கேள்வி பதில்
கேள்வி பதில்
Showing posts with label பக்க விளைவுகள். Show all posts
Showing posts with label பக்க விளைவுகள். Show all posts

மருந்து மாத்திரைகளை உட்கொள்ளும் முன்பு இந்த பரிசோதனையை செய்துபாருங்கள் - Medicine Energy Test

நீங்கள் உட்கொள்ளும் மருந்து மாத்திரைகள் உங்களுக்கு பயனளிக்கின்றனவா? இந்த வழிமுறையில் பரிசோதனை செய்து பார்க்கலாம். மருந்து மாத்திரைகளை உட்கொள்ளும் முன்பு இந்த பரிசோதனையை செய்துபாருங்கள் 

சத்து மாத்திரைகள் உடலுக்கு நன்மைகளை தருகின்றனவா?

உடலின் ஆரோக்கியத்திற்காக, பலத்திற்காக, அல்லது அழகுக்காக என்று பலர் சத்து மாத்திரைகள், சத்துமாவுகள், விட்டமின், மினரல் போன்றவற்றை உட்கொள்கிறார்கள். இவை உடலுக்குத் தேவையானதா? உடலுக்கு அவசியமானதா? இவற்றினால் மனிதர்களுக்கு நன்மைகள் விளையுமா?

மழை பெய்யும் போது மிகுதியாக எவ்வளவு மழை பெய்தாலும், மழை நீருடன் ஆற்று நீர் வந்து சேர்ந்தாலும் கடல் அவற்றை ஏற்றுக்கொள்ளும். எவ்வளவு நீர் சேர்ந்தாலும் அவற்றை தாங்கிக் கொள்ளும், சேர்த்து வைக்கும் தன்மை கடலுக்கு இருக்கிறது.  ஆனால் அதே மழைநீர் ஒரு வாலியில் பெய்தால், அந்த வாலி நிரம்பியதும் மிகுதியாக உள்ள நீர் வழிந்து வெளியே ஓடிவிடும்.

வாலியைப் போலத்தான் நம் உடலும் உடலில் தேவைக்கு அதிகமாக நாம் உட்கொள்ளும் விட்டமின், மினரல் போன்ற சத்துக்கள் அனைத்தும் சிறுநீர் அல்லது மலம் மூலமாக உடலைவிட்டு வெளியேறிவிடும். தினமும் விட்டமின் மாத்திரைகள் அல்லது சத்து மாத்திரைகள் உட்கொள்வது ஒரு தேவையற்ற வேலை மட்டுமே.

உடல் தனக்குத் தேவையான அத்தனை சத்துக்களையும், நாம் உண்ணும் உணவின் மூலமாக தானே உற்பத்தி செய்து கொள்ளும் ஆற்றலுடன் படைக்கப்பட்டிருக்கிறது. அதனால் உடலுக்கு சத்துக்கள் தேவைப்படும் என்பதற்காக மருந்து மாத்திரைகள், சத்துப் பொருட்கள், சத்துமாவுகள் போன்றவை உட்கொள்ள தேவையில்லை. இவற்றை உட்கொள்வது பண விரயம் மட்டுமே. அதுமட்டுமின்றி இரசாயனம் மூலமாக தயாரிக்கப்படும் விட்டமின் மினரல் போன்ற சத்துக்கள் உடலுக்கு கெடுதல்களையும் நோய்களையும் உருவாக்க வாய்ப்புகள் அதிகம் உள்ளன.

நீங்கள் வாங்கும் ஒவ்வொரு உணவுப் பொருளிலும், அந்த உணவுப் பொருள் எதிலிருந்து தயாரிக்கப்படுகின்றன, என்னென்ன கலக்கப்பட்டிருக்கின்றன என்ற விவரங்கள் இருக்கும். நீங்கள் வாங்கும் எந்த சத்து அல்லது விட்டமின் மாத்திரைகளிலாவது, அந்த மாத்திரைகள் எவற்றிலிருந்து  தயாரிக்கப்பட்டவை என்ற விவரங்கள் போட்டிருக்கிறதா?

இனிமேல் மருந்து மாத்திரைகள், சத்து மாத்திரைகள் வாங்கும்போது அவற்றை பரிந்துரைக்கும் மருத்துவரிடமோ மருந்து கடையிலோ கேளுங்கள் இந்த மாத்திரைகள் எவற்றிலிருந்து தயாரிக்கப்பட்டவை என்பதை. சத்துக்களே இல்லாத, உடலுக்கு தீங்கு விளைவிக்கக்கூடிய மாத்திரைக்கு சத்து மாத்திரை என்று பெயர் அதை நாமும் வாங்கி உட்கொண்டு கொண்டிருக்கிறோம்.

ஒரு மனிதனுக்கு கண், காது, மூக்கு, கை, கால் என உடல் உறுப்புகள் முழுமையாக இருக்கும்; அதைப்போல் இறந்து போன ஒரு சடலத்திலும் கண், காது, மூக்கு, கை, கால், என்று அனைத்தும் இருக்கும் அதற்காக சடலத்தை யாரும் மனிதன் என்று அழைப்பதில்லை. மற்றும் அந்த சடலம் மனிதனும் அல்ல.

அதைப் போன்றே சத்து மாத்திரைகளின் இரசாயன கட்டமைப்பும் உண்மையான சத்துக்களைப்  போன்றே இருக்கலாம். இரசாயன (chemical) கட்டமைப்பு ஒன்றாக இருக்குமே ஒழிய அதன் உயிர் சக்தி இருக்காது. உயிர் சக்தி இல்லாத இந்த மாத்திரைகள் இறந்து போன சடலத்துக்கு சமமானவையே. இவற்றை உட்கொள்ளும் மனிதர்களுக்கு நோய்களை உருவாக்குமே ஒழிய எந்த வகையான நன்மைகளும் உருவாக வாய்ப்பே கிடையாது.

சத்து மாத்திரைகளை உட்கொண்டாலும் பழக்கம் உள்ளவர்களாக இருந்தால் அவற்றை முதலில் நிறுத்துங்கள். உங்கள் பிள்ளைகளுக்கும் பெரியவர்களுக்கும் அவற்றை கொடுக்காதீர்கள். இயற்கையாக கிடைக்கக்கூடிய சத்துள்ள பழங்கள் மற்றும் காய்கறிகளை அதிகமாக உட்கொள்ளுங்கள்.

பழங்கள் காய்கறிகள் போன்ற உணவு வகைகளில் மட்டுமே உண்மையான முழுமையான சத்துக்களும் உடலுக்கு தேவையான அனைத்து சத்துகளும் கிடைக்கும். பழங்களை அதிகமாக உண்ணும் பழக்கத்தை கொண்டு வாருங்கள். காய்கறிகளை அரைவேக்காட்டில் சமைத்து சாப்பிட பழகிக் கொள்ளுங்கள். அதிகமாக பழங்கள் காய்கறிகளை சாப்பிடுங்கள். எந்த மருந்தும் மாத்திரையும் தேவையில்லை, இதுவரையில் ஆரோக்கியமாக வாழலாம்.


ADR எனும் எமன் - மருந்துகளின் பக்க விளைவுகள்

ஆங்கிலத்தில் ADR என்று அழைக்கப்படும் இந்தத் தொந்தரவு, இந்த காலகட்டத்தில் பல நோயாளிகளை வாட்டி வதைக்கும் தொந்தரவாக உருவெடுத்துள்ளது. உண்மையில் இப்படி ஒரு நோய் உருவானதும், இந்த நோயினால்தான் நாம் பல உடல் உபாதைகளை அனுபவிக்கின்றோம் என்பதும் பல நோயாளிகளுக்கு தெரிவதில்லை. மற்றும் தெரியாமல் மறைக்கப்படுகிறது.

பல நோயாளிகள் இன்று அனுபவிக்கும் பெரும்பாலான உடல் உபாதைகள் நோய்களினால் உருவானவை அல்ல மாறாக ஏ.டி.ஆரினால் உருவாக்கப்பட்டவை.

ADR என்றால் என்ன?
ஏ.டி.ஆரின் முழு விளக்கம் ADR "Adverse drug reaction" அதாவது எதிர் எதிர் மருந்துகளின் பக்கவிளைவுகள். ஆங்கில மருத்துவர்கள் கொடுக்கும் அனைத்து மருந்துகளும் முழுக்க முழுக்க உடலுக்கு ஒவ்வாத இரசாயனங்களினால் ஆனவை. இது மருந்து கொடுக்கும் மருத்துவர் உட்பட அதனை உட்கொள்ளும் நோயாளி வரையில் அனைவருக்கும் தெரியும். தெரிந்தே நோயாளிகளும் உட்கொள்கிறார்கள் அவர்களின் குழந்தைகளுக்கும் கொடுக்கிறார்கள்.

ஆங்கில மருத்துவத்தின் கேடுகளை பற்றிய விழிப்புணர்வு இல்லாத இந்தியா, இந்தோனேசியா, பாகிஸ்தான், மலேசியா போன்ற ஏழை மற்றும் வளரும் நாடுகளில்தான் ஆங்கில மருத்துவர்கள் கொடுப்பதை (medicine) மருந்து என்று அழைக்கிறார்கள் ஆனால் மேற்கத்திய மற்றும் வளர்ந்த நாடுகளில் இவற்றை (drugs) போதைப் பொருள் என்றே அழைக்கிறார்கள். ஆங்கில மருத்துவர்கள் கொடுப்பது மருந்து அல்ல, நோயாளிகள் தன் நோயை உணராமல் இருக்க கொடுக்கப்படும் போதைப் பொருட்கள் மட்டுமே.

ADR உருவாக்கும் உடல் தொந்தரவுகள்
ADR "Adverse drug reaction" அதாவது எதிர் எதிர் மருந்துகளின் பக்கவிளைவுகள் என்பது, இரண்டு வெவ்வேறு இரசாயன மருந்துகளை ஒரே நேரத்தில் உட்கொள்ளும் போது உண்டாகும் பக்க விளைவாகும். ஆங்கில மருத்துவம் மட்டுமல்ல, சித்த, யுனானி, ஆயுர்வேதம், ஹோமியோபதி போன்ற மருந்துகளுக்கும் இது பொருந்தும்.

உதாரணத்துக்கு ஒரு நீரிழிவு (இனிப்பு நீர்) நோயாளியை எடுத்துக்கொள்வோம். அவருக்கு இரத்த அழுத்தமும், அசதியும் இருக்கிறது என்று வைத்துக்கொள்வோம். ஆங்கில மருத்துவர் அவரின் நீரிழிவுக்கு ஒரு மருத்து கொடுக்கிறார். இரத்த அழுத்தத்துக்கு ஒரு மருந்து கொடுக்கிறார். உடல் தெம்புக்கும் ஒரு மருந்து கொடுக்கிறார் என்று வைத்துக்கொள்வோம்.

மேலே கூறப்பட்ட எல்லா தொந்தரவுகளுக்கும் மருந்துகள் இரசாயனங்களில் இருந்துதான் உருவாக்கப்படுகின்றன. எல்லா மருந்துகளும் தனி தனியே சோதிக்கப்படுகின்றன. உயிருக்கு ஆபத்து இல்லை என்று நிரூபிக்கப்பட்டு மனிதர்களுக்கு கொடுக்கப்படுகிறது.

ஏ .டி.ஆரின் - பக்கவிளைவுகள் எங்கு தொடங்குகின்றன?
மேலே உள்ள தொந்தரவுகளுக்கு மருத்துவர் குறைந்தது மூன்று முதல் ஐந்து மருந்துகள் வரையில் கொடுப்பார். அவர் கொடுக்கும் மருந்துகள் அனைத்துமே தனி தனியாக சோதிக்கப் பட்டவை. தனி தனியே சாப்பிடும் போது உயிருக்கு ஆபத்து இல்லை ஆனால் இரண்டு மருந்துகள் என்பது வெவ்வேறு இரசாயன கலவைகளாகும். இரண்டு வெவ்வேறு இரசாயன கலவைகள் ஒன்றாக வயிற்றுக்குள் சென்றால் என்ன நடக்கும்?

இது யாருக்கும் தெரியாது. மருந்து கொடுக்கும் மருத்துவருக்கும் தெரியாது. மருந்து தயாரிக்கும் மருந்து கம்பெனிகளுக்கும் தெரியாது.

இரண்டு வெவ்வேறு இரசாயன கட்டமைப்பு கூறுகள் ஒன்றாகச் சேரும்போது அது மூன்றாவதாக ஒரு விளைவை உண்டாக்குகிறது. மூன்று, நான்கு, ஐந்து என மாத்திரைகள் அதிகரிக்கும் போது அவை அனைத்தும் ஒன்று சேர்ந்து உருவாக்கும் விளைவுகளை யாராலும் கணிக்க முடியாது.

ஏ .டி.ஆரின் - நடைமுறை உதாரணம்
தேநீரை தனியாக சாப்பிடும்போது நன்றாக இருக்கும் காப்பியும் தனியாக சாப்பிடும்போது நன்றாக இருக்கும். ஆனால் இரண்டையும் ஒன்று கலந்தால் என்ன ஆகும்? தேநீர், காப்பியுடன், ஹார்லிக்ஸ் கலந்தால் என்ன ஆகும்? அதன் சுவை எப்படி இருக்கும்?அதனுடன் பூஸ்ட் கலந்தால்? அதில் பெப்சி கலந்தால்? இந்த ஐந்து பானங்களின் கலவையை சிறிது கற்பனை செய்துபாருங்கள்.

ஐந்து மாத்திரைகளை ஒன்றாக சாப்பிடும் போது இதுதான் உடலின் உள்ளே நடக்கிறது.

ஏ .டி.ஆர் - உருவாக்கும் பக்கவிளைவுகள் எப்படி இருக்கும்?
இந்தக் கேள்விக்கு இந்த உலகத்தில் யாராலும் பதில் சொல்ல முடியாது. அப்படியே சொன்னாலும் அது சரியானதாக இருக்கவும் முடியாது. ஐந்து வகையான மாத்திரை கலவையை பத்து நபர்களுக்கு கொடுத்தால் அதன் விளைவு ஒரே மாதிரியாக இருக்காது, அதற்குக்  காரணம், மருந்துகளின் விளைவு என்பது நோயாளியின் நோயின் தன்மை, உடல் வாகு, வாழ்க்கை முறைகள், உணவு முறைகள், மனபக்குவம் இப்படி பல விசயங்களை சார்ந்து மாறுபடும்.

இதனால்தான் சிலருக்கு இரசாயன மருந்துகள் ஒத்து போகின்றன சிலருக்கு கடுமையான பக்கவிளைவுகளை ஏற்படுத்துகின்றன. இன்று உலகில் வினோதமான சில நோய்கள் தோன்றுவதற்கும் எ.டி.ஆர் தான் காரணம்.

ஏ .டி.ஆர் - எச்சரிக்கை
சிலருக்கு ஆங்கில மருந்துகளை உட்கொண்ட பின்பு ஏதாவது தொந்தரவுகள் புதிதாக உருவானால் அல்லது இருக்கின்ற தொந்தரவு அதிகரித்தால், அது நோயின் தாக்கம் அல்லது அலர்ஜி என்று நம்மை நாமே சமாதானபடுத்திக் கொள்கிறோம் அல்லது மருத்துவர்கள் நம்மை சமாதானப்படுத்துவார்கள். ஆனால் ஏன் அந்த மாத்திரைகளை உட்கொண்ட பின்பு இந்த புதிய தொந்தரவுகள் உண்டானது என்று சிந்திக்கும் வரையில் இதற்கு நிரந்தர தீர்வு கிடைக்காது.

நோய்களை குணப்படுத்துவதாக நினைத்துக்கொண்டு தீராத நோய்களிலும், தீவிர நோய்களிலும் சென்று சிக்கிக்கொள்ளாதீர்கள். பல ஆங்கில மருந்துகளை ஒன்றாக உட்கொள்ளும் போது மட்டுமின்றி, புட்டியில் அடைக்கப்பட்ட சித்த, யுனானி, ஹோமியோபதி, ஆயுர்வேதம், போன்ற மருந்துகளை ஒன்றாக உட்கொள்ளும் போதும் இது போன்ற விளைவுகள் உண்டாக வாய்ப்புகள் உள்ளன.

மருந்து மாத்திரைகள் மட்டுமின்றி, நாம் அனுதினமும் பயன்படுத்தும் உணவுகளில் கலக்கப்படும் இரசாயனங்களும், அழகு சாதன பொருட்களில் கலக்கப்படும் இரசாயனங்களும், மற்றும் நாம் பயன்படுத்தும் மற்ற பொருட்களில் கலக்கப்படும் இரசாயனங்களும் ஏ .டி.ஆரை உருவாக்க வாய்புகள் உள்ளன. அதனால் இரசாயனங்களின் பயன்பாட்டைத்  தவிர்த்துவிடுங்கள்.

“இயற்கைக்குத் திரும்புங்கள், ஆரோக்கியமாக வாழுங்கள்"


மருந்துகளின் பக்கவிளைவுகள் என்றால் என்ன?

மருந்துகள் என்பன உணவிலிருந்து, அதாவது மலர்கள், பழங்கள், இலைகள், தலைகள், தண்டுகள், வேர்கள், போன்ற இயற்கைப் பொருட்களிலிருந்து தயாரிக்கப்பட வேண்டும். அந்த மருந்துகள் நோயாளிகளுக்கு மருந்தாகவும், அல்லாதவர்களுக்கும், அதிகமாக உட்கொண்டவர்களுக்கும், உணவாகவும் செயல்புரிய வேண்டும்.

இரசாயனங்கள் உணவல்ல, அவற்றை உட்கொண்டாலும் அவற்றை ஜீரணிக்கும் தன்மை மனித உடலுக்கு கிடையாது. ஆங்கில மருந்துகள் பெரும்பாலும் இரசாயனங்களிலிருந்தே தயாரிக்கப்படுகின்றன. ஒரு இரசாயனம் பெரிய தீங்கை விளைவிக்காமல் இருக்கலாம். ஆனால் இரண்டு அல்லது மூன்று மாத்திரைகளை ஒன்றாக உட்கொள்ளும் போது. பல இரசாயனங்கள் ஒன்றாக வயிற்றுக்குள் செல்கின்றன. பல இரசாயனங்கள் ஒன்றாக உடலுக்குள் செல்லும்போது அவை என்ன விளைவுகளை உருவாக்கும் என்பது மருத்துவர்களுக்குக் கூட தெரியாது.

சிலர் ஐந்து முதல் பத்து மாத்திரைகளை ஒரே நேரத்தில் விழுங்குகிறார்கள். இந்த பத்து வெவ்வேறான இரசாயன கலவைகள் ஒன்றாகச் சேரும்போது நிச்சயமாக பெரிய தீங்குகளை உண்டாக்கும்.

நோயாளிகள் ஏன் திடீரென்று மரணமடைகிறார்கள்?

நோயாளிகள் உட்கொள்ளும் இரசாயனங்களின் பக்கவிளைவுகளாலும், இல்லாத நோய்க்கு மருத்துவம் செய்வதனாலும், தவறான மருத்துவம் செய்வதனாலும் நோயாளிகள் திடீரென மரணமடைகிறார்.

இரசாயன பயன்பாட்டை உடலால் ஏற்றுக்கொள்ள முடியாத போதும் அந்த கழிவுகளை உடலால் வெளியேற்ற முடியாத போதும் உடலின் உள்ளுறுப்புகள் திடீரென செயலிழந்து மரணம் உண்டாகிறது.

சர்க்கரை நோயாளிகளுக்கு என் கால்கள் அழுகுகின்றன?

சர்க்கரை நோயாளிகள் அதிகமான ஆங்கில மருந்து மாத்திரைகளை உட்கொள்கிறார்கள். ஆங்கில மருந்துகள் பெரும்பாலும் இரசாயனங்களிலிருந்து தயாரிக்கப்படுவதால் அவற்றை உடலால் முழுமையாக வெளியேற்ற முடிவதில்லை.

அவற்றை முழுமையாக உடலால் வெளியேற்ற முடியாத போது, அவை உடலிலும் இரத்தத்திலும் தேக்கம் கொள்கின்றன. இரத்தத்தில் தேங்கிய இரசாயனங்கள் புவியீர்ப்பு விசையினால் கால்களில் அதிகமாகத் தேங்கி, கால்கள் அழுகுகின்றன.

நோயாளிகளுக்கு கால்கள் ஏன் கருத்து போகின்றன?

ஒருவர் நோய்வாய் படுகிறார் என்றால் அவரின் உடல் பலகீனமாக இருக்கின்றது என்று அர்த்தம். உடல் பலகீனமாக இருப்பதினால் நோயாளிகள் உண்ணும் உணவுகளில் இருக்கும் கழிவுகள் மற்றும் இரசாயனங்கள் உடலால் முழுமையாக சுத்திகரித்து வெளியேற்ற முடியாமல் இரத்தத்தில் சுற்றிக் கொண்டிருக்கும்.

அதுமட்டுமின்றி இனிப்பு நீர், இரத்த கொதிப்பு, இருதய கோளாறுகள், மூட்டு வலி, போன்ற நோய்களுக்காக தொடர்ச்சியாக மருந்து மாத்திரைகளை உட்கொள்பவர்களின் மருந்துகளில் இருக்கும் கழிவுகளும், இரசாயனங்களும் அவர்களின் இரத்தத்தில் கலந்துவிடும்.

இரத்தத்தில் கலந்துவிட்ட இரசாயனங்களும், கழிவுகளும், பூமியின் புவி ஈர்ப்பு விசையின்  காரணமாக இரத்த ஓட்டத்தின் மூலமாக  கால்களுக்கு இறங்கி, மீண்டும் உடலின் மேற்பகுதிக்கு செல்ல முடியாமல்  காலங்களிலேயே தேங்குகின்றன. இதனால்தான் அவர்களின் கால்களும், தசைகளும், சதைகளும், கருத்து போகின்றன.