கேள்வி பதில்
கேள்வி பதில்
Showing posts with label பஞ்சபூதங்கள். Show all posts
Showing posts with label பஞ்சபூதங்கள். Show all posts

உணவின் மூலமாக உடலின் பஞ்சபூத சக்திகளை எவ்வாறு சமப்படுத்துவது?

உடலின் பஞ்சபூத சக்திகளும், உணவின் சுவைகளும்
மனிதனின் உடலானது பஞ்சபூத சக்திகளின் கலவையினால் உருவானது என்பது நம் அனைவருக்கும் தெரிந்த விசயம்தான். பஞ்சபூத சக்திகளால் உருவான இந்த உடல், தினமும் செயல்படுவதற்கும், ஆரோக்கியமாக இருப்பதற்கும், நீண்ட நாட்கள் வாழ்வதற்கும் பஞ்சபூத சக்திகள் இன்றியமையாத தேவையாக இருக்கிறது.

பஞ்சபூத சக்திகளை நம் உடலானது வெளியிலிருந்து சிறிதளவு பெற்றுக் கொண்டாலும், பெரும்பான்மையான சக்திகளை உடல் சுயமாகவே உற்பத்தி செய்துகொள்கிறது. நம் உடலின் உள் உறுப்புகள் ஒவ்வொன்றும் ஏதாவது ஒரு பஞ்சபூத சக்தியை உருவாக்கும் தன்மையுடன்தான் படைக்கப்பட்டிருக்கிறது.

இருதயம் நெருப்பு சக்தியையும், மண்ணீரல் நிலம் சக்தியையும், நுரையீரல் காற்று சக்தியையும், சிறுநீரகம் நீர் சக்தியையும், கல்லீரல் ஆகாய (மரம்) சக்தியையும் உற்பத்தி செய்கின்றது.


நாம் உண்ணும் உணவும், உணவின் சுவைகளும் உடலின் உள்ளுறுப்புகளுக்கு சக்தியளிக்கவும், பஞ்சபூத சக்திகளை உற்பத்தி செய்யவும் பேருதவியாக இருக்கிறது. குறிப்பாகச் சொல்லப்போனால் உணவில் உள்ள சுவைகளே பெரும் பங்கு வகிக்கின்றன. இதனால்தான் உணவை உட்கொள்வதற்கு முன்பாக இனிப்பு சுவையுள்ள பழங்களை உட்கொள்வது ஒரு வழக்கமாக நம் கலாச்சாரத்தில் இருக்கிறது. உணவு வேலைகளுக்கு முன்பாக இனிப்பான பழங்களை உட்கொண்டால் நமது மண்ணீரலும் வயிறும் உணவுகளை ஜீரணிக்கத் தயாராகும்; அதற்குப் பிறகு உட்கொள்ளும் உணவுகள் எளிதாக ஜீரணமாகும்.

இனிப்பு, புளிப்பு, கசப்பு, துவர்ப்பு, கரிப்பு மற்றும் காரம் என ஆறு சுவைகளும் உடலுக்கு மிகவும் அவசியமானவை. உடலில் பஞ்சபூத சக்திகள் சமநிலையில் இருக்க வேண்டும் என்றால் எந்த சுவையையும் ஒதுக்கக்கூடாது. எல்லாச் சுவையும் உணவில் சேர்த்துக் கொள்ள வேண்டும்

நம் உடல் சுயமாக உற்பத்தி செய்துகொள்ளும் பஞ்சபூத சக்திகளின் அளவு குறையும் போது, அந்த சுவை தொடர்புடைய உறுப்புகளில் கழிவு தேக்கங்களும், பலகீனங்களும், பாதிப்புகளும், குறைபாடுகளும், நோய்களும், உருவாக வாய்ப்புகள் அதிகம் உள்ளன. நம் உண்ணும் உணவுகளில் உள்ள சுவைகள், இயற்கையான சுவைகளாக இருக்க வேண்டும். செயற்கையான சுவைகளை உட்கொள்ளும் போது, அந்த சுவைகள் தொடர்புடைய உறுப்புகள் பாதிப்படையத்தொடங்கும்.

இயற்கையிலேயே உருவாகக் கூடிய உணவுகள், பழங்கள், காய்கறிகள், தாவரங்கள், கிழங்கு வகைகள், போன்றவை ஆறு சுவைகளும், அதாவது ஐந்து பஞ்சபூத சக்திகளையும் முழுமையாக பெற்றதாக இருக்கின்றன.


உதாரணத்திற்கு வாழைப்பழத்தை எடுத்துக்கொள்வோம். வாழைப்பழத்தில் இனிப்பு சுவை பெருமளவு இருப்பதால் வாழைப்பழம் இனிப்பாக இருக்கிறது. ஆனாலும் இனிப்பு, புளிப்பு, கசப்பு, துவர்ப்பு, கரிப்பு மற்றும் காரம் என ஆறு சுவைகளும் வாழைப்பழத்தில் மறைவாக இருக்கும். மற்ற சுவைகள் சிறிய அளவில் இருப்பதால் நம் நாக்கினால் அவற்றை எளிதில் உணர முடிவதில்லை.

அதைப்போல் பழங்கள், காய்கறிகள், கிழங்குகள், அரிசி, கோதுமை, பருப்புகள், தேன், போன்றவற்றிலும் ஆறு சுவைகளும் இருக்கும். உணவுகளில் என்ன சுவை பெருமளவு இருக்கிறதோ அந்த சுவையை மட்டுமே நம் நாவால் உணர முடிகிறது. உணவுகள் சுத்திகரிக்கப் படும்போதும், பதப்படுத்தப்படும் போதும், இரசாயனங்கள் கலக்கப்படும் போதும் ஓரிரு சுவைகளை இழந்துவிடுகின்றன.

நம் பாரம்பரிய உணவு முறை
நம் முன்னோர்கள் அன்றாட உணவுகளில் ஆறு சுவைகளும் இருக்கும்படியாக பார்த்துக் கொண்டார்கள். முன்பெல்லாம் நாம் தினசரி உண்ணும் உணவுகளில் ஆறு சுவைகளும் உடலுக்குக் கிடைத்துவிடும். இன்று நவீன விஞ்ஞான வளர்ச்சி என்ற பெயரில், நம் முன்னோர்களின் அறிவியல் அறிவை கோட்டை விட்டு விட்டோம்.

மன இச்சைகளுக்கு கட்டுப்பட்டு, உணவை உட்கொள்ளத் தொடங்கிய பிறகு. நம் உடலுக்குத் தேவையான சத்துகளும், சுவைகளும் முழுமையாகக் கிடைக்காமல் போயின. உடலில் உள்ளுறுப்புக்கள் பலகீனம் அடைந்து, பல பாதிப்புகளும், பலகீனங்களும், நோய்களும் உருவாகத் தொடங்கின.

உடல் நலத்தைப் பாதுகாக்க
நம் உடல் இறுதி வரையில் ஆரோக்கியமாகவும், சுறுசுறுப்பாகவும், தெம்பாகவும், பலமாகவும், இருக்க வேண்டுமென்றால்; நம் உணவில் அன்றாடம் இனிப்பு, புளிப்பு, கசப்பு, துவர்ப்பு, கரிப்பு மற்றும் காரம், என ஆறு சுவைகளையும் சேர்த்துக் கொள்ள வேண்டும். அனைத்து இயற்கை உணவுகளிலும் ஆறு சுவைகளும் கிடைக்கும், அவற்றை முறையாகவும், சிறிய நெருப்பிலும், பதமாகவும் சமைத்தால், அந்த சுவைகளும் பாதிப்படையாமல் முழுமையாக உடலுக்குக் கிடைக்கும்.

இன்றைய காலகட்டத்தில் உள்ள உணவுகளில், உவர்ப்பு சுவை கிடைப்பதில்லை, என்பதனால்தான், வெற்றிலை பாக்கு போடும் பழக்கத்தை, நம் முன்னோர்கள் உருவாக்கினார்கள். நம் அன்றாடம் உண்ணும் உணவில் ஐந்து சுவைகளும், உணவுக்குப் பின் மேலும் வெற்றிலை பாக்கில் ஒரு சுவையும் சேரும்போது ஆறு சுவைகளும் ஒரு முழுமை பெறுகின்றன.

செயற்கை உணவுகளையும், பதப்படுத்திய உணவுகளையும் தவிர்த்துவிடுங்கள். சமையலில் செயற்கை சுவைகளையும், செயற்கைப் பொருட்களை தவிர்த்துவிடுங்கள். பழங்களில் மட்டுமே ஆறு சுவைகளும் எந்த சிதைவும் அடையாமல் முழுமையாகக் கிடைக்கும். அதனால் பழங்களை அதிகமாக உண்ணுங்கள். உங்கள் பிள்ளைகளுக்கும் பழக்கப் படுத்துங்கள். ஆரோக்கியமாக வாழுங்கள்.

நீரின்றி அமையாது உலகு

உலக உயிர்களின் தோற்றம்
நெருப்பு, நிலம், காற்று, ஆகாயம், என் அனைத்தும் உருவான பின்பும், இந்த பூமியில் உயிர்கள் தோன்றவில்லை. இந்த பூமியின் நிலத்திலிருந்து தோன்றிய வாயுக்கள் வானத்தில் மேகமாகத் திரண்டு, மழையாக பெய்து பின்புதான் நுண்ணுயிர்கள், புற்கள், செடி கொடிகள், உருவாகத் தொடங்கின.

படைப்புகளின் தொடர்ச்சியாக உயிரினங்களும் உருவாகத் தொடங்கின. முதன் முதலில் நிலத்தில் குளம், குட்டைகள், ஆறுகள், கடல்கள் உருவாகி. அந்தக் கடலில் தோன்றிய சிறு சிறு உயிரினங்களின் பரிமாண வளர்ச்சியாக மீன்களும், கடல் வாழ் உயிரினங்களும் உருவாகின.

கடலில் தோன்றிய உயிர்கள் அதன் பரிமாண வளர்ச்சியாக, நீர், நிலம் இரண்டிலும் வாழக்கூடிய உயிர்கள் தோன்றின. அடுத்ததாக நிலத்தில் மட்டுமே வாழக்கூடிய உயிர்கள் தோன்றின. நிலத்தில் தோன்றிய உயிர்களின் பரிமாண வளர்ச்சியின் உச்சமாக மனிதர்கள் தோன்றினார்கள்.

இந்த பரிமாண வளர்ச்சி ஆறாவது அறிவான மனித பிறப்போடு முடிவதாக எனக்குத் தோன்றவில்லை. மனிதர்கள் அனைவரும் ஏழாவது அழிவை நோக்கி சென்று கொண்டிருக்கிறார்கள். முதல் ஆறு அறிவின் வளர்ச்சிகள், உடல் மூலமாகவும் ஆறாவது அறிவுக்கு மேலான வளர்ச்சிகள், உயிர் மற்றும் புத்தியின் மூலமாகவும் நடைபெறுகின்றன.

அனைத்தும் இருந்தும் தோன்றாத உயிர் நீர் உருவான பின்பு தோன்றியதால், “நீரின்றி அமையாது உலகு”.


சீன மருத்துவத்தில் பஞ்சபூதங்கள் என்பவை யாவை?

சீன மருத்துவத்தில் பஞ்சபூதங்கள் என்பவை நெருப்பு, நிலம், உலோகம் (காற்று), நீர், மரம் ஆகிய ஐந்தும்.

இந்தியாவில் பஞ்சபூதங்கள் யாவை?

பஞ்சபூதங்கள் என்பவை நெருப்பு, நிலம், கற்று, நீர், ஆகாயம் (மரம்).

மனித உடலின் பஞ்சபூத உறுப்புகள் யாவை?

பஞ்சபூத உறுப்புகள் என்பவை இருதயம், மண்ணீரல், நுரையீரல், சிறுநீரகங்கள், கல்லீரல்.

ஒரு நாட்டில் வாழும் உயிரினம் ஏன் மற்ற நாடுகளில் வாழ்வதில்லை?

பஞ்சபூத சக்திகள் ஒன்றுக்கூடும் போது, அங்கு உயிர்கள் தோன்றுகின்றன. ஒவ்வொரு ஊரிலும் பஞ்சபூத சக்திகளின் தன்மைகள் மாறுபடுவதால் அந்த நாடுகளில் தோன்றும் உயிரினங்களும் மாறுபடுகின்றன.

பஞ்சபூத சக்திகள் எவ்வாறு உருவாகின்றன?

பஞ்சபூத சக்தியின் உருவாக்கம்
மனித உடலிலும், உலகிலும் பஞ்சபூத சக்திகள் தன்னை தானே சரி செய்துகொண்டும், தனக்கு தேவையான சக்திகளை உற்பத்தி செய்துகொண்டும்; தன்னைச் சார்ந்த மற்றொரு பஞ்சபூத சக்தியை உருவாக்கிக் கொண்டும் இருக்கிறது. இந்த செயல் பெரும்பாலும், தொடர்ச்சியாக நடைபெற்றுக் கொண்டே இருக்கும். இந்த பஞ்சபூத சக்தியின் உற்பத்தி தடைப்படும் போதுதான் மனிதனின் உடலில் குறைபாடுகளும் நோய்களும் உருவாகின்றன.


பஞ்சபூத சக்தியின் உருவாக்கம்

பஞ்சபூதங்கள் யாவை?

பஞ்சபூதங்கள் ஐந்து
1. நெருப்பு
2. நிலம்
3. காற்று
4. நீர்
5. மரம் / ஆகாயம்