கேள்வி பதில்
கேள்வி பதில்
Showing posts with label உறக்கம். Show all posts
Showing posts with label உறக்கம். Show all posts

இரவு உறக்கம் போதுமானதாக இல்லை என்பதை எவ்வாறு அறிந்துக் கொள்வது?

இரவு உறக்கம் உடலுக்கு போதவில்லை என்றாலோ, இரவு உறக்கம் திருப்தியாக இல்லை என்றாலோ காலையில் எழுந்திருக்கும்போது, சோர்வு, லேசான தலைச் சுற்றல், உடல் வலிகள் இருக்கும்.

உணவை உட்கொண்ட பிறகு உறங்கலாமா?

நிச்சயமாக உறங்கலாம், உணவை உட்கொண்டதின் பின்பாக சோர்வு உண்டானால் அல்லது உறக்கம் வந்தால் உறங்கலாம். இதில் எந்த தப்புமில்லை, மாறாக நன்மையானது.

உண்ட உணவை ஜீரணிக்க ஆற்றல் போதவில்லை என்றால் சோர்வும், அசதியும், தூக்கமும் உண்டாகும். உணவை உட்கொண்ட பிறகு சோர்வோ, அசதியோ இருந்தால் ஓய்வெடுப்பது நல்லது.

சிறுவர்கள் எத்தனை மணிக்கு உறங்க வேண்டும்?

சிறுவர்களுக்கு உறக்கமும் ஓய்வு அவர்களின் வளர்ச்சிக்கும் ஆரோக்கியத்துக்கும் மிகவும் அவசியமானது. அதனால் அவர்கள் இரவில் 9 மணிக்கெல்லாம் படுக்க வைக்க வேண்டும். உறக்கம் வரவில்லை என்றாலும் வற்புறுத்தி அல்லது மிரட்டி உறங்க வைக்க வேண்டும். பிள்ளைகள் நாளைக்கு ஆரோக்கியமாக வாழ மிகவும் அவசியமாகவும்.

உறக்கத்தில் ஆன்மாவின் பயணங்கள் | Out of body experience | Astral projection



நாம் உறங்கும் போது நம் ஆன்மா என்ன செய்கிறது? உறக்கத்தில் பற்பல அனுபவங்கள் வருவது ஏன்?

நாம் கனவுகள் காண்பது ஏன்? கனவுகளின் நோக்கம் என்ன?


நாம் கனவுகள் காண்பதேன்? கனவுகளின் நோக்கம் என்ன? விசித்திரமான கனவுகள் வருவதேன்?

ஏன் கண்ட நேரங்களில் தூக்கம் வருகிறது

தூக்கம் குறைவாக இருப்பது நோயல்ல
தூங்க கஷ்டம், தூக்கம் குறைவாக உள்ளது என்பதெல்லாம் நோய்கள் அல்ல, அவை அனைத்தும் வெறும் கற்பனைகளே என்பதை முந்தைய கட்டுரைகளில் அறிந்து கொண்டோம். இந்தப் பதிவில் ஏன் அதிகமாக தூக்கம் வருகிறது என்பதையும், ஏன் கண்ட நேரங்களில் தூக்கம் வருகிறது என்பதையும் பார்ப்போம்.

அலுவலகத்தில் அல்லது பகலில் தூக்கம் உண்டாவது
அலுவலகத்தில் இருக்கும் பொழுதோ, வேலை செய்து கொண்டு இருக்கும் பொழுதோ அசதி, தூக்கம் ஏற்பட்டால். உடலில் சக்தியின் உற்பத்தி குறைவாக இருக்கிறது என்று அர்த்தம். உங்களின் உடல் உழைப்புக்கு ஏற்ப உடலால் சக்தியை மீண்டும் உற்பத்தி செய்ய முடியவில்லை என்று அர்த்தம். அல்லது மனம் கலைந்துவிட்டது என்று அர்த்தம்.

உணவு உட்கொண்ட  பின்பு தூக்கம்
உணவு உண்பது உடலின் தெம்புக்காக, உடலின் சக்திக்காக என்றால்; உணவு உண்ட பின்பு உடலுக்குத் தெம்பும், அதிக சக்தியும் தானே இருக்க வேண்டும். ஏன் அசதியும் தூக்கமும் உண்டாகிறது?.

உணவு உண்ட பின்பு அசதியோ தூக்கமோ உண்டானால்; உடலில் செரிமான மண்டலம் சீர்கெட்டு இருக்கிறது என்று அர்த்தம். உண்ட உணவை ஜீரணிக்கும் தன்மையும் சக்தியும் உடலுக்கு போதவில்லை என்று அர்த்தம். நன்றாக பசி உண்டான பிறகு, பசியின் அளவை அறிந்து உணவை உட்கொண்டால்; செரிமான மண்டலம் சீர் அடைந்து, உணவு முழுமையாக ஜீரணமாகும். உணவு உட்கொண்ட பின்பு அசதியோ தூக்கமோ உண்டாகாது.

உடலுறவுக்குப் பின் தூக்கம்
இன்று பல கணவன் மனைவிகள் உடலுறவுக்குப் பின்பு, அசதி உண்டாகி தூங்கி விடுகிறார்கள். உடலுறவுக்குப் பின்பு அசதியோ தூக்கமோ ஏற்பட்டால். உடலில் சக்தி உற்பத்தி குறைவாக இருக்கிறது என்று அர்த்தம். உங்களின் உடல் உழைப்புக்கு ஏற்ப உடலால் சக்தியை மீண்டும் உற்பத்தி செய்ய முடியவில்லை என்று அர்த்தம்.

காலையில் எழும்போது எப்படி இருக்க வேண்டும்
காலையில் எழும்போது தனது அபிமான நடிகையை நேரில் பார்த்த இளைஞர்களைப் போன்று உற்சாகமாக இருக்க வேண்டும். காலையிலேயே ஏன் எழுந்திருக்க வேண்டும் என்ற எண்ணமோ, மீண்டும் உறங்க வேண்டும் என்ற எண்ணமோ இருக்கக் கூடாது.

காலையில் எழும்போது உற்சாகமில்லாமல் உடல் சோர்வாக காணப்பட்டால். உடலில் சக்தி உற்பத்தியும், சக்தி சேமிப்பும் முறையாக நடக்கவில்லை என்று அர்த்தம். காலையில் சூரிய உதயத்துக்கு பின்பு எவ்வளவு தாமதமாக எழுகிறீர்களோ, உங்கள் உடல் அவ்வளவு பலகீனமாக இருக்கிறது என்று அர்த்தம். காலை சூரிய உதயத்துக்கு பின்பு எவ்வளவு விரைவாக எழுகிறீர்களோ அவ்வளவு ஆரோக்கியமாக இருக்கிறீர்கள் என்று அர்த்தம்.

வாழ்க்கை முறையை மாற்றுங்கள் ஆரோக்கியமாக இருங்கள். வாழ்க்கையை வாழுங்கள்.


உறக்கம் ஏன் குறைகிறது?

உறக்கம்
இன்றைய காலகட்டத்தில் உறக்கம் தொடர்பான தொந்தரவுகளால் பலர் பாதிக்கப்பட்டிருக்கிறார்கள். உறங்குவதில் சிரமம், உறக்கமின்மை, உறக்கம் குறைவு, உறக்கத்தின் பகுதியில் விழித்துக்கொள்வது, பகலில் உறக்கம் உண்டாவது, வேலைகளுக்கு இடையில் உறக்கம் வருவது என பலருக்கு பலவகையான தொந்தரவுகள். பெரும்பாலானோர், ஆங்கில மருத்துவர்கள் பரிந்துரைக்கும் போதை மருந்துகளைப் பயன்படுத்துகிறார்கள். இன்னும் பலர் உறக்கமின்றி, மன நிம்மதியுமின்றி அவதிப்படுகிறார்கள். உறக்கம் தொடர்பான தொந்தரவுகளுக்கு உண்மையான காரணங்களை சிறிது ஆராய்வோமா?

உறக்கம் என்றால் என்ன?
உறக்கம் தொடர்பான தொந்தரவுகளைப் பற்றி அறியும் முன்பு உறக்கம் என்றால் என்னவென்று முதலில் அறிந்துகொள்வோம். உறக்கம் என்பது மனித உடலும், மனமும் சக்தியைப் புதுப்பித்து, சக்தி நிலையை சமன்படுத்தும் ஒரு ஓய்வு நிலையே அன்றி வேறில்லை.

மனிதர்கள் அனைவருக்கும் ஒரே அளவிலான உறக்கத்தின் தேவை இருக்காது. உறக்கத்தின் தேவையும், அளவும் ஒவ்வொரு நபருக்கும் மாறுபடும். ஆங்கில மருத்துவர்கள் கூறும் 8 மணிநேர உறக்கம் என்பது வெறும் கற்பனையே. ஒரு தனி நபருக்கு எவ்வளவு உறக்கம் தேவை என்பது அவர் உடலின் சக்தி நிலையையும், அவரின் உடலின் சக்தி உபயோகத்தையும் பொருத்து மட்டுமே அமையும்.

மனிதர்களின் உறக்கத்தின் கால அளவு
ஒவ்வொரு மனிதர்களுக்கும் தேவைப்படும் உறக்கத்தின் அளவு, அவர் அவர் செய்யும் தொழில், வாழ்க்கை முறை, உணவு முறை, சிந்தனை, மனநிலை, உடலின் உழைப்பு போன்றவற்றை அடிப்படையாக கொண்டு மாறுபடும். மூட்டைத் தூக்கும் தொழிலாளி, வாகன ஓட்டுநர், ஆசிரியர், வியாபாரி, அலுவலகத்தில் வேலை செய்பவர், இல்லத்தரசி, ஓய்வில் இருக்கும் முதியவர், இவர்கள் அனைவருக்கும் ஒரே அளவிலான உறக்கம் தேவைப்படுமா?

மேலே குறிப்பிடப்பட்ட ஒவ்வொருவரின் உடல் உழைப்பும் வெவ்வேறாக இருக்கும். அவர்களின் மனோசக்தியின் பயன்பாடும் மாறுபடும். உடலின் சக்தி செலவும் மாறுபடும். அதனால் அவர்களின் உடலின் அசதியும், சக்தி தேவைகளும் நிச்சயமாக மாறுபடும். இவ்வாறு உடலின் மற்றும் மனதின் சக்தி தேவைகள் மாறுபடும் போது அவர்களின் சக்தி உற்பத்தி அளவும் கட்டாயம் மாறுபடும். இதனால் தான் சிலருக்கு அதிகமாக உறக்கம் வருவதும், சிலருக்கு குறைவாக உறக்கம் வருவதுமாக இருக்கிறது.

ஒருவருக்கு எவ்வளவு சக்தி தேவைப்படுகிறதோ, அல்லது அந்த உடலுக்குத் தேவையான சக்தியை முழுமையாக உற்பத்தி செய்ய அந்த உடலுக்கு எவ்வளவு நேரம் தேவைப்படுகிறதோ, அதன் அளவுக்குத்தான் உறக்கம் இருக்கும். எல்லோருக்கும் ஒரே அளவிலான உறங்கும் நேர அளவு இருக்காது.

பயம்
நம் உடலின் தேவைகளுக்கு ஏற்ப உறக்கத்தின் அளவும், தன்மையும் மாறுபடும் என்பதை அறியாதவர்கள், ஆங்கில மருத்துவர்கள் பரிந்துரைக்கும் அளவுக்கு நம்மால் தூங்க முடியவில்லை என்றும், தனக்கு ஏதாவது நோய்கள் இருக்குமோ என்றும் அஞ்சுகிறார்கள். இந்த பயமே அவர்கள் மனதிலும் உடலிலும் புதிய தொந்தரவுகளை உருவாக்குகிறது.

உறக்கத்தில் ஏற்படும் குறைபாடுகள்
குறிப்பாக சிறுவர்களும், முதியவர்களும், இல்லத்தரசிகளும் உறங்குவதில் சில சிரமங்களை எதிர்நோக்குவார்கள். இதற்கு காரணம் சிறுவர்களின் உடல் தூங்காமலேயே சக்தியை அதிகமாக உற்பத்தி செய்யும் ஆற்றலுடன் இருக்கும், முதியவர்களுக்கும், இல்லத்தரசிகளுக்கும், உடல் உழைப்பு குறைவாக இருப்பதனால் சக்தி விரயம் இல்லை. அதனால் சக்தி உற்பத்தியின் தேவையும் இல்லை. இந்தக் காரணங்களால் தான் அவர்களின் உறக்கத்தின் அளவும் குறைகிறது.

உறக்கம் குறைவாகத் தேவைப்பட்டால், உடலில் குறைபாடு உள்ளது என்று அர்த்தம் கிடையாது. மாறாக, உடல் விரைவாக சக்தியை உற்பத்தி செய்கின்ற ஆற்றலுடன் இருக்கிறது என்று அர்த்தம். குறைவாக உறங்குபவர்கள் தான் ஆரோக்கியமான மனிதர்கள்.

ஆரோக்கியமான உறக்கத்தின் கால அளவு
நான் முன்பே கூறியது போல, ஒவ்வொரு மனிதனுக்கும் உறக்கத்தின் அளவு மாறுபடும். ஆனால் குறைந்தபட்ச உறக்கத்தின் அளவு என்று இருக்குமே என்று கேட்டால், ஆம் இருக்கிறது. ஒவ்வொரு மனிதனும் குறைந்த அளவாக 4 மணி நேரங்கள் உறங்கினால் போதுமானது. அதுவும் கண்டிப்பாக இரவு நேர உறக்கமாக இருக்க வேண்டும்.

முறையான உறக்கத்தின் அளவு என்பது அவர் அவர் உடலின் தேவைக்கு ஏற்ப இருக்க வேண்டும். உடல் மற்றும் மனதின் உழைப்பை பொறுத்து உறக்கம் குறைவாகவோ அதிகமாகவோ இருக்கும்.

உறக்கம் தொடர்பான பயம் வேண்டாம்
எனக்கு உறக்கம் பற்றவில்லை, எனக்கு உறக்கம் குறைவாக இருக்கிறது என்று எந்த பயமும் தேவையில்லை. உங்களுக்கு உறக்கம் குறைவாக இருந்தால், உங்கள் உடலுக்கு குறைவான உறக்கத்தின் அளவே போதுமானதாக உள்ளது என்று அர்த்தம்.

உதாரணத்துக்கு என்னையே எடுத்துக்கொள்வோம். முன்பு நான் அதிக நேரங்கள் உறங்குவேன். இரவில் 9-10 மணி நேரம் உறங்கி, பின்புப் பகலிலும் 2-3 மணி நேரம் உறங்குவேன். ஆனால் இப்போது இரவில் மட்டுமே, 5-6 மணி நேரங்கள் உறங்குகிறேன். எனக்கு என்ன நோய் கண்டுவிட்டதா?, இல்லை என் உடலும் மனமும் இப்பொழுது தான் ஆரோக்கியமான நிலையில் இருக்கிறது. எனக்கு உறக்கம் குறைவாகவே தேவைபடுகிறது என்று அர்த்தம். 5 மணி நேர உறக்கமே என் உடலுக்கும் மனதுக்கும் போதுமானதாக இருக்கிறது.

அதனால் உங்களுக்கு உறக்கம் குறைவாக இருக்கும் பட்சத்தில், பயம் வேண்டாம் உங்கள் உடலுக்கு உறக்கம் குறைவாகவே தேவைபடுகிறது, நீங்கள் ஆரோக்கியமாக இருக்கிறீர்கள் என்று அறிக. ஆங்கில மருத்துவர்கள் கூறுவதை நம்பி பயப்பட வேண்டாம். உங்கள் உடல் ஆரோக்கியத்தைப் பாதுகாக்க எவ்வளவு நேர உறக்கம் தேவை என்பதை உங்கள் உடல் நன்றாக அறியும். உங்கள் உடலைத் தவிரவும் உங்களை முழுமையாக அறிந்தவர் வேறு யாரும் இருக்க முடியாது.


இரவில் உறங்குவதும் பகலில் உறங்குவதும் சமமாகுமா?

இரவு உறக்கமும் பகல் உறக்கமும் நிச்சயமாக ஒன்றாகாது. இரவில் உறங்கும்போது மட்டுமே உடலால் முழுமையாக கழிவுகளை வெளியேற்றவும் நோய்களைக் குணப்படுத்தவும் முடியும். இரவில் உறங்கும்போது மட்டுமே உடலுக்குத் தேவையான முக்கியமான சுரப்பிகள் சுரக்கின்றன, அதே நேரத்தில் இரவு தூக்கத்தில் மட்டுமே உடல் தனது பழுதடைந்த உறுப்புகளைச் சரி செய்துகொள்கிறது.

இரவு உறக்கம் ஒவ்வொரு மனிதனுக்கும் மிகவும் அத்தியாவசியமானது. இரவில் உறங்கினால் மட்டுமே, உடல் உறுப்புகள் சீராக இயங்கும், கழிவுகள் முழுமையாக வெளியேறும், உடலுக்குத் தேவையான ஓய்வு கிடைக்கும், உடலும் ஆரோக்கியமாக இருக்கும்.

இரவில் உறங்கும்போது உடலுக்குள் என்ன நடக்கின்றன?

இரவில் உறங்கும்போது பகல் முழுதும் உடல் செலவழித்த சக்திகளை மீண்டும் உற்பத்தி செய்யும். வயிற்றில் இருக்கும் உணவுகளை முழுதாக ஜீரணிக்கும். பாதிக்கப்பட்ட உடல் உறுப்புகளை குணப்படுத்தும். உடலில் சேர்ந்திருக்கும் கழிவுகளை வெளியேற்றும். அதனால் விரைவில் விரைவாகப் படுக்கைக்குச் செல்ல வேண்டும்.

இரவில் உறங்காதவர்களுக்கும் தாமதமாக உறங்குபவர்களுக்கும் இந்த செயல்கள் தடைப்படும். அதனால் நோய்கள் உண்டாகும்.

நாம் எத்தனை மணிக்கு உறங்க வேண்டும்?

இரவில் மட்டுமே உடலும் மனமும் முழு ஓய்வில் இருக்கும். உடலின் கழிவுகளும் வெளியேறும். அதனால் இரவு 9-10 மணிக்கெல்லாம் படுக்கைக்குச் செல்ல வேண்டும். அப்போதுதான் உடலின் கழிவுகள் முழுமையாக வெளியேறி நோய்களும், உடலின் குறைகளும் குணமாகும். உடலும் இறுதிவரையில் ஆரோக்கியமாக இருக்கும்.

சிறுவர்கள் இரவில் விழித்திருந்து படிக்கலாமா?

இரவில் உறங்கும் போது மட்டுமே உடலில் நடக்கக்கூடிய, நோய்களைக் குணப்படுத்தும் வேலையும், கழிவுகளை வெளியேற்றும் வேலையும் இரவில் விழித்திருந்தால் நடக்காது. அதனால் சிறுவர்கள் இரவில் விழித்திருந்து படிக்கும் போது அவர்களின் உடலில் சக்தி குறைபாடும், மறதியும், நோய்களும் உருவாகும்.

சிறுவர்கள் இரவு 9 மணிக்கெல்லாம் படுக்கைக்குச் சென்றுவிட வேண்டும். காலை 4 மணி வரையில் கண்டிப்பாக உறங்க வேண்டும். படிக்க வேண்டும், வீட்டுப்பாடம் செய்யவேண்டும் என்ற சூழ்நிலையில் இருக்கும் சிறுவர்கள் இரவு 9 மணிக்குப் படுத்துவிட்டு காலை 4 மணிக்கு எழுந்து படிக்கலாம்.