எவையெல்லாம் நோய்கள்? எவையெல்லாம் நோய்கள் அல்ல?

எவையெல்லாம் நோய்கள்
ஒரு மனிதனின் அன்றாட வேலைகளை செய்ய முடியாமல், இடைஞ்சல்களை உருவாக்கும் அனைத்தையுமே நோய்கள் என்று நம்பிக் கொண்டிருக்கிறோம். எவையெல்லாம் நோய்கள்? எவையெல்லாம் நோய்கள் அல்ல என்பதை அறியாமல். உடலில் எந்த தொந்தரவுகள் தோன்றினாலும் அதை தடுக்க வேண்டும், அதை குறைக்க வேண்டும் என்று எண்ணுகிறார்கள். இந்த தவறான பழக்கமே பல சிறிய உடலின் தொந்தரவுகள் கொடிய நோய்களாக மாறுவதற்கு காரணமாக இருக்கிறது.

நோய்கள் எவ்வாறு உருவாகின்றன?

"தீதும் நன்றும் பிறர் தர வாரா"

நம் உடலில் ஒரு தொந்தரவு அல்லது ஒரு நோய் உருவாகிறது என்றால், நாம் செய்த அல்லது செய்து கொண்டிருக்கும் ஏதோ ஒரு தவறான செயல்தான் அதற்கு மூல காரணமாக இருக்கும். அது தவறான உணவு பழக்கமாக இருக்கலாம், நீர் அருந்தும் முறையாக இருக்கலாம், வாழ்க்கை முறையாக இருக்கலாம். காரணம் எதுவாக இருந்தாலும் அது நமது தவறுதான்.

நோய்கள் உருவானால் எவ்வாறு குணப்படுத்துவது?
நோய்களை குணப்படுத்துவது மிக எளிதான காரியம். “எரிகின்ற கொல்லியை உருவினால் கொதிக்கிறது, தானாக அடங்கிவிடும்” அவ்வளவுதான். நம் அன்றாட வாழ்வில் என்ன என்ன தவறுகள் செய்கிறோம் என்பதை சற்று சிந்தித்துப் பார்த்து, அந்தத் தவறுகளை திருத்திக் கொண்டால், தொந்தரவுகள் தானாக நீங்கிவிடும்.

எவையெல்லாம் நோய்கள் அல்ல?
இது மிக முக்கியமான விஷயம். நோயென்றால் என்னவென்று தெரியாமல், பலர் உடலில் ஏற்படும் அத்தனை மாற்றங்களுக்கும் மருந்துகளை உபயோகித்து உடலை கெடுத்துக் கொள்கிறார்கள். தங்கள் பிள்ளைகளின் எதிர்கால வாழ்க்கையையும் சீரழிக்கிறார்கள்.

நோய்கள் அல்லாதவை
1. தும்மல்
2. சளி
3. சளி கட்டி
4. இருமல்
5. காய்ச்சல்
6. வலிகள்
7. புண்கள்
8. அரிப்பு
9. கட்டிகள்
10. வாந்தி
11. வயிற்று போக்கு

இன்னும் பல தொந்தரவுகளை அடுக்கிக் கொண்டே போகலாம். மேலே குறிப்பிட்டுள்ள எதுவுமே நோய்கள் அல்ல. இவை சாதாரண கழிவு நீக்கங்களே. உடலில் தேங்கி இருக்கும் கழிவுகளை உடல் வெளியேற்றுகிறது அவ்வளவுதான். கழிவுகள் தான் உடலை விட்டு வெளியேறுகிறது என்பதை உணராமல் அவற்றை நோய்கள் என்று நம்பி அவற்றை தடுப்பது தான் கொடிய நோய்கள் உருவாக மூல காரணமாக இருக்கிறது.

கழிவு நீக்கங்களை சற்று விரிவாக பார்ப்போம்
1. தும்மல் – நம் உடலுக்கு ஒவ்வாத தூசுகள் அல்லது கிருமிகள் சுவாசம் மூலமாக உடலுக்குள் செல்லும் போது, உடல் அவற்றை வெளியேற்ற, தும்மலை உருவாக்குகிறது. அவை முழுதாக வெளியேறும் வரையில் தும்மல் தொடரும்.

2. சளி – தும்மலை மருந்துகளை பயன்படுத்தி தடுத்தால் அல்லது உடலால் கழிவுகளை தும்மல் மூலமாக வெளியேற்ற முடியாத போது. அவை நுரையீரலை சென்றடையும். நுரையீரலில் சேர்ந்த கழிவுகளை சளியாக மாற்றி நுரையீரலிலிருந்து உடல் வெளியேற்றும்.

3. சளி கட்டி – சளியாக கழிவுகளை வெளியேற்ற முடியாத போது, அந்த கழிவுகள் கெட்டி சளியாக மாறும்.

4. இருமல் – அந்த கெட்டி சளியை வெளியேற்ற உறுதுணையாக இருப்பதற்காக உடல் இருமலை உருவாக்கும்

5. காய்ச்சல் – இது மிக முக்கியமான செய்தி. கெட்டி சளியாக கூட கழிவுகளை உடலால் வெளியேற்ற முடியாத போது. அந்த கெட்டி சளியை திரவமாக மாற்ற உடலில் காய்ச்சல் தோன்றும். காய்ச்சல் இன்னும் பல நன்மையான காரணங்களுக்காகவும் உருவாகும். அவை, உடலில் நுழைந்த கிருமிகளைக் கொல்ல, உடல் நோய்களை குணப்படுத்த, உடல் உறுப்புகளின் வளர்ச்சிக்காக, உடலுக்கு சக்தியை வழங்க மற்றும் இன்னும் பல நன்மையான காரணங்களுக்காக காய்ச்சல் உருவாகும்.

6. வலிகள் – வலிகள் என்பவை ஒரு எச்சரிக்கை மட்டுமே. வலிகள் உண்டானால் உடலில் ஏதோ ஒரு உபாதை உருவாகி இருக்கிறது என்று அர்த்தம். (வலிகள் பற்றிய கட்டுரையை வாசிக்கவும்).

7. புண்கள் – உடலில் உள்ள கழிவுகள் சில காரணங்களுக்காக தோலின் மூலமாக வெளியேறுகிறது.

8. அரிப்பு – சக்தி மற்றும் கழிவு தேக்கம். உடலின் சக்தி ஓட்டத்தில் அடைப்பு ஏற்படும் போதும், தோலிலும் உடலிலும் கழிவுகள் அதிகமாக தேங்கும் போதும். தோலில் இரத்த ஓட்டம் தடைபடும் போதும்.  அவற்றை உணர்த்தவும், அவற்றை சரிசெய்யவும் தோலில் அரிப்புகள் உண்டாகலாம்.

9. கட்டிகள் – உடலில் தேங்கி இருக்கும் நாள்பட்ட கழிவுகளை தோலின் மூலமாகவும், நேரடியாகவும் உடல் வெளியேற்றுகிறது. இந்த கட்டிகளை தடுத்தால், அந்த கழிவுகள் உடலின் உள்ளேயே கட்டியாக வளர்ந்துவிடும்.

10. வாந்தி - வயிறு வரையில் உள்ள கழிவுகளை வெளியேற்றுவது. வாயால் உட்கொண்ட உணவு அல்லது பொருட்கள் உடலுக்கு ஒவ்வாத போது. உடல் அவற்றை வாந்தியாக உடலை விட்டு வெளியேற்றும்.

11. வயிற்று போக்கு - உட்கொண்ட உணவு அல்லது பொருட்கள் உடலுக்கு கெடுதியாக இருந்தால். வயிற்றை தாண்டி குடலை அடைந்துவிட்டால், அவை வயிற்று போக்காக வெளியேறும்.

மேலே குறிப்பிடப்பட்ட 11 விசயங்களும் மிக முக்கியமான விசயங்கள். உடலுக்கு மிகவும் நன்மையான இந்த 11 விஷயங்களை தடுக்கும் பொது, அவற்றை தொந்தரவு செய்யும் போது. கழிவுகள் உடலை விட்டு வெளியேற முடியாமல் உடலின் உள்ளேயே தேங்கிவிடும்.

உடலை விட்டும் வெளியேற வேண்டிய இந்த கழிவுகளை, நோயென்று நம்பி மருந்து மாத்திரைகளை கொண்டு தடுக்கும் போது. அவை உடலிலேயே தேங்கி, அடைப்பு, சொறி, சிரங்கு, இளைப்பு, உடல் உறுப்புகளில் பாதிப்பு, உடலுறுப்புகளின் செயல்திறன் இழப்பு, பக்கவாதம், கேன்சர், போன்ற கொடிய நோய்களாக மாற்றமடையும்.

அதனால் எந்த காரணத்தை கொண்டும். உங்கள் உடலில் இந்த 11 விஷயங்கள் உருவானால் அவற்றை தடுக்காதீர்கள். உங்கள் பிள்ளைகளுக்கும் இவற்றை தடுக்கும் போது, எதிர்காலத்தில் அவர்கள் கொடிய நோயாளிகளாக அவதிபடுவதற்கு நீங்கள் தான் காரணமாக இருப்பீர்கள். உங்கள் பிள்ளைகளை நோயாளிகளாக மாற்றாதீர்கள்.

இருமல் எதனால் உருவாகிறது?

இருமல் என்பது நுரையீரலில் படிந்திருக்கும் பழைய காய்ந்த கழிவுகளை வெளியேற்ற உடல் பயன்படுத்தும் உக்தி. கை கால்களில் ஒட்டியிருக்கும் அழுக்குகளை அகற்ற நாம் கை கால்களை உதறுகிறோம் அல்லவா? அதைப்போன்ற ஒரு செயல்தான். நுரையீரலில் ஒட்டியிருக்கும் காய்ந்த கழிவுகளை அகற்ற நுரையீரல் உதறுகிறது.

இருமல் உருவாகி அதன் மூலமாக நுரையீரலில் படிந்திருக்கும் கழிவுகள் உடலை விட்டு சளியாக வெளியேறும்.

குழந்தைக்கு நெஞ்சுச் சளி உண்டானால் என்ன செய்ய வேண்டும்?

முதலில் குழந்தை உறங்கும் இடத்தை சரிபார்க்க வேண்டும். மின்விசிறி, குளிரூட்டி போன்ற செயற்கை காற்று அதிகமாக இருந்தாலும், குளுமையாகவோ, அழுத்தம் அதிகமாகவோ இருந்தாலும் சளி உண்டாகும்.

குழந்தை அருந்தும் பாலை சரிபார்க்க வேண்டும். தாய்ப்பால் அருந்தும் குழந்தையின் தாய்மார்கள், அவர்கள் உட்கொள்ளும் உணவு வகைகளைச் சரிபார்க்க வேண்டும். அவர்கள் சாப்பிடும் உணவு வகைகள் அதிக குளுமையானவையாக இருந்தாலும், குழந்தைக்கு ஒத்துக் கொள்ள வில்லை என்றாலோ குழந்தைகளுக்குச் சளி உண்டாகும்.

பௌடர் பாலை குடிக்கும் குழந்தைகளுக்கு பாலை மாற்ற வேண்டும். சில குழந்தைகளுக்கு பௌடர் பால் ஒத்துக் கொள்ள வில்லை என்றாலும் சளி, வயிற்றுப் போக்கு, மலச்சிக்கல் போன்றவை உண்டாகும்.

சிறுவர்கள் மழையில் நனையலாமா?

கண்டிப்பாக நனையலாம். மழையில் நனையும் போதுதான் உடலானது பஞ்சபூத சக்திகளை உடலுக்குள் கிரகித்துக் கொள்ளும். உடலிலும் நுரையீரலிலும் படிந்திருக்கும் கழிவுகளையும் வெளியேற்றும், அதனால் சிறுவ சிறுமிகள் மழையில் நனைவது மிகவும் நன்மையானதாகும்.

மழையில் நனைந்தால் என்ன நோய்கள் உண்டாகும்?

மழையில் நனைந்தால் எந்த நோயும் உண்டாகாது. மாறாக உடலில் உள்ள நோய்கள் குணமாகும். நுரையீரலில் இருக்கும் கழிவுகள் சளியாகக் கரைந்து உடலிலிருந்து வெளியேறும்.

நெஞ்சுச் சளி எதனால் உருவாகிறது?

மூக்கில் சளி வழியும் போது அதை நோயென்று எண்ணி, சளியை வெளியேற விடாமல் மருந்து மாத்திரைகளை உட்கொண்டு அதைத் தடுப்பதனால்; அந்த சளிகள் நுரையீரலிலேயே தேங்குகின்றன.

அடுத்தது நுரையீரலில் கழிவுகள் அதிகமாக சேர்ந்தாலும், இரவில் அதிகமான குளிர்ச்சியான இடங்களில் உறங்கினாலும், மின் விசிறி அல்லது குளிரூட்டியின் அருகில் படுத்தாலும், நெஞ்சுச்சளி உருவாகலாம்.

மூக்குச்சளி எதனால் உருவாகிறது?

மூக்குச்சளி உண்மையில் வெளியிலிருந்து வருவதோ, உடலிலேயே உருவாவதோ அல்ல; மாறாக நுரையீரலில் தேங்கியிருக்கும் கழிவுகள் சளியாக மாறி மூக்கின் வழியாக உடலை விட்டு வெளியேறுகின்றன.