கேள்வி பதில்
கேள்வி பதில்
Showing posts with label கழிவுகள். Show all posts
Showing posts with label கழிவுகள். Show all posts

எவையெல்லாம் நோய்கள்? எவையெல்லாம் நோய்கள் அல்ல?

எவையெல்லாம் நோய்கள்
ஒரு மனிதனின் அன்றாட வேலைகளை செய்ய முடியாமல், இடைஞ்சல்களை உருவாக்கும் அனைத்தையுமே நோய்கள் என்று நம்பிக் கொண்டிருக்கிறோம். எவையெல்லாம் நோய்கள்? எவையெல்லாம் நோய்கள் அல்ல என்பதை அறியாமல். உடலில் எந்த தொந்தரவுகள் தோன்றினாலும் அதை தடுக்க வேண்டும், அதை குறைக்க வேண்டும் என்று எண்ணுகிறார்கள். இந்த தவறான பழக்கமே பல சிறிய உடலின் தொந்தரவுகள் கொடிய நோய்களாக மாறுவதற்கு காரணமாக இருக்கிறது.

நோய்கள் எவ்வாறு உருவாகின்றன?

"தீதும் நன்றும் பிறர் தர வாரா"

நம் உடலில் ஒரு தொந்தரவு அல்லது ஒரு நோய் உருவாகிறது என்றால், நாம் செய்த அல்லது செய்து கொண்டிருக்கும் ஏதோ ஒரு தவறான செயல்தான் அதற்கு மூல காரணமாக இருக்கும். அது தவறான உணவு பழக்கமாக இருக்கலாம், நீர் அருந்தும் முறையாக இருக்கலாம், வாழ்க்கை முறையாக இருக்கலாம். காரணம் எதுவாக இருந்தாலும் அது நமது தவறுதான்.

நோய்கள் உருவானால் எவ்வாறு குணப்படுத்துவது?
நோய்களை குணப்படுத்துவது மிக எளிதான காரியம். “எரிகின்ற கொல்லியை உருவினால் கொதிக்கிறது, தானாக அடங்கிவிடும்” அவ்வளவுதான். நம் அன்றாட வாழ்வில் என்ன என்ன தவறுகள் செய்கிறோம் என்பதை சற்று சிந்தித்துப் பார்த்து, அந்தத் தவறுகளை திருத்திக் கொண்டால், தொந்தரவுகள் தானாக நீங்கிவிடும்.

எவையெல்லாம் நோய்கள் அல்ல?
இது மிக முக்கியமான விஷயம். நோயென்றால் என்னவென்று தெரியாமல், பலர் உடலில் ஏற்படும் அத்தனை மாற்றங்களுக்கும் மருந்துகளை உபயோகித்து உடலை கெடுத்துக் கொள்கிறார்கள். தங்கள் பிள்ளைகளின் எதிர்கால வாழ்க்கையையும் சீரழிக்கிறார்கள்.

நோய்கள் அல்லாதவை
1. தும்மல்
2. சளி
3. சளி கட்டி
4. இருமல்
5. காய்ச்சல்
6. வலிகள்
7. புண்கள்
8. அரிப்பு
9. கட்டிகள்
10. வாந்தி
11. வயிற்று போக்கு

இன்னும் பல தொந்தரவுகளை அடுக்கிக் கொண்டே போகலாம். மேலே குறிப்பிட்டுள்ள எதுவுமே நோய்கள் அல்ல. இவை சாதாரண கழிவு நீக்கங்களே. உடலில் தேங்கி இருக்கும் கழிவுகளை உடல் வெளியேற்றுகிறது அவ்வளவுதான். கழிவுகள் தான் உடலை விட்டு வெளியேறுகிறது என்பதை உணராமல் அவற்றை நோய்கள் என்று நம்பி அவற்றை தடுப்பது தான் கொடிய நோய்கள் உருவாக மூல காரணமாக இருக்கிறது.

கழிவு நீக்கங்களை சற்று விரிவாக பார்ப்போம்
1. தும்மல் – நம் உடலுக்கு ஒவ்வாத தூசுகள் அல்லது கிருமிகள் சுவாசம் மூலமாக உடலுக்குள் செல்லும் போது, உடல் அவற்றை வெளியேற்ற, தும்மலை உருவாக்குகிறது. அவை முழுதாக வெளியேறும் வரையில் தும்மல் தொடரும்.

2. சளி – தும்மலை மருந்துகளை பயன்படுத்தி தடுத்தால் அல்லது உடலால் கழிவுகளை தும்மல் மூலமாக வெளியேற்ற முடியாத போது. அவை நுரையீரலை சென்றடையும். நுரையீரலில் சேர்ந்த கழிவுகளை சளியாக மாற்றி நுரையீரலிலிருந்து உடல் வெளியேற்றும்.

3. சளி கட்டி – சளியாக கழிவுகளை வெளியேற்ற முடியாத போது, அந்த கழிவுகள் கெட்டி சளியாக மாறும்.

4. இருமல் – அந்த கெட்டி சளியை வெளியேற்ற உறுதுணையாக இருப்பதற்காக உடல் இருமலை உருவாக்கும்

5. காய்ச்சல் – இது மிக முக்கியமான செய்தி. கெட்டி சளியாக கூட கழிவுகளை உடலால் வெளியேற்ற முடியாத போது. அந்த கெட்டி சளியை திரவமாக மாற்ற உடலில் காய்ச்சல் தோன்றும். காய்ச்சல் இன்னும் பல நன்மையான காரணங்களுக்காகவும் உருவாகும். அவை, உடலில் நுழைந்த கிருமிகளைக் கொல்ல, உடல் நோய்களை குணப்படுத்த, உடல் உறுப்புகளின் வளர்ச்சிக்காக, உடலுக்கு சக்தியை வழங்க மற்றும் இன்னும் பல நன்மையான காரணங்களுக்காக காய்ச்சல் உருவாகும்.

6. வலிகள் – வலிகள் என்பவை ஒரு எச்சரிக்கை மட்டுமே. வலிகள் உண்டானால் உடலில் ஏதோ ஒரு உபாதை உருவாகி இருக்கிறது என்று அர்த்தம். (வலிகள் பற்றிய கட்டுரையை வாசிக்கவும்).

7. புண்கள் – உடலில் உள்ள கழிவுகள் சில காரணங்களுக்காக தோலின் மூலமாக வெளியேறுகிறது.

8. அரிப்பு – சக்தி மற்றும் கழிவு தேக்கம். உடலின் சக்தி ஓட்டத்தில் அடைப்பு ஏற்படும் போதும், தோலிலும் உடலிலும் கழிவுகள் அதிகமாக தேங்கும் போதும். தோலில் இரத்த ஓட்டம் தடைபடும் போதும்.  அவற்றை உணர்த்தவும், அவற்றை சரிசெய்யவும் தோலில் அரிப்புகள் உண்டாகலாம்.

9. கட்டிகள் – உடலில் தேங்கி இருக்கும் நாள்பட்ட கழிவுகளை தோலின் மூலமாகவும், நேரடியாகவும் உடல் வெளியேற்றுகிறது. இந்த கட்டிகளை தடுத்தால், அந்த கழிவுகள் உடலின் உள்ளேயே கட்டியாக வளர்ந்துவிடும்.

10. வாந்தி - வயிறு வரையில் உள்ள கழிவுகளை வெளியேற்றுவது. வாயால் உட்கொண்ட உணவு அல்லது பொருட்கள் உடலுக்கு ஒவ்வாத போது. உடல் அவற்றை வாந்தியாக உடலை விட்டு வெளியேற்றும்.

11. வயிற்று போக்கு - உட்கொண்ட உணவு அல்லது பொருட்கள் உடலுக்கு கெடுதியாக இருந்தால். வயிற்றை தாண்டி குடலை அடைந்துவிட்டால், அவை வயிற்று போக்காக வெளியேறும்.

மேலே குறிப்பிடப்பட்ட 11 விசயங்களும் மிக முக்கியமான விசயங்கள். உடலுக்கு மிகவும் நன்மையான இந்த 11 விஷயங்களை தடுக்கும் பொது, அவற்றை தொந்தரவு செய்யும் போது. கழிவுகள் உடலை விட்டு வெளியேற முடியாமல் உடலின் உள்ளேயே தேங்கிவிடும்.

உடலை விட்டும் வெளியேற வேண்டிய இந்த கழிவுகளை, நோயென்று நம்பி மருந்து மாத்திரைகளை கொண்டு தடுக்கும் போது. அவை உடலிலேயே தேங்கி, அடைப்பு, சொறி, சிரங்கு, இளைப்பு, உடல் உறுப்புகளில் பாதிப்பு, உடலுறுப்புகளின் செயல்திறன் இழப்பு, பக்கவாதம், கேன்சர், போன்ற கொடிய நோய்களாக மாற்றமடையும்.

அதனால் எந்த காரணத்தை கொண்டும். உங்கள் உடலில் இந்த 11 விஷயங்கள் உருவானால் அவற்றை தடுக்காதீர்கள். உங்கள் பிள்ளைகளுக்கும் இவற்றை தடுக்கும் போது, எதிர்காலத்தில் அவர்கள் கொடிய நோயாளிகளாக அவதிபடுவதற்கு நீங்கள் தான் காரணமாக இருப்பீர்கள். உங்கள் பிள்ளைகளை நோயாளிகளாக மாற்றாதீர்கள்.


அனைத்து நோய்களுக்கும் மூல காரணம்

உடலின் கழிவுகளை வெளியேறவிடாமல் தடுப்பதே அத்தனை நோய்களுக்கும் மூலகாரணமாக இருக்கிறது. ஒன்றை நினைவில் நிறுத்திக்கொள்ளுங்கள், உடலிலிருந்து எந்த ஒரு நல்ல பொருளும் உடலுக்கு தேவையான பொருளும் இயல்பாக வெளியேறாது. அதனால் உடலில் இருந்து எது சுயமாக வெளியேறினாலும் தடுக்காதீர்கள். போனால் போகட்டும் என்று விட்டுவிடுங்கள்.

- காதுகளில் இருந்து வெளியேறும் நீர், அழுக்கு, சீல், சலம், கட்டி

- கண்களில் இருந்து வெளியேறும் அழுக்கு, கண்ணீர், ஊளை, கட்டி

- வாயிலிருந்து வெளியேறும் எச்சில், ஜொல்லு, வாணி, வாந்தி

- தோலின் மூலமாக வெளியேறும் புண்கள், கட்டிகள், அரிப்பு, வியர்வை, கெட்ட வாயுக்கள், சலம்

- உடலில் இருந்து வெளியேறும், ஏப்பம், தும்மல், சளி, இருமல், காய்ச்சல், உஷ்ணம், வாந்தி, வயிற்று போக்கு, மலம், சிறுநீர், வாயுக்கள், கெட்ட வாயுக்கள் இன்னும் பல.

உடலில் இருந்து வெளியேறும் அனைத்துமே உங்கள் உடலுக்கு தேவையற்ற விசயங்கள், மற்றும் உங்கள் உடலுக்கு ஒவ்வாதவை. உடலில் நோய்களையும், தொந்தரவுகளையும் உருவாக்கக் கூடியவை. அதனால் தான் உடல் இவற்றை உடலில் இருந்து வெளியேற்றுகிறது. இதைப் புரிந்து கொண்டும். உடலில் இருந்து வெளிவரும் எந்த விசயத்தையும், எந்தக் காரணத்தை கொண்டும் தடுக்கக் கூடாது.

கழிவுகளை தடுப்பதே நோய்
மேலே குறிப்பிடப்பட்ட எதுவுமே நோய்கள் அல்ல, வெறும் உடலை சுத்தப்படுத்தும் வேலை மட்டுமே. உடலில் இருந்து வெளியேறும் கழிவுகளை தடுப்பதே, மனிதனின் அனைத்து தொந்தரவுகளுக்கும் நோய்களுக்கும் மூல காரணமாக இருக்கிறது.

சிறு வயதில் பெற்றோர்கள் குழந்தைகளுக்கு கொடுக்கும் கழிவு வெளியேற்றத்தை தடுக்கும் மருந்துகளே, பிள்ளைகள் பெரியவர்கள் ஆனதும் உருவாகும் அனைத்து நோய்களுக்கும் மூல காரணமாக இருக்கிறது.

நல்ல பொருட்கள் உடலில் இருந்து வெளியேறாது
எந்த நல்ல விசயமும், உடலுக்குத் தேவையான விசயமும் உடலை விட்டு வெளியில் போகாது. ஏதாவது ஒன்று உடலை விட்டு வெளியேறினால் அது உடலுக்குத் தேவையில்லை என்று அர்த்தம். உடலுக்கு சுயமாக அறிவு இருக்கிறது, அந்த அறிவு உடலுக்குத் தேவையான நல்ல விசயங்களை பாதுகாக்கும் தேவையற்றதை வெளியேற்றும்.

உடலின் கழிவுகளை வெளியேறவிடாமல் தடுப்பதே அத்தனை நோய்களுக்கும் மூல காரணமாக இருக்கிறது என்பதை நினைவில் கொண்டு. கழிவு வெளியேற்றத்தை தடுக்காதீர்கள், நோய்களை உருவாக்காதீர்கள். ஆரோக்கியமாக வாழுங்கள்.

சிறுநீரில் கழிவுகள் இருந்தால் நல்லது

உங்கள் சிறுநீர் அழுக்காக இருக்கிறது. உங்கள் சிறுநீரில் சர்க்கரை அதிகமாக இருக்கிறது. உங்கள் சிறுநீரில் கிருமிகள் இருக்கின்றன. உங்கள் சிறுநீரில் கழிவுகள் இருக்கின்றன. உங்கள் சிறுநீரில் கழிவுகள் இருப்பதனால் உங்கள் உடலின் உள்ளேயும் கழிவுகள் இருக்கும், உங்களுக்கு நோய்கள் இருக்கும் என்று யாராவது சொன்னால்.

அங்கே இரண்டு விடயங்களை நீங்கள் உணர்ந்துக்கொள்ள வேண்டும். ஒன்று அந்த நபருக்கு உடலியலைப் பற்றி முழுமையாக புரியவில்லை அல்லது அவர் உங்களை ஏமாற்றுகிறார் என்று அர்த்தம். ஒன்றை நன்றாகப் புரிந்து கொள்ளுங்கள், சிறுநீர் என்பதே உடலில் உள்ள கழிவுகள் வெளியேறும் வழிதான். உடலில் உள்ள கழிவுகள் சிறுநீரின் மூலமாக வெளியேறுவதால், சிறுநீர் அழுக்காகத்தான் இருக்கும்.

அது மட்டுமல்ல சிறுநீரில் கழிவுகள், கிருமிகள் அல்லது சர்க்கரை இருந்தால், அந்த கழிவு அல்லது கிருமி உடலை விட்டு வெளியேறிவிட்டது என்றுதான் பொருள் கொள்ள வேண்டுமே ஒழிய, சிறுநீரில் இருப்பதனால் உடலின் உள்ளேயும் இருக்கும் என்று பொருள் கொள்ளக் கூடாது. சிறுநீரில் இருக்கும் கழிவுகள் உடலின் உள்ளேயும் இருக்கும் என்று சொல்வது வியாபாரத்துக்காக கூறப்படும் பொய் மட்டுமே.

சிறுநீரின் மூலமாக ஒரு பொருள் உடலை விட்டு வெளியேறி விட்டால், அந்த பொருள் உடலின் உள்ளே இல்லை அல்லது குறைந்த கொண்டிருக்கிறது என்பதை தெளிவாக புரிந்துக் கொள்ளவேண்டும்.

ஒரு உதாரணத்துக்காக சொல்கிறேன். உணவை உட்கொண்ட ஒருவர் வாந்தி எடுத்து உண்ட உணவு வெளியேறினால், உடலின் உள்ளே உணவு இருக்கிறது என்று அர்த்தமா அல்லது உணவு வெளியேறி விட்டது என்று அர்த்தமா?.

ஒரு பகுதி வெளியேறி விட்டது என்று சொல்லலாம் அல்லது முழுதாக வெளியேறி விட்டது என்று சொல்லலாம். இவை இரண்டையும் விட்டுவிட்டு வாந்தியில் உணவு வெளியேறியதால், உடலின் உள்ளேயும் உணவு இருக்கும் அல்லது வெளியேறியதை விடவும் அதிகமாக உள்ளே இருக்கும் என்று சொன்னால் அது பொய் என்பது உங்களுக்கே புரிகிறது அல்லவா?.

அதைப்போல்தான் சிறுநீரின் மூலமாக உடலின் உள்ள கழிவுகள் வெளியேறினால். உங்கள் சிறுநீரகங்கள் ஆரோக்கியமாக இருக்கின்றன. உங்கள் உடலில் சேரும் கழிவுகளை வெளியேற்றும் தன்மையுடன் இருக்கின்றன என்பதை புரிந்துகொள்ளுங்கள். சிறுநீரை காரணமாக காட்டி யாராவது பயமுறுத்தினால் பயம் கொள்ளாதீர்கள்.

ஒரு மனிதனுக்கு ஏற்படும் பயம் போதும், அவனைக் கொல்வதற்கு. எதற்கும் பயம் கொள்ளாதீர்கள் தைரியமாக இருங்கள். சிறுநீரின் மூலமாக ஒரு பொருள் உடலை விட்டு வெளியேறி விட்டால், அந்த பொருள் உடலின் உள்ளே இல்லை அல்லது குறைந்த கொண்டிருக்கிறது என்பதை தெளிவாக புரிந்துக் கொள்ளுங்கள்.


உடலில் கட்டிகள் எதனால் உருவாகின்றன?

உடலில் உருவாகும் பெரும்பாலான கட்டிகள், கழிவுகளின் மூட்டைகளே. இரத்தத்திலும் தோலிலும், சதைகளிலும் உள்ள கழிவுகளை உடல் ஒரே இடத்தில் குவித்து வைத்திருக்கிறது. சற்று அவகாசம் கொடுத்தல் உடல் சுயமாகவே அந்த கட்டியில் இருக்கும் கழிவுகளை உடலைவிட்டு வெளியேற்றிவிடும்.

நோயாளிகளின் நோய்கள் முற்றுவதற்கு காரணம் என்ன?

மனிதர்களுக்கு உடலில் தொந்தரவுகள் உண்டாவதற்கு உடலில் சேரும் கழிவுகள் ஒரு முக்கிய காரணமாக இருக்கின்றன. இவ்வாறு இருக்கையில், உடலில் தொந்தரவு உள்ளவர்கள் ஆங்கில மருத்துவர்கள் பரிந்துரைக்கும் இரசாயனங்களை மருந்துகள் என நம்பி உட்கொள்ளும் போது. உடலில் இரசாயனங்களும் கழிவுகளும் அதிகரித்து. சிறிய தொந்தரவுகள் நோய்களாக மாறுகின்றன. சில வேளைகளில் மரணங்களைக் கூட உண்டாகின்றன.

உடலின் கழிவுகள் எவ்வாறு உடலைவிட்டு வெளியேறுகின்றன?

திடக்கழிவுகள் - மலம், வாந்தி

நீர்க் கழிவுகள் - சிறுநீர், சளி, வயிற்றுப் போக்கு, வாந்தி

வாய்வு கழிவுகள் - ஏப்பம், கொட்டாவி, வாடை, குசு

உஷ்ண கழிவுகள் - உடலின் உஷ்ணம், கொப்பளம், கட்டி

பழைய கழிவுகள் - புழுக்கள், கிருமிகள், கொப்பளம், கட்டி

தண்ணீரை அதிகமாக அருந்தினால் உடலின் கழிவுகள் வெளியேறுமா?

இல்லை. மனித உடலின் அமைப்பு சாக்கடையைப் போன்றது அல்ல. தண்ணீரை எவ்வளவு அருந்தினாலும் அவை வயிற்றுக்குத்தான் செல்லும். வயிற்றிலிருந்து நீரை சிறுநீரகங்கள் சுத்திகரித்து, சிறுநீர் மூலமாக வெளியேற்றிவிடுமே ஒழிய, எவ்வளவு நீர் அருந்தினாலும் அவற்றினால் உடலின் கழிவுகளை வெளியேற்ற முடியாது.

மனித உடலின் கழிவுகள் பெரும்பாலும் குடலிலும், கல்லீரலில், பித்தப்பையில், சிறுநீர்ப் பையிலும் தான் இருக்கும்.