எழுத்தாளர்களுக்கு தேவையான ஆண்ட்ராய்ட் மென்பொருள்

Google Docs இது எழுதுபவர்களுக்கும், மாணவர்களுக்கும், எழுத்தாளர்களுக்கும் மிகவும் பயனுள்ள மென்பொருள். கையடக்க தொலைபேசியில் இருப்பதனால் எங்கேயும் எப்போதும் எழுதலாம். கற்பனைகள் தோன்றும்போது காகிதங்களை தேட வேண்டிய அவசியம் இல்லை. Microsoft word டுக்கு மாற்றாக இந்த மென்பொருளை பயன்படுத்தலாம். இது முற்றிலும் இலவசமானது.

இந்த மென்பொருளை கையடக்க தொலைபேசியிலும், கணினியிலும், டேப்லெட்டிலும், ஒரே நேரத்தில் பயன்படுத்தலாம். இந்த மென்பொருளை பயன்படுத்தி எழுதும் போது பலர் ஒரே நேரத்தில் ஒரே கட்டுரையே எழுதலாம், திருத்தலம்.

இந்த மென்பொருளில் எழுதும்போது நீங்கள் எழுதுபவை உடனுக்குடன் உங்களின் google drive கணக்கில் பதிந்துவிடும். நீங்கள் எழுதுபவை அழிந்துவிடாமல் பாதுகாக்கலாம். இந்த மென்பொருளைக் கொண்டு தமிழில் எழுதினாலும் எழுத்துப் பிழைகளை சரி பார்க்கலாம்.

Download Google Docs
http://bit.ly/2GAzie3

மென்பொருள் - Google Maps

Google Maps நாம் போகவேண்டிய இடத்துக்கு வழி காட்டுவது மட்டுமின்றி மேலும் பல பலவகைகளில் நமக்குப் பயன் தரக்கூடியது. நாம் பயணிக்கும் பாதையில் இருக்கும் போக்குவரத்து நெரிசல்களை முன்கூட்டியே அறிந்து கொள்ளலாம்.

ஒவ்வொரு ஊரிலும் இருக்கும் அரசாங்க அலுவலகங்கள், முக்கியமான நிறுவனங்கள், முக்கியமான அலுவலகங்கள், தூதரகங்கள், சுற்றுலா தளங்கள், வழிபாட்டுத் தலங்கள், உணவகங்கள், என மக்களுக்கு தேவையான அனைத்து தகவல்களும் Google Maps சில் கிடைக்கும்.

முக்கியமான அனைத்து அலுவலகங்கள் மற்றும் நிறுவனங்களில் வேலை நேரம், விடுமுறை நாட்கள், முகவரி, தொலைபேசி எண், அமைந்திருக்கும் இடம், போன்ற எல்லா தகவல்களும் இங்கு கிடைக்கும்.

Download Google Maps
http://bit.ly/2GAxMbR

Download Google Maps lite
http://bit.ly/2GACkyA

மென்பொருள் - Google Translate

Google Translate எந்த மொழியிலிருந்தும் எந்த மொழிக்கும் மொழி மாற்றம் செய்யக்கூடிய மென்பொருள். பலதடவை மேம்படுத்தப்பட்டு சரியாகவும் துல்லியமாகவும் மொழிபெயர்ப்பு செய்யக் கூடிய ஆற்றலை பெற்றுவிட்டது.

புரியாத வார்த்தைகளையும் வாக்கியங்களையும் புரிந்து கொள்வதற்கு இந்த மென்பொருள் மிகவும் பயனுள்ளதாக இருக்கும்.

Download Google translate
http://bit.ly/2GBhBuE

மென்பொருள் - Google Assistant

Google Assistant மென்பொருளை உங்கள் ஆண்ட்ராய்ட் போனில் பதிவிறக்கம் செய்து. அதை இன்ஸ்டல் செய்து, செட்டிங் செய்து கொண்டால். உங்களின் ஆண்ட்ராய்டு போனை வார்த்தைகளின் மூலமாக கட்டுப்படுத்தலாம்.

"Ok google" என்று கூறினால் உங்களின் போன் உங்களின் கட்டளையை ஏற்க தொடங்கிவிடும். Ok google என்று கூறிவிட்டு "Add reminder" "Add alarm" "Add appointment" என்று கூறி உங்களுக்கு தேவையான வாற்றை பதிந்துக் கொள்ளலாம்.

"Ok google" என்று கூறிவிட்டு "Open Maps" "Open Gmail" "Open YouTube" என்று உங்களுக்கு எந்த மென்பொருளை திறக்க வேண்டுமோ அதன் பெயரை கூறினாலே அதை உங்கள் போன் திறந்துவிடும்.

Download Google Assistant: http://bit.ly/2Gzs49P

உயிர்களின் பிறவியை தீர்மானிப்பது யார்?

உயிர்கள் அனுபவிக்க வேண்டிய இன்ப துன்பங்களை கணக்கில் கொண்டும் அவர்கள் பூச்சிகள் முதல் மனிதர்கள் வரையில் எந்தப் பிறவியை எடுக்க வேண்டும் என்று தீர்மானிக்கப்படுகிறது.

நம் வாழ்க்கையை தீர்மானிப்பது யார்?

நாம் இப்போது அனுபவித்துக் கொண்டிருக்கும் வாழ்க்கையை நாம் தான் தேர்ந்தெடுத்தோம்.

அடுத்த ஜென்மத்தில் எந்த உயிராக பிறப்போம்?

இந்தப் பிறவியில் செய்த நன்மை தீமைகளை கணக்கிட்டு அடுத்த பிறவி தீர்மானிக்கப்படுகிறது. மனிதனாகப் பிறந்தவன் மீண்டும் மனிதனாக தான் பிறக்க வேண்டும் என்று எந்தக் கட்டாயமும் கிடையாது. ஓரறிவு முதல் ஆறறிவு வரை எந்தப் பிறவி வேண்டுமானாலும் எடுக்கலாம். இந்த வாழ்க்கையை எப்படி வாழ்கிறோம் என்பதை வைத்து அடுத்த பிறவி நிர்னைக்கப்படும்.

மறுபிறவி எடுக்காமல் இருக்க என்ன செய்யலாம்?

இந்த வாழ்க்கையை புரிந்துகொண்டு வாழ்பவர்களுக்கும் பற்றில்லாமல் வாழ்பவர்களுக்கும் மறுபிறவி அமையாது.

முன்னோர்கள் என்பவர்கள் யார்?

முன்னோர்கள் என்ற சொல் நமக்கு முன்பாக வாழ்ந்தவர்களை குறிக்கவில்லை. மாறாக தனது  சந்ததியினருக்கு ஒரு பாடமாக வாழ்ந்து காட்டியவர்களும். அவர்களின் வாழ்க்கை அனுபவங்களை நம்முடன் பகிர்ந்துக் கொண்டவர்களும் தான் முன்னோர்கள். முன்னோர்கள் என்றால் முன்னோடிகள் என்று அர்த்தம் கொள்ள வேண்டும்.

பெரியோர் சிறியோர் என்பவர்கள் யார்?

பெரியோர் என்பவர்கள் எந்த விசயத்தையும் சிந்தித்து ஆராய்ந்து செய்பவர்கள். சிறியோர் என்பவர்கள் எந்த விசயத்தையும் சிந்திக்காமல் மனம் போன போக்கில் செய்பவர்கள்.

மனிதர்களின் வாழ்க்கையில் ஏன் ஏற்ற தாழ்வுகள் உருவாகின்றன?

மனிதர்கள் இந்த பூமியில் அனுபவிக்க வேண்டிய இன்ப துன்பங்களுக்கு ஏற்றவாறு அவர்களின் வாழ்க்கையில் ஏற்றமும் தாழ்வும் உருவாகின்றன.

மனிதர்கள் ஏன் ஊனமாக பிறக்கிறார்கள்?

மனிதர்கள் செய்த பாவங்களுக்கு தண்டனை அனுபவிப்பதற்காக ஊனமாகப் பிறக்கிறார்கள். ஒரு சிலர் மற்ற மனிதர்கள் செய்த தவறுகளினால் ஊனமாக பிறக்கிறார்கள்.

மனித ஆன்மாக்களின் பூர்வீகம் எது?

மனிதர்களின் ஆன்மா இந்த பூமியை சார்ந்தது அல்ல என்பது எனது கருத்து. பிற கிரகங்களில் இருந்து ஆன்மாக்கள் தண்டனைக்காக இந்த பூமியில் பிறப்பெடுக்கின்றன. பயிற்சி முடிந்து மீண்டும் சொந்த கிரகத்துக்கு  திரும்புவதை தமிழர்கள் வீடு பேரு என்றார்கள்.

மனிதர்கள் ஏன் அடிக்கடி வானத்தைப் பார்க்கிறார்கள்?

மனிதர்களுக்கு கவலை தோன்றினாலும், மகிழ்ச்சி தோன்றினாலும், சிந்தனைகள் தோன்றினாலும், பெரும்பாலானோர் வானத்தையே பார்ப்பார்கள். இதற்குக் காரணம் அவர்களின் வீடான பூர்வீகம் கிரகம் அங்குதான் இருக்கிறது. அதை அவர்களின் ஆன்மா மட்டுமே அறியும்.

படைப்புகள் எவ்வாறு உருவாகின்றன?

நெருப்பு, நிலம், காற்று, நீர், ஆகாயம் மற்றும் பிரபஞ்ச சக்திகள் ஒன்றாக கூடும் போது அங்கு ஒரு உயிரின் படைப்பு உண்டாகிறது. பஞ்சபூதங்களின் கலவைக்கும் தரத்துக்கும் ஏற்ப உயிரினம் உருவாகிறது, வளர்ச்சியும் பரிமாணமும் அடைகிறது.

சில உயிரினங்கள் ஏன் அழிந்து போய்விட்டன?

இந்த பூமியில் வாழ்ந்த மற்றும் வாழுகின்ற ஒவ்வொரு உயிரினமும் இந்த பூமியின் ஒரு அங்கமாக மற்றும் அதன் இயக்கத்துக்கு உறுதுணையாக படைக்கப்படுகின்றன. படைக்கப்பட்ட உயிரினத்தின் படைத்த நோக்கம் நிறைவேறியவுடன் அந்த உயிரினம் சுயமாகவே அழிந்துவிடும். இந்த உலகில் எதுவுமே நிரந்தரமாக இருக்காது, உலக நியதி.

இந்த உலகத்தை காப்பாற்ற மனிதர்கள் என்ன செய்யலாம்?

இந்த உலகத்தில் அனைத்துமே சுயமாகவே நடைப்பெறுகின்றன. மனிதர்கள் உட்பட எந்த உயிரினத்துக்கும் இந்த உலகின் இயக்கத்தில் எந்த பங்கும் கிடையாது. இந்த உலகின் படைப்புகளை சீரழிக்காமல் இருந்தால் மட்டுமே போதுமானது.

இந்த உலகில் இருக்கும் அனைத்து உயிர்களும் அழிந்துவிட்டாலும் ஆயிரம் ஆண்டுகளுக்குள் மீண்டும் உயிர்கள் உருவாக தொடங்கிவிடும்.

வாழ்க்கை பாடம் என்பது என்ன?

இந்த வாழ்க்கையில் நல்லதோ, கெட்டதோ, நாம் எதை எதிர்கொண்டாலும், எதை அனுபவித்தாலும். இது ஏன் என் வாழ்க்கையில் நடக்கிறது? என்று சிந்தித்து உணர்ந்துக் கொள்வதுதான் வாழ்க்கை பாடம்.

இயற்கையை சார்ந்து வாழ்வது என்றால் என்ன?

உடலிலும் உலகிலும் நடக்கும் மாற்றங்களுக்கு இசைந்து, உலகில் இயற்கையாக உருவானவற்றை கொண்டு வாழ்வது.

அனைவராலும் அனைத்தையும் செய்ய முடியுமா?

நிற்சயமாக முடியாது. அனைவரும் அனைத்தையும் செய்ய முடியும் என்பது வெறும் மூட நம்பிக்கை மட்டுமே. ஒவ்வொரு தனி நபருக்கும் வழங்கப்பட்ட ஆற்றலையும் திறமையையும் கொண்டுதான் தன் வாழ்க்கையை அமைத்துக் கொள்ள வேண்டும்.