும், குழந்தையை ஈன்று எடுப்பதிலும் சிரமங்கள் ஏற்படும்.

மார்பகப் புற்றுநோயை உண்டாக்கும் காரணிகள்

பெரும்பாலும் தங்களின் அன்றாட வாழ்க்கையில் செய்யும் சிறு சிறு தவறுகளினால் சில பெண்கள் தங்களுக்குத் தாங்களே மார்பகப் புற்றுநோயை வரவழைத்துக் கொள்கிறார்கள். அன்றாடம் செய்யும் ஒரு சில தவறுகளைத் தவிர்த்தாலே மார்பகப் புற்றுநோய் உண்டாகாமல் தவிர்க்கலாம்.

மார்பகப் புற்றுநோயை உண்டாக்கும் காரணிகள்:
இறுக்கமான உடைகளை அணிவது. சிறிய அல்லது இறுக்கமான உள்ளாடைகளை (பிரா) அணிவது. கம்பி வைத்த அல்லது கடினமான பிராக்களை அணிவது. உறங்கும்போது பிராக்களை அணிந்து கொள்வது.

சிறிய அல்லது இறுக்கமான பிராக்களை அணியும்போது அவை இரத்தம், காற்று, மற்றும் சக்தி ஓட்டங்களைத் தடை செய்கின்றன. நமது சருமத்திற்கு மேலே உடலின் சக்தி நாளங்கள் உள்ளன. இறுக்கமான ஆடைகள் மற்றும் உள்ளாடைகளை அணியும்போது அவை சக்தி நாளங்களின் சக்தி ஓட்டங்களைத் தடை செய்கின்றன. சக்தி ஓட்டங்களில் தடைகள் ஏற்படும்போது, அந்த பகுதியில் உறுப்புகள் பலகீனமடையத் தொடங்குகின்றன. பலகீனமான உறுப்புகளில் அல்லது பகுதிகளில் கழிவுகள் தேங்கத் தொடங்குகின்றன.

இரண்டாவது காரணியாக இருப்பது இரசாயனங்களின் பயன்பாடாகும். பெரும்பாலான பெண்கள் அழகுசாதனப் பொருட்களைப் பயன்படுத்தத் தொடங்கிவிட்டனர். அது மட்டுமின்றி தனது அழகைக் கூட்டுவதாக நினைத்துக் கொண்டு பல இரசாயனம் கலந்த உணவுகளையும், மருந்துகளையும், பானங்களையும் பயன்படுத்தத் தொடங்கிவிட்டனர். அழகுசாதனப் பொருட்களைப் பயன்படுத்தாத இளம் பெண்களே இல்லை என்று சொல்லும் அளவுக்கு அனைத்து இளம் பெண்களும் அழகுசாதனப் பொருட்களைப்  பயன்படுத்தத் தொடங்கிவிட்டனர்.

சரி! நான் ஒரு கேள்வியை முன் வைக்கிறேன், பெண்கள் பயன்படுத்தும் அழகுசாதனப் பொருட்கள் எவற்றிலிருந்து உருவாக்கப்படுகின்றன? ஒரு சிலர் இரசாயனங்கள் என்று பதில் கூறக்கூடும். இப்போது நான் அடுத்த கேள்வியை முன்வைக்கிறேன். இரசாயனங்கள் எவற்றிலிருந்து உருவாக்கப்படுகின்றன? பெண்கள் மட்டுமின்றி பெரும்பாலும் யாருக்கும் இதற்கான விடை தெரியாது என்று நான் நினைக்கிறேன்.

பெண்கள் மட்டுமின்றி இருபாலரும் பயன்படுத்தும் கிரீம், லோஷன், வாசனைத் திரவியம், கலர் பென்சில், லிப்ஸ்டிக், சோப்பு, ஷாம்பு, கண்டிஷனர், என அனைத்து அழகுசாதனப் பொருட்களும் இரசாயனங்களில் இருந்தே தயாரிக்கப்படுகின்றன. நீங்கள் சோப்பு போட்டு குளித்த பிறகு சோப்பின் வாசனை உங்களின் மீது வீசுகிறதா? இல்லையா? ஷாம்பு போட்டு குளித்த பிறகு அதன் வாசனை உங்கள் கூந்தலில் வீசுகிறதா? இல்லையா? நீங்கள் குளிக்கும் போது அவற்றை சுத்தமாக கழுவத் தானே செய்தீர்கள்? சோப்பு மற்றும் ஷாம்புவின் வாசனை உங்களின் தோலில் வீசுகிறது என்றால், என்ன அர்த்தம்?

ஒன்றை எப்போதும் நினைவில் கொள்ளுங்கள். நமது தோலில் சோப்பு, ஷாம்பு, மற்றும் எவற்றைப் பூசினாலும், அவை நமது தோலின் செல்களுக்குள் சென்றுவிடும். செல்களில் நுழைந்த காரணத்தினால் தான், அவற்றின் வாசனை சுத்தமாகக் கழுவியப் பிறகும் மிஞ்சி இருக்கின்றன.

சோப்பு, ஷாம்பு மட்டுமல்ல, ஒவ்வொரு கிரீமும், லோஷனும், வாசனை திரவியமும், இரசாயனத்தில் இருந்து உருவாக்கப்படும் ஒவ்வொரு அழகுசாதனப் பொருளும் தோலுக்குள் ஊடுருவும். தோலுக்குள் ஊடுருவும் இரசாயனங்கள் உடலுக்குள் தேங்கத் தொடங்குகிறது. அவை தேங்கியிருக்கும் உறுப்பை பலவீனப்படுத்தி, நோய்களை உண்டாக்குகின்றன. தேங்கிய இரசாயனங்கள் வெளியேற முடியாத பொழுது, அவை புற்றுநோய் கட்டியாக மாற அதிக வாய்ப்புகள் உள்ளன.

ஹார்மோன் மாத்திரைகள், அலோபதி மாத்திரைகள், மருந்துகள், ஊசிகள், வைட்டமின்கள், சத்து மாத்திரைகள், சத்து மாவுகள், போன்றவற்றில் கலந்திருக்கும் இரசாயனங்கள் புற்றுநோயை உருவாக்க அதிக வாய்ப்புகள் உள்ளன. பதப்படுத்தப்பட்ட உணவுகள், பாக்கெட் உணவுகள், பாட்டில்களில் அடைத்த பானங்கள், உணவு பொருட்களில் கலக்கப்படும் செயற்கை வர்ணம், வாசனை, சுவை போன்றவையும் புற்று நோய்களை உண்டாக்க அதிக வாய்ப்புகள் உள்ளன.

மார்பகப் புற்றுநோய் மட்டுமில்லாமல் பெண்களுக்கு உண்டாகக் கூடிய பெரும்பாலான நோய்களுக்கு மேலே உள்ள காரணங்கள்தான் முக்கியக் காரணியாக இருக்கின்றன. மேலே கூறப்பட்டவற்றைத் தவிர்க்கும் போது, நோய்கள் உண்டாகாமல் தவிர்த்து இறுதிவரையில் ஆரோக்கியமாக வாழலாம்.


வீட்டுப் பிரசவம் மற்றும் சுகப்பிரசவம் ஆபத்தானதா?

இன்றும் உலகம் முழுவதும் கிராமப்புறங்களில் வீட்டுப் பிரசவமும் சுகப்பிரசவமும் நடந்து கொண்டுதான் இருக்கின்றன. ஆனால் இன்னொரு பக்கத்தில் அரசாங்கங்களும் சில தனியார் அமைப்புகளும், ஆங்கில மருத்துவமும், வீட்டுப் பிரசவத்தை எதிர்த்து வருகின்றன.

"வீட்டுப் பிரசவம் ஆபத்தானதா?" என்ற கேள்வியை எழுப்பினால், "ஆம் ஆபத்தானதுதான்" என்றுதான் கூற வேண்டும். வீட்டுப் பிரசவம் என்பது ஆங்கில மருத்துவத்திற்கும், இரசாயன மருந்துகளை தயாரிப்பவர்களுக்கும், அவற்றை விற்பனை செய்பவர்களுக்கும், மருத்துவத்தின் மூலமாக செல்வம் சேர்க்கும் தொழில் அதிபர்களுக்கும் வீட்டுப் பிரசவம் ஆபத்தானதுதான்.

ஒரு பெண் கர்ப்பம் தரித்த நாளிலிருந்து, குழந்தை பிறந்து, அந்தக் குழந்தை சிறுவன் சிறுமி என்ற நிலையை அடையும் வரையில், மருந்துகள், மாத்திரைகள், ஊசிகள், மருத்துவ செலவுகள், மருத்துவமனை செலவுகள், அறுவைசிகிச்சைகள், தடுப்பூசிகள், என்று பல்லாயிரம் கோடிகளை ஆங்கில மருத்துவத்திற்கு பெற்றோர்கள் வழங்குகிறார்கள்.

ஒரு பெண்மணி சுயமாக வீட்டிலேயே பிரசவம் பார்த்துக் கொள்ளும் சூழ்நிலை உருவானால், அந்தப் பெண்மணிக்கு ஆங்கில மருத்துவத்தின் எந்த ஒரு உதவியும் தேவைப்படாது. அந்தப் பெண்மணியிடமிருந்தும், அந்தப் பெண்மணியின் குடும்பத்தாரிடமிருந்தும், ஆங்கில மருத்துவத்திற்கு லட்சக்கணக்கான வருமான இழப்பு ஏற்படும்.

இந்த வருமான இழப்புகள் ஏற்படக்கூடாது, என்பதற்காகத்தான் இயற்கை மருத்துவத்தையும், இயற்கை வாழ்க்கை முறையையும், இயற்கையையும், அழித்து வருகிறார்கள் ஆங்கில மருத்துவ துறையை சார்ந்தவர்கள். உண்மையை அறிந்துகொண்டோ அல்லது அறியாமையினாலோ, பல அமைப்புகளும், நிறுவனங்களும், அரசாங்கங்களும், உறுதுணையாக இருக்கின்றன.

நம் கண் முன்னே வாழும் மூன்றறிவு, நான்கறிவு, ஐந்தறிவு, ஜீவன்கள் எல்லாம் யாருடைய உதவியும் இல்லாமல் சுயமாக கர்ப்பம் தரித்து, சுயமாக கருவை சுமந்து, சுயமாக பிரசவம் செய்து கொள்ளும் போது. ஆறறிவு மனிதனுக்கு என்ன கேடு வந்தது?. அவனால் சுயமாக கர்ப்பம் தரிக்க முடியவில்லை, சுயமாக கருவை வளர்க்கத் தெரியவில்லை, சுயமாக பிரசவம் செய்ய தெரியவில்லை, எங்கே தவறு நடக்கிறது?.

நம் முன்னோர்கள் என்று சொல்லத்  தேவையில்லை, இன்றும் நம் கிராமங்களில் சுகப் பிரசவங்களும், வீட்டுப் பிரசவங்களும், நடந்து கொண்டுதான் இருக்கின்றன. ஆனால் அதை யாரும் பெரிதுபடுத்துவதோ, தடுக்க முயற்சிகள் செய்வதோ கிடையாது. ஏனென்றால் கிராமங்களில் வாழும் ஏழைகளிடம் பணம் இல்லை.

இன்று இயற்கை மருத்துவத்தையும், வீட்டுப் பிரசவத்தையும், எதிர்ப்பவர்கள் அனைவரின் நோக்கமும் ஒன்றுதான். கர்ப்பம் தரிக்கும், பெண் கர்ப்பம் தரித்தது முதல், பிரசவம் ஆகும் வரையில், அவர்களை பணம் காய்க்கும் மரமாக நினைத்து, அவர்களிடம் பணம் சுரண்ட வேண்டும். இந்த வருமானம் கெட்டுவிடும் என்பதற்காகத் தான் அனைவரும் ஒன்று சேர்ந்து மிரட்டுகிறார்கள்.

இந்த நிலை தொடர்ந்தால், 50 வருடங்களில் சுகப்பிரசவம் என்ற சொல் கூட அழிந்துவிடும். பிரசவம் என்றாலே, அருத்துதான் எடுக்க வேண்டும், என்ற சூழ்நிலையை உருவாக்கி விடுவார்கள். உங்கள் எதிர்கால தலைமுறையினர், எவ்வாறு வாழ வேண்டும்? எவ்வளவு நாட்கள் வாழ வேண்டும்? எவ்வாறு குழந்தைகளை பெற்றுக்கொள்ள வேண்டும்? என்பதை நீங்கள்தான் இன்று முடிவு செய்ய வேண்டும்.

சரி இந்தியாவில் நடைமுறையில் இருக்கும் இதே ஆங்கில மருத்துவ முறை தானே மேற்கத்திய நாடுகளிலும் பின்பற்ற படுகின்றன? அங்குள்ள மருத்துவர்கள் மட்டும் எவ்வாறு வீட்டுப் பிரசவங்களை அனுமதிக்கிறார்கள்?. காரணம், அங்குள்ள மக்கள் சிந்தனை ஆற்றல் உள்ளவர்கள், மற்ற உயிர்கள் எவ்வாறு வாழ்கிறது என்பதை பார்க்கிறார்கள், சிந்திக்கிறார்கள். நம் நாட்டிலோ பக்கத்து வீட்டுக்காரர் எப்படி வாழ்கிறார் என்பதை மட்டும்தான் பார்க்கிறோம்.

பக்கத்து வீட்டில், எதிர் வீட்டில், அறுவை சிகிச்சை செய்து குழந்தை பெறுகிறார்கள் என்றால், நாமும் அறுவை சிகிச்சை செய்து குழந்தை பெற்றுக் கொள்வது சரிதான், என்ற முடிவுக்கு வருகிறார்கள் பெரும்பாலான பெற்றோர்கள்.

வீட்டுப் பிரசவம் மற்றும் சுகப்பிரசவம் ஒன்றும் குதிரைக் கொம்பான காரியமல்ல. அமேரிக்கா, ஐரோப்பா, போன்ற வளர்ந்த மேற்கத்திய நாடுகள் அனைத்திலும், சுகப்பிரசவம் மற்றும் வீட்டுப் பிரசவ முறை அரசால் அங்கீகரிக்கப்பட்டு நடைமுறையில் உள்ளன. ஏனென்றால் அங்கே நோயாளிகளை பணம் காய்க்கும் மரமாக மருத்துவர்கள் பார்ப்பதில்லை.

இந்தியாவில் தான் மிக அதிகமாக, மருத்துவர்கள் பணத்துக்காக எதை வேண்டுமானாலும் செய்யலாம் என்ற நிலையில் இருக்கிறார்கள். நாம் தான் புத்திக் கூர்மையுடன், சிந்தித்து செயல்பட வேண்டும். சிந்தியுங்கள். வீட்டுப் பிரசவம் கூடாது என்று கூக்குரலிடும் மருத்துவர்கள் பலரும் வீட்டில் தான் பிறந்திருப்பார்கள்.


பெண் பிள்ளைகளின் பருவம் அடையும் காலமும் உடல் உபாதைகளும்

இந்த காலத்தில் பெண் பிள்ளைகள் வெகு விரைவாக, 12 வயதிலெல்லாம் பூ பெய்து விடுகிறார்கள். சில பிள்ளைகள் 10 வயதிலும், இன்னும் சில பிள்ளைகள் 9 வயது, 8 வயதிலெல்லாம் பூ பெய்து விடுகிறார்கள். இது இயற்கைக்கு மாறான தன்மையாகும்.

விரைவாக பருவம் அடைவது ஆரோக்கியம் அல்ல
பெண் பிள்ளைகள் பருவம் அடைவதாவது, அவள் கர்ப்பப்பையில் ஒரு உயிரை, ஒரு குழந்தையை சுமக்க, அவளின் கர்ப்பப்பை தயாராகி விட்டது என்பதைத் தானே அறிவிக்கிறது? 12 வயதில், 9 வயதில், 8 வயதில் ஒரு குழந்தை மற்றொரு குழந்தையை சுமக்க தயாராக இருக்கிறது என்று உடல் அறிவித்தால், அந்த உடலில் ஏதோ ஒரு கோளாறு இருக்கிறது என்று தான் நாம் புரிந்துகொள்ள வேண்டும்.

14 வயதுக்கு மேல் பருவம் அடைவது தான் ஆரோக்கியம்
14 - 15 வயதுதான் பெண் பிள்ளைகள் பருவம் அடைய ஏற்ற பருவமாகும். இது புரியாமல் 15 - 16 வயதில் பூப்பெய்தும் பிள்ளைகளை நோயாளி போலும் 12 வயதில் பூப்பெய்தும் பிள்ளைகளை ஆரோக்கியவான் போலும் மக்கள் நினைக்கிறார்கள். ஒரு பெண் பிள்ளை 14 வயதுக்கு முன் பருவம் அடைந்து விட்டால், அவளின் கர்ப்பப்பை பலகீனமாக இருக்கிறது என்பதை பெற்றோர்கள் உணர்ந்து கொள்ள வேண்டும். 14 வயதில் பருவம் அடைவதே ஆரோக்கியமாகும்.

பெண் பிள்ளைகள் விரைவாக பூபெய்த கரணம்
பெண் பிள்ளைகள் விரைவாக பூபெய்வதற்கு காரணம் அவளின் கர்ப்பப்பையும் உடலும் பலகீனமாக இருப்பதுதான். தவறான உணவு முறைகளினாலும், தவறான வாழ்க்கை முறைகளினாலும் தான் இந்த தொந்தரவுகள் உருவாகின்றன. குறிப்பாக பசியின்றி உண்பது, பசிக்கு மீறி உண்பது, ஹார்மோன் ஊசி போடப்பட்ட கோழி இறைச்சிகளை அதிகமாக உண்பது, KFC, Marry Brown, McDonald, Pizza, Burger, Fries, Chips போன்ற துரித உணவுகளை அதிகமாக உண்பது.

பாகெட்களில் அடைக்கப்பட்ட உணவுகள், பிஸ்கெட், நொறுக்கு தீனிகள், குளிர்பானங்களை அதிகமாக உண்பது, மற்றும் மன அழுத்தங்களும், உடல் ஆரோக்கியம் சீர்கெட முக்கிய காரணமாக இருக்கின்றன.

பிள்ளைகளின் ஆரோக்கியத்தைப் பாதுகாக்க, பெற்றோர்கள் இத்தகைய உணவு வகைகளை பிள்ளைகளுக்கு கொடுக்காமல் தவிர்க்க வேண்டும். இல்லை என் பிள்ளைகள் பேச்சை கேட்பதில்லை, அடம் பிடிக்கிறார்கள் என்று நீங்கள் கூறினால். அவர்களுக்கு அந்த பழக்கத்தை உருவாகியதே நீங்கள்தான். சற்று கடுமையாக நடந்து கொள்ளுங்கள்.

பருவம் அடைந்த சிறுமிகளின் தொந்தரவுகள்
பருவம் அடைந்த பெண் பிள்ளைகள், பருவம் அடைந்த ஆரம்ப கால கட்டத்தில் சில தொந்தரவுகளை உணரலாம். குறிப்பாக மாதம் தவறி வருதல், அதிகமாக அல்லது குறைவான மாத போக்கு. மாத போக்கு சில நாட்கள் நீடித்தல் அல்லது ஓரிரு நாட்களில் நின்று விடுதல். பருவம் அடைந்து சில மாதங்கள் வராமல் இருத்தல். கால், தொடை, இடுப்பு பகுதிகளில் வலி போன்றவை.

பெற்றோர்கள் குறிப்பாக தாய்மார்கள் இவற்றை தெரிந்து, புரிந்து வைத்திருக்க வேண்டும். அவர்களின் பெண் பிள்ளைகளுக்கும் கற்று தர வேண்டும்.

- 16 வயது வரையில் பருவம் அடைய வில்லை என்றாலும் பரவாயில்லை, பொறுமையாக இருங்கள், உடல் தன்னை தானே சீர்செய்து கொண்டு, பருவம் அடைவாள்.

- பருவம் அடைந்த பிள்ளைகளுக்கு, சில மாதங்கள் மாத சுழற்சி நடக்கவில்லை என்றால் தவறில்லை.

- பருவம் அடைந்த பெண் பிள்ளைகளின் மாத சுழற்சி முறையாக நடக்க சில காலம் ஆகலாம், சிலருக்கு சில வருடங்கள் கூட ஆகலாம், அதனால் பயம் தேவை இல்லை.

பெண் பிள்ளைகளின் தொந்தரவுகளுக்குத் தீர்வு
பெண் பிள்ளைகள் பருவம் அடைந்த தொடக்கத்தில் தோன்றும் எந்த தொந்தரவுகளுக்கும் மருத்துவம் பார்க்க கூடாது. மீறி மருத்துவம் செய்தால் அது அவர்களின் கர்ப்பப்பையை பாதித்து நோய்களையும், உடல் உபாதைகளையும் உருவாகும்.

உணவு முறைகளையும் வாழ்க்கை முறைகளையும் சரி செய்தாலே போதும், அனைத்து தொந்தரவுகளும் குணமாகும். பசி எடுத்து சாப்பிட சொல்லுங்கள். இனிப்பான பழங்கள் மற்றும் காய்கறிகள் அதிகமாகச் சாப்பிட கொடுங்கள். இரவில் விரைவாக படுக்கைக்கு செல்ல சொல்லுங்கள். இது போதும், எந்த மருத்துவமும் தேவையில்லை.

தற்போது ஏதாவது மருந்துகள் கொடுத்து கொண்டிருந்தால், உடனே நிறுத்துங்கள். அனைத்து தொந்தரவுகளும் படி படியாக குணமாகும்.

An acupuncture point to cure women's physical health disorders


பெண்களின் அனைத்து உடல் உபாதைகளையும் குணப்படுத்தக் கூடிய அக்குபங்க்சர் புள்ளி.

கருவில் வளரும் குழந்தை சத்தாகவும் ஆரோக்கியமாகவும் வளர என்ன சாப்பிடலாம்?

கருவில் இருக்கும் குழந்தை ஆரோக்கியமாக வளர, அன்றாட உணவை பசி உண்டான பின்னர் பசியின் அளவுக்கு உட்கொண்டால் போதுமானது. குழந்தையை வளர்க்க அல்லது குழந்தையின் பலத்துக்கு, ஆரோக்கியத்துக்கு என்று எந்த சிறப்பு உணவுகளும் எடுத்துக் கொள்ளத் தேவையில்லை.

இனிப்பான பழங்களை அதிகமாக உட்கொண்டால் போதுமானது, தாய்க்கும் குழந்தைக்கும் தேவையான அத்தனை சத்துக்களும் அதில் கிடைத்துவிடும்.

பரம்பரை நோய்களைத் தடுக்க முடியுமா?

நிச்சயமாக முடியும், கர்ப்பம் தரித்த பெண்கள் அவர்களின் உடலின் மொழிகளைப் புரிந்து நடந்துகொண்டு. எந்த ஊசி, மருந்துகளும் பயன்படுத்தவில்லை என்றால் பரம்பரை நோய்களைக் குழந்தைகளுக்குப் பரவாமல் தடுக்கும் ஆற்றல் தாயின் கர்ப்பப்பைக்கு இயற்கையாகவே உள்ளது.

சில பெண்கள் கர்ப்பம் தரிக்க தாமதமாவது ஏன்?

பெண்கள் கர்ப்பம் தரிப்பது என்பது மிக மிக சாதாரண விசயம். நிற்பதை, நடப்பதை, ஓடுவதை, பேசுவதை, பார்ப்பதை, கேட்பதை, உணவு உண்பதை, போன்று பெண்கள் கர்ப்பம் தரிப்பதும் மிகவும் இயல்பாக நடக்கக் கூடிய விசயங்களில் ஒன்று. அறியாமையினாலும் வியாபார நோய்களினாலும் பெண்கள் கர்ப்பம் தரிப்பதையும் பெண்களின் கர்ப்ப காலங்களையும் ஏதோ மிகவும் ஆபத்தான ஆச்சரியமான விசயங்களில் ஒன்று என்பதை போன்ற ஒரு மாயையை உருவாக்கி விட்டார்கள் சில தரப்பினர்.

நம் முன்னோர்கள் சர்வ சாதாரணமாக பத்துப் பதினைந்து குழந்தைகளை பெற்றுக் கொண்டார்கள். முன்னோர்கள் என்று கூறியவுடன் ஆயிரக்கணக்கான ஆண்டுகள் பின்னோக்கி செல்லத் தேவையில்லை. ஐம்பது ஆண்டுகளுக்கு முன்பாக கூட நம் குடும்பங்களில் பத்து குழந்தைகளை ஈன்ற தாய்மார்கள் இருந்தார்கள். குழந்தைகளை பெற்றுக் கொள்வது அவர்களுக்கு கடினமான விசயமாக இருக்கவில்லை.

ஆங்கில மருத்துவம் விரிவான பயன்பாட்டுக்கு வந்த பிறகுதான் நம் பெண்களுக்கு இந்த நிலைமை உருவானது. இரண்டு குழந்தைகளை பெற்றுக் கொள்வதையே ஒரு சாதனையைப் போல் எண்ணுகிறார்கள் சில பெண்கள். இதற்கு காரணம் கர்ப்பம் தரிக்க இயலாமலும், சுகப்பிரசவம் செய்ய இயலாமலும், ஆரோக்கியமான குழந்தைகளை ஈன்றெடுக்க இயலாமலும் பல பெண்கள் அவதிப்படுகிறார்கள். அவர்களுடன் ஒப்பிட்டுப் பார்த்து பெருமை கொள்கிறார்கள்.

ஐம்பது ஆண்டுகளுக்கு முன்பு வரையில் மிக இயல்பாக நடந்து வந்த ஒரு விசயம் இப்போது திடீரென கடினமான ஒரு விசயமாக மாறியதற்கு என்ன காரணம்?

கர்ப்பம் தரிக்க இயலாமைக்கு பெரும்பாலும் ஆண்கள் காரணமாக இருக்க மாட்டார்கள். ஆணின் விந்துகளின் எண்ணிக்கை குறைவாக இருப்பது கர்ப்பம் தரிக்க இயலாமைக்கு ஒரு காரணமாக இருக்கலாம், என்று கூறுவது வெறும் வேடிக்கையான விசயம் மட்டுமே. ஒரு குழந்தை உருவாக ஒரு தரமான விந்து போதும். விந்து தரமாக இல்லையென்றால் ஆண்களுக்கு வீரியம் உருவாகாது. ஆணுக்கு வீரியம் இருக்கிறது என்றால் அவனின் விந்தால் குழந்தையை உருவாக்க முடியும் என்று அர்த்தம்.

பெரும்பாலும் குழந்தை உருவாகாமல் இருப்பதற்கு பெண்களே காரணமாக இருக்கிறார்கள். பெண்ணுறுப்பில் செலுத்தப்படும் விந்து சுயமாக நீந்திச் சென்று பெண்ணின் கருமுட்டையை அடையும் என்று பலர் நினைக்கிறார்கள். சில மருத்துவர்களும் இதைத்தான் கூறிவருகின்றனர். உண்மை என்னவென்றால் பெண்ணின் கருமுட்டை தான் ஆணின் விந்தை தன்பக்கம் கவர்ந்திழுக்கும். வெளியில் எவ்வாறு அழகான பெண்கள் ஆண்களை கவர்ந்திழுக்கிறார்களோ அதைப் போன்றே, கர்ப்பப்பையிலும் ஆரோக்கியமான கரு முட்டைகளே விந்தணுவை தன்பக்கம் கவர்ந்திழுக்கும். இரண்டும் சேர்ந்து குழந்தையாக உருவாகும்.

சிறுவயது முதலாக பெண் பிள்ளைகளுக்கு போடப்படும் தடுப்பூசிகள் அவர்கள் கர்ப்பம் தரிக்க இயலாமைக்கு ஒரு முக்கிய காரணமாக இருக்கிறது. அடுத்ததாக அவர்களின் சிறு சிறு உடல் தொந்தரவுகளுக்கும் குழந்தை முதலாக கொடுக்கப்பட்ட மருந்துகளும் மாத்திரைகளும் அவற்றிலிருக்கும் இரசாயனங்களும் முக்கியமான காரணமாக அமைகின்றன.

சிறுவயது முதலாக பசியில்லாமல் கொடுக்கப்பட்ட உணவுகள், குழந்தைகளின் உடலில் நோய்களை உருவாக்குகின்றன. ஆண் பிள்ளைகளுக்கு வீரிய குறைபாட்டையும் பெண் பிள்ளைகளுக்கு கர்ப்பப்பையின் பலவீனத்தையும் உருவாகின்றன.

இன்றைய காலகட்டத்தில் பெண்கள் கருத்தரிக்க இயலாமல் இருப்பதற்கு இரண்டே முக்கிய காரணங்கள்தான் இருக்கின்றன. ஒன்று ஒரு குழந்தையை சுமந்து வளர்க்கும் அளவுக்கு அவர்களின் கர்ப்பப்பை ஆரோக்கியமாக இல்லை. அடுத்தது ஒரு குழந்தையை ஆரோக்கியமாக கர்ப்பப்பையில் வளர்த்து உருவாக்கும் அளவிற்கு அவர்களின் உடலில் சக்தி போதவில்லை. இவை இரண்டையும் சரி செய்தால் கர்ப்பம் தரிப்பதும் குழந்தையை ஈன்றெடுப்பது மிகவும் எளிதான காரியமாக இருக்கும்.

உடலின் ஆரோக்கியமும், சத்து உற்பத்தியும், செரிமானமும், மாதவிடாய் சுழற்சியும், முறைப்படுத்தப்பட்டால் மட்டுமே பெண்கள் எளிதாக கர்ப்பம் தரிக்க முடியும். இயற்கையாக இறைவன் கொடுத்த வழிமுறைகளை விட்டுவிட்டு செயற்கையாக கருத்தரிக்க முயல்வது முட்டாள்தனம் அன்றி வேறில்லை. கர்ப்பம் தரிக்க இயலாத பெண்களே இந்த உலகில் கிடையாது. அனைத்து பெண்களாலும் கர்ப்பம் தரிக்க முடியும். அழகான ஆரோக்கியமான நல்ல குழந்தைகளை பெற்றெடுக்க முடியும். இதை முதலில் அனைவரும் புரிந்து கொள்ள வேண்டும்.

நீங்கள் பொருட்களை வாங்க கடைக்குச் சென்றால் எவ்வாறு அந்த பொருட்களில் சிறந்தவற்றைத் தேர்ந்தெடுத்து வாங்குவீர்களோ அதைப்போன்றே இயற்கையும் ஒரு குழந்தையை இந்த மண்ணில் படைக்கும் போது சிறந்த கர்ப்பப்பையையே தேர்ந்தெடுக்கும். ஆரோக்கியமான நிலத்தில் நல்ல விளைச்சல் உருவாவதைப் போன்று ஆரோக்கியமான கர்ப்பப்பையில் மட்டுமே ஆரோக்கியமான குழந்தைகள் உருவாகும்.

கர்ப்பம் தரிக்க எண்ணம் கொண்ட பெண்கள் முதலில் அனைத்து வகையான மருத்துவ முறைகளையும் தவிர்க்க வேண்டும். இதுவரையில் பயன்படுத்தி வந்த அனைத்து மருந்து மாத்திரைகளையும் நிறுத்த வேண்டும். குறிப்பாக ஆங்கில மருத்துவத்தின் பக்கமே தலைவைத்தும் படுக்கக் கூடாது.

வாழ்க்கை முறை மற்றும் உணவு முறைகளை மாற்றவேண்டும். பசித்தால் மட்டுமே உணவை பசியின் அளவுக்கு உட்கொள்ள வேண்டும். தாகம் இல்லாமல் தண்ணீர் அருந்தக்கூடாது. தேவையில்லாமல் உடற்பயிற்சி செய்யக் கூடாது. இரவில் ஒன்பது மணிக்கெல்லாம் படுக்கைக்கு சென்று விட வேண்டும்.

உடலின் சத்துக்களையும் சக்தியையும் மேம்படுத்த காய்கறிகளையும் பழங்களையும் அதிகமாக உட்கொள்ள வேண்டும். இரவில் வெறும் வயிற்றுடன் படுக்கைக்கு செல்ல வேண்டும்.

இவற்றை பின்பற்றினால் கர்ப்பப்பை சுத்தமாகி, பலமடைந்து இறைவனின் அருளால் கர்ப்பம் தரிக்க வாய்ப்புகள் அதிகமாக உள்ளது. இறைவனை நம்புங்கள், இயற்கையை நம்புங்கள், ஆரோக்கியமாக வாழுங்கள், மகிழ்ச்சியாக இருங்கள்.