புதியவை
latest
குழந்தைகள்
Showing posts with label ஆரோக்கியம். Show all posts
Showing posts with label ஆரோக்கியம். Show all posts

அச்சத்தை விடுங்கள், ஆசைப்பட்டதை சாப்பிடுங்கள், ஆரோக்கியமாக வாழுங்கள்.

அச்சத்தை விடுங்கள், ஆசைப்பட்டதை சாப்பிடுங்கள், ஆரோக்கியமாக வாழுங்கள். அளவோடு இருக்கும் வரையில் எதுவுமே கெடுதல் இல்லை, தைரியமாக இருங்கள். எந்த உணவையாவது சாப்பிட  வேண்டும் என்று ஆசை உண்டானால், ஆசைப்பட்டதை சாப்பிடுங்கள், எந்தத் தவறுமில்லை. அளவை மட்டும் மீறாதீர்கள். எது அளவு என்றால்?. உங்கள் வயிறு சொல்வதுதான் அளவு. வயிறு நிறைந்து, பசி மாறிவிட்டால், சாப்பிடுவதை உடனே நிறுத்திவிட வேண்டும். 

வெள்ளை சீனி அந்த கெடுதலை செய்யும், அஜினாமோட்டோ இந்த கெடுதலை செய்யும், கோக்க கோலா அந்த உறுப்பைக் கெடுக்கும், பெப்சி கோலா இந்த உறுப்பைக் கெடுக்கும் என்று எதற்காகவும் அஞ்சாதீர்கள். அவற்றில் பல அபாயகரமான இரசாயனங்கள் கலந்திருப்பது உண்மைதான். ஆனாலும், உங்கள் உடலும் அதன் எதிர்ப்பு சக்தியும் அதனிலும் வலிமையானது.

மைதாவில் அது இருக்கும், உப்பில் இது இருக்கும் என்று எதற்கும் அஞ்சாதீர்கள். ஆசைப்பட்டதை அளவோடு உண்ணும் போது உடல் அதில் உள்ள ஆபத்தான விசயங்களை சுயமாகவே வெளியேற்றிவிடும், அச்சப்பட தேவையில்லை. ஆனால் பயத்துடன் ஒரு உணவைச் உட்கொண்டால், உங்கள் பயத்துக்கும், நம்பிக்கைக்கும் தக்கவாறு பக்கவிளைவுகள் உருவாக வாய்ப்புகள் உண்டு. இன்றைய உலகில் பக்கவிளைவுகள் இல்லாத உணவுகள், இரசாயனம், பூச்சிகொல்லிகள் இல்லாத உணவுகளே இல்லை என்று சொல்லும் அளவுக்கு அத்தனை உணவு வகைகளிலும்  ஏதாவது ஒரு வேதிப்பொருள் கலக்கப்படுகிறது.

அவர் சொன்னார், இவர் சொன்னார், அதில் படித்தேன், இதில் கேட்டேன் என்று அனைத்துக்கும் பயந்துக் கொண்டிருந்தால், எதைத்தான் சாப்பிடுவது?. இன்று விஞ்ஞானிகள் கண்டுப்பிடித்திருக்கிறார்கள், தாய்ப் பாலில் கூட சில இரசாயனங்கள் கலந்து குழந்தைக்கு செல்கிறது என்று. அதற்காக தாய்ப் பால் கொடுப்பதை நிறுத்திவிட  முடியுமா?.

ஒரு உதாரணத்திற்காக சொல்கிறேன் மைதாவில் பென்சொயில், க்ளோரின், பொட்டாசியம் ப்ரொமட், என்சைம், அசெடொன் பெரொசைட், இவ்வாறான பல ஆபத்தான இரசாயனங்கள் கலக்கப்படுகின்றன. அவை உடலுக்கு மிகவும் ஆபத்தானவை. சரி இப்போது கொஞ்சம் வித்தியாசமாக சிந்திப்போம், இந்த இரசாயனங்கள் சமைத்த பின் அப்படியே இருக்குமா அல்லது அதன் தன்மைகள் மாற்றமடையுமா? கண்டிப்பாக மாறிவிடும்

என்னதான் ஆபத்தான இரசாயனமாக இருந்தாலும் அதை சமைக்கும் போது, அந்த இரசாயனம் மற்ற உணவுப் பொருட்களுடன் சேரும் போது அதன் தன்மை கண்டிப்பாக மாறிவிடும், அப்படியே இருக்காது. அதனால் எதற்காகவும் பயப்படாதீர்கள். பசித்தால் அல்லது அதிக ஆசை உண்டானால், ஆசைப்பட்டதை சாப்பிடுங்கள். அதில் உள்ள கழிவுகளை, ஆபத்தான விசயங்களை உங்கள் உடலே வெளியேற்றிவிடும்.

எதை வேண்டுமானாலும் சாப்பிடலாம் என்று நான் சொன்னேன் என்பதனால், வேண்டுமென்றே இரசாயனம் கலந்த உணவுகளையும், தீங்கு செய்யக் கூடிய உணவு வகைகளையும் தேடி சாப்பிடாதீர்கள். பசியின் அளவுக்கு, அளவோடு நன்றாக மென்று விழுங்குங்கள் மற்றதை உங்கள் உடல் பார்த்துக் கொள்ளும்.

எதையும் அளவோடு வைத்துக்கொள்வது மிகவும் நன்மையானது.

Image by stokpic from Pixabay

நோய்களை குணப்படுத்தும் உண்மையான மருத்துவர்

உண்மையான மருத்துவர் 
நோயாளிகளின் நோய்களை குணப்படுத்துவது தாங்கள் அல்ல என்பதை, ரெய்கி சிகிச்சை அளிக்கும் அனைவரும் உணர வேண்டும். சிகிச்சை பெறுபவரின் உடலில் கலக்கும் பிரபஞ்ச ஆற்றல் தான் அவரின் நோய்களையும், வேதனைகளையும், துன்பங்களையும் நீக்க துணைப் புரிகிறது என்பதை உணர வேண்டும்.

ரெய்கி சிகிச்சை அளிப்பவர் அல்லது மற்ற இயற்கையை சார்ந்த சிகிச்சையை அளிப்பவர் நான்தான் சிகிச்சை அளிக்கிறேன், நான்தான் குணப்படுத்துகிறேன் என்ற எண்ணம் தோன்றாமல் பார்த்துக் கொள்ள வேண்டும். நான் தான் மக்களுக்கு நோய்களை குணப்படுத்துகிறேன், துன்பங்களில் உதவுகிறேன் என்பன போன்ற எண்ணங்கள் உருவாக தொடங்கிவிட்டால் அவருக்குள் ஆணவமும் கர்வமும் உண்டாகி விட்டது என்று அர்த்தம். 

நடப்பான அனைத்தும் அவன் செயல், அவன் அருளாலே, அவன் உதவியைக் கொண்டு நான் என் முயற்சியை செய்கிறேன். முடிவை இறைவன் கையில் ஒப்படைக்கிறேன் என்று நல்லதோ கெட்டதோ அனைத்தையும் இறைவன் மீது சாற்றி விட வேண்டும். நான் தான் செய்கிறேன் என்ற எண்ணத்துடன் செய்தால், முயற்சிகள் வெற்றி பெறாமல் போகலாம் மேலும் மற்றவர்களின் கர்மாக்களையும் நாம் சுமக்க நேரிடலாம். 

நோய்களை குணப்படுத்தும் 5 வழிமுறைகள் 
ஒரு மனிதர் நோய்வாய்ப் படும்போது அதை முழுமையாக குணப்படுத்த அவர் ஐந்து அடிப்படை ஒழுக்கங்களை கடைபிடிக்க வேண்டும். இந்த ஐந்து அடிப்படை ஒழுக்கங்களை கடைபிடிக்கும் போது அவர் விரைவாக குணமடைவார். இந்த ஒழுக்கங்களை கடை பிடிக்கவில்லை என்றால் என்னதான் உயரிய மருத்துவம் செய்தாலும், நவீன மருத்துவம் செய்தாலும், அவரின் உடலும் மனமும் குணமடைய தாமதமாகும். 

1. உணவை உட்கொள்ளும் முறைகள் 
உணவு உண்ணும் பழக்கத்தை முதலில் முறைப்படுத்த வேண்டும். பசித்தால் மட்டுமே பசியின் அளவுக்கு உணவை உட்கொள்ள வேண்டும். அந்த உணவு உடலுக்கு ஒத்துக்கொள்ள கூடியதாகவும் எளிதில் ஜீரணிக்க கூடியதாகவும் இருத்தல் வேண்டும். 

2. தண்ணீர் அருந்தும் முறை 
தேவையில்லாமல் தாகம் இல்லாமல் தண்ணீர் அருந்த கூடாது. தாகம் உண்டானால் மட்டுமே தண்ணீர் அருந்த வேண்டும். சீனி, வர்ணங்கள், வாசனைகள், இரசாயனங்கள், போன்றவை கலக்கப்பட்ட பானங்களை அருந்த கூடாது. சுடவைத்த அல்லது அதிகமாக வடி கட்டப்பட்ட தண்ணீரை அருந்தக் கூடாது. 

3. உடலுக்கு போதிய ஓய்வு வேண்டும் 
உடலில் சோர்வு உண்டானால் ஓய்வெடுக்க வேண்டும். அசதியாக இருக்கும் போது வற்புறுத்தி வேலைசெய்யக் கூடாது.  

4. இரவு உறக்கம் அவசியம் 
இரவு 9 மணிக்கெல்லாம் உறக்கம் வரவில்லை என்றாலும் படுக்கைக்கு சென்றுவிட வேண்டும்.  

5. மன அமைதி அவசியம் 
மனதை கோபம், வெறுப்பு, பொறாமை, பயம், எரிச்சல், கர்வம் போன்ற தீய எண்ணங்கள் இல்லாமல் தூய்மையாக வைத்திருக்க வேண்டும். 

இந்த 5 விசயங்களை சரி செய்யும் போதே உடல் பாதி குணமாகிவிடும். மீதியை ரெய்கி சிகிச்சையின் மூலம் குணப்படுத்தி விடலாம். 

ஆரோக்கியத்தை மீட்டு தக்க வைத்துக் கொள்ள

ஆரோக்கியம் என்பது இன்றியமையாத ஒன்று. இந்த உலகில் நீங்கள் அடைய நினைப்பது எதுவாக இருந்தாலும், அதை அடைய உங்களுக்கு அடிப்படை தேவையாக இருப்பது உடலின் ஆரோக்கியம். ஆரோக்கியம் என்பது மனிதனின் அடிப்படை உரிமையாக இருந்தாலும் அதை எவ்வாறு தக்கவைத்துக் கொள்வது என்று பெரும்பாலான மனிதர்களுக்கு தெரிவதில்லை. ஆரோக்கியம் மனிதனின் உள்ளேதான் இருக்கின்றது என்பதை உணராமல், மருந்து, மாத்திரை, வைத்தியம் என்று பலர் அழைத்துக் கொண்டிருக்கிறார்கள்.

ஆங்கில மருத்துவம் செய்பவர்கள், அந்த மருத்துவம் செய்து மீண்டும் முழுமையான ஆரோக்கியம் பெற்றதாக நான் யாரையும் இதுவரையில் பார்த்ததில்லை. அலோபதி (மேற்கத்திய) மருத்துவத்தில் ஒரு சில வாய்ப்புகள் மட்டுமே உள்ளன. ஒன்று மரணம் வரையில் நோயாளியாகவே வாழ்ந்து, தினமும் மருந்து மாத்திரைகளை உட்கொள்வது. இரண்டு நோய் உண்டான உறுப்புகளை நீக்கிவிட்டு ஊனமாக தொந்தரவுகளுடன் வாழ்வது. அல்லது மருந்துகளின் மற்றும் இரசாயனங்களின் பக்கவிளைவுகளால் நோய் முற்றி அல்லது புதிய நோய்கள் உருவாகி மரணமடைவது. நோய்களை எவ்வாறு குணப்படுத்துவது என்று ஆங்கில மருத்துவத்துக்கு தெரியாது. காரணம் அவர்கள் நோய்களின் உண்மையான மூல காரணங்களை கண்டறிவதில்லை. மாறாக அவர்கள் நோய்களின் அறிகுறிகளுக்கு மட்டுமே மருத்துவம் செய்பவர்கள்.

ஆங்கில மருத்துவம் மட்டுமின்றி பெரும்பாலான மருத்துவங்கள் நோயாளிகளின் நோய்களை தீர்ப்பதில் தோல்வி கண்டுள்ளன. இதற்கு காரணம் அவர்களுக்கு மனிதர்களை பற்றிய முழுமையான புரிதல்கள் கிடையாது. மனிதன் என்பவன் உடல், மனம், ஆற்றல் மற்றும் உயிரின் கலவை என்பதை உணராமல், உடலுக்கு மட்டுமே மருத்துவம் செய்து எந்தப் பயனுமில்லை. நோய்கள் மனதிலும், ஆற்றலிலும், கர்மாவினாலும் உருவாகலாம்.

உடலில் உருவாகும் நோய்களுக்கு உடலிலும். மனதில் உருவாகும் நோய்களுக்கு மனதிலும். ஆற்றலினால் உருவாகும் நோய்களுக்கு ஆற்றலிலும் மருத்துவம் செய்ய வேண்டும். கர்மாவினால் உண்டாகும் நோய்களை மனதார ஏற்றுக்கொண்டு அவற்றை அனுபவிப்பதே, அவற்றை குணப்படுத்தும் வழியாகும். கர்ம வினைகளினால் உண்டாகும் நோய்களை குணப்படுத்த முயற்சி செய்தாலும் கர்மா கணக்கு தீரும் வரையில் அவற்றை குணப்படுத்த முடியாது.

ஒரு நோயை முழுமையாக குணப்படுத்த வேண்டுமென்றால் அந்த நோய் ஏன்? எங்கே? எவ்வாறு? உருவானது என்பதை கண்டறிய வேண்டும். நோயின் மூல வேரை கண்டறியாமல் ஒரு சிறு புண்ணைக் கூட யாராலும் குணப்படுத்த முடியாது. இதற்கு உதாரணம் ஆங்கில மருத்துவர்கள், சர்க்கரை நோயாளிகளின் கால்களில் புண்களை குணப்படுத்த தெரியாமல் காலை வெட்டிக் கொண்டிருக்கிறார்கள். சாதாரண புண்ணை ஆற்றத் தெரியாத மருத்துவத்தை நம்பி பலர் தங்களின் உயிரையும் ஒப்படைக்கிறார்கள்.

எடுத்துக்காட்டாக: ஒருவருக்கு வயிறு வலிக்கிறது என்று வைத்துக் கொள்வோம். அந்த வயிற்று வலியை முழுமையாக குணப்படுத்த வேண்டுமென்றால் அந்த வயிற்று வலி எங்கே? ஏன்? எதனால்? உருவானது என்பதை முதலில் கண்டறிய வேண்டும். அதை விட்டு விட்டு வயிறு வலித்தால் இதை சாப்பிட வேண்டும் அல்லது அந்த மருந்தை சாப்பிட வேண்டும் என்று தொடங்கினால். அந்த வலி தற்காலிகமாக குறையலாம். ஆனால் அந்த வலி மீண்டும் வர கூடும், உடலின் மற்ற பகுதிகளுக்கும் வலி மாறக்கூடும், புதிய தொந்தரவுகள் வேறு வடிவிலும் உருவாகலாம் அல்லது சாதாரண வலியாக இருந்தது கொடிய நோயாகவும் மாறலாம்.

உடலில் வலிகள் உண்டாக பல காரணங்கள் இருக்கலாம். வலிக்கும் பகுதியில் சக்தி குறைவாக இருக்கலாம். உடலில் கழிவின் தேக்கம் அதிகமாக இருக்கலாம். அந்த வலி ஏதாவது ஒரு நோயின் அறிகுறியாக இருக்கலாம். மன அழுத்தமாக இருக்கலாம். அல்லது மனதில் உண்டான கவலை, பயம், துக்கம் போன்றவை வலிகள் உண்டாக காரணமாக இருக்கலாம்.

உடலில் தொந்தரவுகள் உண்டானால் அந்த தொந்தரவின் மூலத்தை கண்டறியாமல் எவ்வாறு மருத்துவர்கள் நோயை முழுமையாக குணப்படுத்த முடியும்?. ஒரு இயந்திரம், கணினி, அல்லது ஆய்வு கூடத்தின் அறிக்கைகளைக் கொண்டு அனைத்தையும் அறிந்துக் கொள்ள முடியுமா?. நிச்சயமாக யாராலும் முடியாது. இதனால் தான் இயந்திரங்களின் உதவியினால் கண்டறியப்படும் எந்த நோயும் குணமாவதில்லை. ஒரு இயந்திரம் (மிஷின்) ஏற்கனவே பதிவு செய்யப்பட்ட வற்றை மீண்டும் கூறுமே ஒழிய அதற்கு எந்த அறிவும் கிடையாது. இயந்திரம் சொல்வது சரியாகத்தான் இருக்க வேண்டும் என்று எந்த கட்டாயமும் கிடையாது.

மனதில் தோன்றும் நோய்களையும், சக்தி தட்டுப்பாட்டால் உண்டாகும் நோய்களையும் கண்டறியக் கூடிய இயந்திரம் இதுவரையில் கிடையாது. ஒரு நோயாளியுடன் அமர்ந்து அவருடன் நேரம் செலவழித்து பொறுமையாகவும் விரிவாகவும் பேசினால் ஒழிய உண்மையான நோயின் மூலக் காரணத்தை கண்டறிய முடியாது.

உடலில் வலி என்று ஆங்கில மருத்துவரிடம் சென்றால் அவர் வலி தெரியாமல் இருக்க மாத்திரைகளை பரிந்துரைக்கிறார். அந்த மாத்திரைகள் வலியை குணப்படுத்துமா? அல்லது வலியை மறைக்க மட்டும் உதவுமா? நிச்சயமாக அந்த மாத்திரைகள் வலிகளை குணப்படுத்துவது கிடையாது மாறாக அந்த மாத்திரைகள் நோயாளி தன் வலியை உணராமல் இருக்க உணர்வு மண்டலங்களை கட்டுப்படுத்துகிறது. வலியை உருவாகிய நோயும் பாதிப்படைந்த உறுப்பும் மேலும் பாதிப்புகளுக்கு உள்ளாகின்றன. பாதிப்புகளும் நோய்களும் பெரிதாகும். இதனால் தான் ஆங்கில மருத்துவத்தில் பெரும்பாலான நோயாளிகள் நோய்கள் குணமாகாமல் மற்றும் நோய்கள் மோசமாகி மரணிக்கிறார்கள்.


நோய்களை குணப்படுத்தும் வழிமுறைகள்

ஒருவர் நோய் வாய்ப்பட்டால் வைத்தியர் (மருத்துவர்) அவரை பரிசோதித்து, அவரின் உபாதைகளை அறிந்து, உடல் காட்டும் அறிகுறிகளைக் கொண்டு நோயாளியின் உண்மையான நோயை கண்டறிய வேண்டும். அந்த நோய் உடல் சம்பந்தப்பட்டதா? மனம் சம்பந்தப்பட்டதா? என்பதை கண்டறிய வேண்டும். நோயின் மூலத்தை அறிந்த பின்பு தான் மருத்துவம் செய்ய வேண்டும்.

மன நிம்மதி 
உடலின் ஆரோக்கியத்தை பாதுகாக்க மன நிம்மதியும் மன அமைதியும் மிகவும் அவசியமானது. மனிதர்களின் பெரும்பாலான நோய்கள் மனதில் உண்டாகும் மாறுபாட்டாலேயே உருவாகின்றன.

உதாரணம் 1: ஒரு குழந்தையை மிரட்டினால் அல்லது பயமுறுத்தினால் அந்த குழந்தை பயத்தில் சிறுநீர் கழித்துவிடுகிறது. அந்த குழந்தையின் உடலில் என்ன நடந்தது? ஏன் அந்த குழந்தை சிறுநீர் கழித்தது?

உண்மையில் என்ன நடந்தது என்றால். அந்த குழந்தையின் மனதில் உண்டான அதிகபடியான பயம் மனதின் சமநிலையை கெடுத்தது. அந்த பாதிப்பு சிறுநீர் பையை பாதித்து சிறுநீர் சுயமாக வெளியேற தொடங்கியது. மனதில் உண்டாகும் பயமானது சிறுநீரகங்கள், சிறுநீர் பை, கர்ப்பப்பை, ஆண்மை மற்றும் உடலின் பல உறுப்புகளை பாதிக்கக் கூடியது. அதிகபடியான பய உணர்வு உள்ளவர்களுக்கு மேலே குறிப்பிட்ட உறுப்புகளில் சில தொந்தரவுகள் உருவாகக் கூடும். அச்ச உணர்வுகளை நீக்கி விட்டால் அந்த பாதிப்புகள் நீங்கிவிடும்.

உதாரணம் 2: ஒரு வீட்டில் துக்ககரமான நிகழ்வுகள் நடக்கும் போது அந்த வீட்டை சார்ந்தவர்களுக்கு பசி உண்டாவதில்லை. மரணம் நடந்த வீட்டில் இதை கண்கூடாக அனைவரும் காணலாம். நாள் முழுதும் சாப்பிடாவிட்டாலும் அதன் குடும்ப உறுப்பினர்களுக்கு பசி என்ற உணர்வு உண்டாவதில்லை. கவலையுடன் இருக்கும் மனிதர்கள் கூட எனக்கு பசியில்லை உணவு வேண்டாம் என்பார்கள்.

இந்த சூழ்நிலையில் என்ன நடக்கிறது என்றால் துக்கம், சோகம், கவலை போன்ற உணர்வுகள் வயிற்றை பாதிக்கின்றன. வயிறு பாதிப்புக்கு உள்ளானதால் அது உணவை சீரணிக்கும் தன்மையில் இருக்காது. அதனால் அவர்களுக்கு பசி உண்டாகாது.

மனதின் அமைதியும் சம தன்மையும் உடலின் ஆரோக்கியத்துக்கு மிகவும் முக்கியமானது. அதனால் யாருக்காவது உடல் நலம் பாதிப்படைந்தால் உடலை மட்டும் சோதிக்காமல் நோயாளியுடன் உரையாடி அவருக்கு மனம் தொடர்பான பாதிப்புகள் ஏதாவது இருக்கின்றனவா என்பதையும் அறிந்துக் கொள்ள வேண்டும்.




மனிதர்களின் ஆரோக்கியத்தை அளக்கும் வழிமுறைகள்

மனிதர்களின் ஆரோக்கியத்தை, அளந்து பார்க்க சில எளிய வழிமுறைகள். ஸ்கேன், எக்ஸ்ரே, லேப் டெஸ்ட், யூரின் டெஸ்ட், மோஷன் டெஸ்ட் போன்ற எதுவுமே தேவையில்லை. ஆயிரகணக்கில் பணம் செலவு செய்யவும் தேவையில்லை. கீழே குறிப்பிடப் பட்ட ஐந்து விஷயங்களை கவனித்தாலே போதுமானது.

1. தரமான பசி
2. தரமான தாகம்
3. திருப்தியான உறக்கம்
4. முழுமையான கழிவு நீக்கம்
5. மன அமைதி

1. தரமான பசி
உழைப்புக்கு தகுந்த பசி இருக்கவேண்டும். உழைப்பு குறைவாக இருந்தால் பசியின் அளவும் குறைவாக இருக்க வேண்டும். 1 நாளைக்கு குறைந்தது 2 வேளைகள் பசி உணர்வு உண்டாக வேண்டும். உட்கொண்ட உணவு எளிதில் ஜீரணமாக வேண்டும். உணவை உட்கொண்ட பிறகு வயிறு உப்புசம், வயிற்றில் பாரம், அசதி, தூக்கம் உண்டாகக் கூடாது.

2. தரமான தாகம்
உழைப்புக்கேற்ற தாகம் இருக்க வேண்டும். அளவான தாகம் உருவாக வேண்டும். உதடு காய்வது தாகம் அல்ல. தாகத்துக்கு வெறும் தண்ணீர் மட்டுமே அருந்த வேண்டும், புட்டியில் அடைத்த, சுவை, மனம், இரசாயனம் கலந்த நீரை அருந்தக் கூடாது.

3. திருப்தியான உறக்கம்
இரவு படுத்த 10 நிமிடங்களில் உறங்கிவிட வேண்டும். இடையில் காலை வரையில் எழுந்திருக்கக் கூடாது. தூங்கி எழும் போது அசதி இருக்கக் கூடாது. உறக்கத்திலிருந்து எழுந்ததும் உடல் சுறுசுறுப்பாக இருக்க வேண்டும். மனம் அமைதியாக இருக்க வேண்டும்.

4. முழுமையான கழிவு நீக்கம்
தினமும் காலையில் சுலபமாக மலம் கழிக்க வேண்டும். மலம் முழுமையாகவும் சுலபமாகவும் வெளியேற வேண்டும். மலம் கழித்த திருப்தி இருக்க வேண்டும். சிறுநீர் சுலபமாக வெளியேற வேண்டும். சிறுநீர் கழித்த திருப்தி இருக்க வேண்டும்.

5. மன அமைதி
மனம் அமைதியாக இருத்தல் வேண்டும். எந்த சூழ்நிலையிலும் மனதில் அச்சம், குழப்பம், சோர்வு உருவாகக் கூடாது. அளவுக்கு மீறிய மகிழ்ச்சி, கவலை, பயம், துக்கம், கோபம் , தாழ்வு மனப்பான்மை, மன உளைச்சல் உருவாகக் கூடாது.
மனம் எப்பொழுதும் சமநிலையில், நிதானமாக இருக்க வேண்டும்.

பசி, தாகம், உறக்கம், கழிவு நீக்கம், மன அமைதி
மேலே குறிப்பிடப்பட்ட ஐந்து செயல்களும் தடைப்பட்டாலும், அவற்றை செய்ய சிரமத்தை எதிர்நோக்கினாலும், குறைந்தாலும், அதிகரித்தாலும், ஆரோக்கிய குறைபாடும், நோய்களும் உருவாக வாய்ப்புகளுண்டு.

ஆரோக்கியத்தை தக்க வைத்துக் கொள்ள
பசி இன்றி உணவு உண்பது கூடாது. தாகம் இன்றி தண்ணீர் அருந்தக் கூடாது. இரவு 10 மணி முதல் காலை 4 மணி வரையில் கண்டிப்பாக உறங்க வேண்டும். தினமும் காலையில் கழிவுகளை வெளியேற்ற வேண்டும். மனதை எப்போதும் அமைதியாகவும் சாந்தமாகவும் வைத்திருக்க வேண்டும்.

மேலே கூறப்பட்ட ஐந்தும் சரியாகவும், அளவாகவும் இருந்தால், ஒரு மனிதன் நிச்சயமாக ஆரோக்கியமாக இருப்பான், ஆரோக்கியமாக இருக்கிறான். நோய்களை கண்டு அச்சப்பட தேவையில்லை . எந்த நோயாக இருந்தாலும், எவ்வளவு கடுமையாக இருந்தாலும். மேலே குறிப்பிடபட்ட வற்றை சீர் செய்தால், நிச்சயமாக அனைத்து நோய்களும் சுயமாக குணமாகும்.

உங்கள் உடலின் கட்டளைகளை புரிந்துக் கொண்டு, உங்கள் உடலை நீங்கள் கவனித்தால், உங்கள் உடல் உங்களை கவனித்துக் கொள்ளும்.


ஏன் கண்ட நேரங்களில் தூக்கம் வருகிறது

தூக்கம் குறைவாக இருப்பது நோயல்ல
தூங்க கஷ்டம், தூக்கம் குறைவாக உள்ளது என்பதெல்லாம் நோய்கள் அல்ல, அவை அனைத்தும் வெறும் கற்பனைகளே என்பதை முந்தைய கட்டுரைகளில் அறிந்து கொண்டோம். இந்தப் பதிவில் ஏன் அதிகமாக தூக்கம் வருகிறது என்பதையும், ஏன் கண்ட நேரங்களில் தூக்கம் வருகிறது என்பதையும் பார்ப்போம்.

அலுவலகத்தில் அல்லது பகலில் தூக்கம் உண்டாவது
அலுவலகத்தில் இருக்கும் பொழுதோ, வேலை செய்து கொண்டு இருக்கும் பொழுதோ அசதி, தூக்கம் ஏற்பட்டால். உடலில் சக்தியின் உற்பத்தி குறைவாக இருக்கிறது என்று அர்த்தம். உங்களின் உடல் உழைப்புக்கு ஏற்ப உடலால் சக்தியை மீண்டும் உற்பத்தி செய்ய முடியவில்லை என்று அர்த்தம். அல்லது மனம் கலைந்துவிட்டது என்று அர்த்தம்.

உணவு உட்கொண்ட  பின்பு தூக்கம்
உணவு உண்பது உடலின் தெம்புக்காக, உடலின் சக்திக்காக என்றால்; உணவு உண்ட பின்பு உடலுக்குத் தெம்பும், அதிக சக்தியும் தானே இருக்க வேண்டும். ஏன் அசதியும் தூக்கமும் உண்டாகிறது?.

உணவு உண்ட பின்பு அசதியோ தூக்கமோ உண்டானால்; உடலில் செரிமான மண்டலம் சீர்கெட்டு இருக்கிறது என்று அர்த்தம். உண்ட உணவை ஜீரணிக்கும் தன்மையும் சக்தியும் உடலுக்கு போதவில்லை என்று அர்த்தம். நன்றாக பசி உண்டான பிறகு, பசியின் அளவை அறிந்து உணவை உட்கொண்டால்; செரிமான மண்டலம் சீர் அடைந்து, உணவு முழுமையாக ஜீரணமாகும். உணவு உட்கொண்ட பின்பு அசதியோ தூக்கமோ உண்டாகாது.

உடலுறவுக்குப் பின் தூக்கம்
இன்று பல கணவன் மனைவிகள் உடலுறவுக்குப் பின்பு, அசதி உண்டாகி தூங்கி விடுகிறார்கள். உடலுறவுக்குப் பின்பு அசதியோ தூக்கமோ ஏற்பட்டால். உடலில் சக்தி உற்பத்தி குறைவாக இருக்கிறது என்று அர்த்தம். உங்களின் உடல் உழைப்புக்கு ஏற்ப உடலால் சக்தியை மீண்டும் உற்பத்தி செய்ய முடியவில்லை என்று அர்த்தம்.

காலையில் எழும்போது எப்படி இருக்க வேண்டும்
காலையில் எழும்போது தனது அபிமான நடிகையை நேரில் பார்த்த இளைஞர்களைப் போன்று உற்சாகமாக இருக்க வேண்டும். காலையிலேயே ஏன் எழுந்திருக்க வேண்டும் என்ற எண்ணமோ, மீண்டும் உறங்க வேண்டும் என்ற எண்ணமோ இருக்கக் கூடாது.

காலையில் எழும்போது உற்சாகமில்லாமல் உடல் சோர்வாக காணப்பட்டால். உடலில் சக்தி உற்பத்தியும், சக்தி சேமிப்பும் முறையாக நடக்கவில்லை என்று அர்த்தம். காலையில் சூரிய உதயத்துக்கு பின்பு எவ்வளவு தாமதமாக எழுகிறீர்களோ, உங்கள் உடல் அவ்வளவு பலகீனமாக இருக்கிறது என்று அர்த்தம். காலை சூரிய உதயத்துக்கு பின்பு எவ்வளவு விரைவாக எழுகிறீர்களோ அவ்வளவு ஆரோக்கியமாக இருக்கிறீர்கள் என்று அர்த்தம்.

வாழ்க்கை முறையை மாற்றுங்கள் ஆரோக்கியமாக இருங்கள். வாழ்க்கையை வாழுங்கள்.


பாக்கெட் பாலின் கேடுகள்

இந்திய கலாச்சாரத்தில் பால் மிக முக்கிய அங்கம் வகிக்கின்றது. சாமிக்கும் பால், ஆசாமிக்கும் பால். பிறந்தாலும் பால் ஊற்றுவார்கள், இறந்தாலும் பால் ஊற்றுவார்கள். ஆனால் பாக்கெட் பாலை மட்டும் நோய்களை உண்டாக்குவதற்காகவே ஊற்றுகிறார்கள் போலும்.

பால் உடலுக்கு மிகவும் நல்லது என்ற ஒரு மாயை மனிதர்களுக்கிடையில் உள்ளது. குறிப்பாக வளரும் குழந்தைகள் பால் அருந்தினால் நல்லது என்று பல பெற்றோர்கள் நம்புகிறார்கள். பால் ஏன் அருந்துகிறீர்கள் என்று கேட்டால் பாலில் அதிக கால்சியம் இருக்கிறது என்று கூறுவார்கள். சரி மனிதர்கள் பால் அருந்தினால் கால்சியம் கிடைக்கும் என்று கூறும் மருத்துவர்கள், பசு மாட்டுக்கு எவ்வாறு கால்சியம் கிடைத்தது என்று ஏன் சிந்திக்க வில்லை?.

ஒரு மாடு எத்தனை இடை இருக்கும்?. ஒரு மாடு எத்தனை வேகமாக வளரும்?. மாடு எவ்வளவு வேலைகளை செய்யும்?. மாடு எவ்வளவு சுமையை சுமக்கும்?. இவ்வளவு உழைப்புக்காக தான் மாட்டின் பாலில் அதிகமான கால்சியம் இருக்கிறது. மனிதர்களுக்கு மாட்டின் அளவுக்கு உருவமும் இல்லை, உழைப்பும் இல்லை அப்புறம் எதற்கு மாட்டின் அளவுக்கு கால்சியம்?.

சரி! ஒரு ஐந்தறிவு ஜீவனான பசுவின் உடலால் அதிகமான கால்சியத்தை உற்பத்தி செய்ய முடியும் போது ஆறறிவு ஜீவனான மனிதனின் உடலால்; அந்த உடலுக்கு தேவையான கால்சியத்தை உற்பத்தி செய்துக் கொள்ள முடியாதா?. சற்று சிந்தியுங்கள். ஒரு விலங்கால் செய்ய முடிந்த ஒரு வேலையை மனிதனால் செய்ய முடியாதா?

பசும்பால் மனிதர்கள் பயன்படுத்துவதற்காக இயற்கை வழங்கவில்லை பசுவின் கன்று அருந்துவதற்காக தான் படைத்திருக்கிறது. பசும்பாலை இரண்டாம் கட்ட உணவாக பயன்படுத்தலாமே ஒழிய நேரடி உணவாக பயன்படுத்துவது ஆரோக்கியமில்லை. சமைத்த உணவை உட்கொள்ளாத சிறு குழந்தைகளும் முதியவர்களும் மற்றும் நோயாளிகளும் மட்டுமே பசும்பாலை அருந்தலாம். மற்றவர்கள் பசும்பால் அருந்தினால் அவை ஜீரணிக்க வெகுநேரம் ஆகும். வயிறும் உடலும் மந்தமாகும். நாளடைவில் உடலின் ஜீரண திறன் பழுதடைந்து பல நோய்கள் உண்டாகும்.

பால் அருந்தும் வழக்கம் உள்ளவர்கள், சுத்தமான கறந்த பாலை மட்டும் அருந்துங்கள். பாக்கெட்டில் விற்கும் எந்த நிறுவனத்தின் பாலையும் அருந்த வேண்டாம்.

பாக்கெட் பால் மனிதனுக்கு மிகவும் கெடுதியானது.
இன்றைய மனிதர்கள் குறிப்பாக இந்தியர்கள் உட்கொள்ளும் உணவு பொருட்களில் மிகவும் கெடுதியானது பாக்கெட்டில் வரும் பால் தான். அவர்கள் உட்கொள்வது மட்டுமின்றி அவர்களின் குழந்தைகளுக்கும் கொடுத்து குழந்தைகளின் ஆரோக்கியத்தையும் கெடுக்கிறார்கள். பாக்கெட்டில் வரும் பால்களை எங்கு வேண்டுமானாலும் ஊற்றுங்கள். வாயிலும் வயிற்றிலும் மட்டும் ஊற்றாதீர்கள், விலங்குகளுக்குக் கூட கொடுக்காதீர்கள்.

இந்தியாவுக்கு சென்ற போது கவனித்தேன், அங்கு எந்த கம்பெனியின் பால் பாக்கெட்டிலும் பசும் பால், மாட்டுபால், கறவைப் பால், பசு, அல்லது மாடு இப்படி எந்த வார்த்தைகளும் கிடையாது. Ingredients / என்ற பாலில் கலக்கப்பட்ட பொருட்களின் விவரங்களை பார்த்தால் கூட அதில் பசும் பால் என்ற வார்த்தை கூட கிடையாது. அவ்வளவு ஏன் பசு மாட்டின் படத்தைக் கூட பால் பாக்கெட்டில் போடுவது கிடையாது.

தொலைக்காட்சி பெட்டியில் வரும் விளம்பரங்களில் கூட நான் கவனித்தேன். அவர்கள் பசு, மாடு, பசும்பால் என்ற வார்த்தைகளை உச்சரிப்பது கிடையாது. இவை அனைத்துமே, நீங்கள் அருந்துவது பசும் பால் அல்ல என்று உங்களுக்கு மறைமுகமாக அறிவிக்கிறார்கள். இவை சட்டரீதியாக எந்த சிக்கலும் உண்டாக கூடாது என்ற அவர்களின் முன்னெச்சரிக்கை நடவடிக்கைகள் .

பாக்கெட் பாலில் உள்ளது என்ன?
அதிகம் தண்ணீர், கொஞ்சம் பசும்பால் அதுவும் அந்த பால் கெட்டுப்போக கூடாது என்பதற்காக இயற்கையாக பாலில் இருக்கும் உடலுக்கு நன்மை தரக் கூடிய அனைத்து பொருட்களையும் நீக்கிவிட்டு அதை இரசாயனம் கலந்து பதப்படுத்துகிறார்கள்.

செலவுகளை குறைப்பதற்காகவும், லாபத்தை அதிகரிக்கவும் அதில் செயற்கை பால் பவுடர், மைதா, பல வகையான இரசாயனங்கள், தண்ணீர் மற்றும் செயற்கையாக தயாரிக்கப்பட்ட உடலுக்கு ஒவ்வாத சத்து பொருட்களைக் கலக்கிறார்கள்.

பாக்கெட் பால் உடலுக்குத் தீங்கு விளைவிக்கும்
ஒரு வயதான பெண்மணியிடம் பாக்கெட் பாலின் தீங்கை பற்றி பேசும் பொது அவர் கூறுகிறார், தூய பசும்பால் தண்ணியாக நீர்த்துப் போயிருக்கும் பாக்கெட் பால் தான் நல்லா கெட்டியாக இருக்கும் அதனால்தான் பாக்கெட் பால் வாங்குகிறேன் என்று. அவர் ஆசைப்பட்டது போல் கொடுத்தால் எதை வேண்டுமானாலும் அருந்த அவர் தயாராக இருக்கிறார். உடல் ஆரோக்கியத்தை விடவும் நாக்கின் சுவையே முக்கியம் என பலர் எண்ணுகிறார்கள்.

பாக்கெட் பாலை அருந்தினால் அந்த நோய் உருவாகும் இந்த நோய் உருவாகும் என்று பயமுறுத்த எனக்கு விருப்பமில்லை. ஆனால் பாக்கெட் பால் மிக மோசமான மிகக் கெடுதியான பல நோய்கள் உருவாக முக்கிய காரணமாக இருக்கிறது. பாக்கெட் பாலை பயன்படுத்துவதை இன்றே நிறுத்துங்கள்.

ஆரோக்கியமாக வாழ குறிப்புகள்
பசும்பால் மனிதர்களுக்கு மிகவும் நல்லது என்பது வெறும் மாயை மட்டுமே. அது உண்மை அல்ல. பாலை செரித்து சக்தியாக மாற்றக்கூடிய தன்மை பலர் வயிற்றுக்கு இருப்பதில்லை. அதனால் பாலை தேவைக்கு மட்டும் பயன்படுத்துங்கள்.

- செரிமான கோளாறு, வயிறு மந்தம் மற்றும் நோய் உள்ளவர்கள் பால் அருந்துவதை உடனே நிறுத்துங்கள்.

- பிறந்த குழந்தைகளுக்கு நான்கு வயது வரையில் தாய் பாலை மட்டுமே கொடுங்கள். தாய்ப் பால் எனக்கு ஊறவில்லை என்று கூறும் தாய்மார்கள், எல்லா வகையான இரசாயன மருந்துகளையும் நிறுத்துங்கள் நிச்சயம் தாய்ப்பால் ஊறும்.

- பசு மாடு வளர்ப்பவர்களிடம் இருந்து கறந்த பால் வாங்குங்கள். அவர்கள் மிக அதிகமாகப் போனாலும் தண்ணீரை மட்டும்தான் கலப்பார்கள்.

- பசு வளர்ப்பவர்களிடம் பால் வாங்கி அதில் ஒன்றுக்கு நன்கு என்ற விகிதத்தில் தண்ணீர் கலந்து உபயோகியுங்கள்.

- சிறுவர்களும் முதியவர்களுக்கு ஒன்றுக்கு ஆறு என்ற விகிதத்தில் தண்ணீர் கலந்து பயன்படுத்துங்கள்.

பாக்கெட்டில் விற்கும் எந்த நிறுவனத்தின் பாலையும் அருந்த வேண்டாம்.


உணவுகள் எளிதாக ஜீரணமாக சில வழிமுறைகள்

முன்பெல்லாம் உணவு வேளைகளில் இனிப்பான பழங்கள் உட்கொள்வதை ஒரு பழக்கமாக வைத்திருந்தார்கள் நம் முன்னோர்கள். என் தாத்தா கூட உணவுக்கு முன்பு அல்லது பின்பு வாழைப்பழங்களை உட்கொள்வதை வழக்கமாக வைத்திருந்தார். ஆனால் இன்றைய தலைமுறையில் உணவுக்கு முன்பாக பழங்களை உட்கொள்ளும் பழக்கம் முற்றாக ஒழிந்துவிட்டது என்று கூட கூறலாம். உணவு வேளைகளில் இனிப்பு உட்கொள்ள வேண்டும் என்று விரும்புவார்கள் கூட இனிப்பான பழங்களுக்கு பதிலாக இனிப்பு பலகாரங்களை உட்கொள்ள தொடங்கிவிட்டார்கள்.

உணவை பரிமாறிய பின்னர் இனிப்பு வகைகள் பரிமாறப்படுவதை இன்றும் நாம் விருந்துகளில் காணலாம். விருந்துக்கு பின்னர் பாயாசம், இனிப்பான கஞ்சி அல்லது பலகாரங்கள் பரிமாறப்படுகின்றன. ஒரு சிலர் மட்டுமே விருந்துகளில் பழங்களை பரிமாறுகிறார்கள். பழங்களின் முக்கியத்துவம் இன்றைய மனிதர்களுக்கு தெரியவில்லை என்றே கூறலாம்.

ஜீரணத்துக்கு உதவும் இனிப்பு சுவை
சிலர் மதிய உணவை உட்கொண்ட பின்னர் உணவு ஜீரணமாகாமல் சிரமப்படுவார்கள். குறிப்பாக விருந்துகளில் உணவு உண்டவர்களும், அதிகமாக உணவு உண்டவர்களும், உணவை ஜீரணிக்க முடியாமலும் மூச்சுவிட முடியாமலும் சிரமப்படுவார்கள். இவ்வாறு சிரமப்படும் சிலர் சோடா, செவனப், பெப்சி, கோல, லெமன் ஜூஸ், பழ ஜூஸ், இஞ்சி சாறு, அல்லது டீ அருந்தும் பழக்கத்தை கொண்டிருப்பார்கள்.

உணவை உட்கொண்ட பின்னர் இனிப்பான பானங்களை அருந்தினால் மட்டுமே அவர்களின் வயிறு லேசாக இருப்பதாக உணர்வார்கள். இல்லையென்றால் வயிற்றில் ஜீரணம் நடக்காததைப் போன்றும், வயிறு கனப்பதைப் போன்றும், மூச்சுவிட சிரமப்படுவதைப் போன்றும் உணர்வார்கள். உண்மையில் அவர்களின் ஜீரண மண்டலம் பலகீனமாக உள்ளது அதனால்தான், உணவு உட்கொண்ட பின்னர் உறக்கம் உண்டாவது, சோர்வு உண்டாவது, வயிறு பாரமாக இருப்பது, வயிறு உப்புசம், மூச்சுவிட சிரமம், போன்று பல சிரமங்களுக்கு ஆளாகிறார்கள்.

மேலே குறிப்பிடப்பட்ட செரிமான குறைபாடுகள் உள்ளவர்களுக்கு உதவியது அவர்கள் அருந்திய பானங்கள் அல்ல, மாறாக அவற்றில் கலந்திருக்கும் இனிப்பு சுவையே. செரிமானம் முழுமையாக நடைபெற இனிப்பு சுவை மிகவும் அவசியமானது. அதனால்தான் நம் முன்னோர்கள் உணவு வேளைகளுக்கு முன்பாக பழங்களை உட்கொள்வதை வழக்கமாக வைத்திருந்தார்கள்.

முறையாக ஜீரணமாகாத உணவுகள் தான் வயிற்றிலும் குடலிலும் தேங்கி பல நோய்களை உருவாகுகின்றன. செரிமானம் முறையாக நடைபெற பின்வரும் வழிமுறைகளை பின்பற்றுங்கள்.
  1. பசித்தால் மட்டும் சாப்பிடுங்கள் அதுவும் பசிக்கு தகுந்த அளவோடு சாப்பிடுங்கள்.
  2. எளிதாக ஜீரணிக்க கூடிய உணவுகளையும் உடலுக்கு ஒத்து போகும் உணவுகளையும் மட்டுமே உட்கொள்ளுங்கள்.
  3. உணவை நன்றாக மென்று விழுங்குங்கள்.
  4. சாப்பிடும் போது உணவில் மட்டும் கவனம் செலுத்துங்கள்.
  5. சாப்பிடும்போது தண்ணீர் அருந்தாதீர்கள்.
  6. உணவு உட்கொண்டு 30 நிமிடங்கள் கழித்து தான் தண்ணீர் அருந்த வேண்டும்.
  7. உணவை உட்கொள்வதற்கு முன்பாக சிறிது இனிப்பான பழங்களை உட்கொள்ளுங்கள்.
இனிப்பு சுவை மண்ணீரலை பலப்படுத்தி செரிமானம் சுலபமாக நடைபெற உதவும். அதுவும் இனிப்பான பழங்களை உட்கொள்வது மிகவும் நல்லது. செரிமானம் முறையாக நடைபெறும், உடலுக்கு தேவையான சத்துக்களும் கிடைக்கும். இந்த பழக்கத்தை உங்கள் குழந்தைகளுக்கும் கற்றுக்கொடுங்கள்.

உணவை உட்கொண்ட பின்னர் சோடா, செவனப், பெப்சி, கோல, டீ, காபி அருந்தும் பழக்கத்தை விட்டுவிடுங்கள். அதற்கு பதிலாக பழங்களை சாப்பிடலாம், பழ ஜூஸ், லெமன் ஜூஸ் போன்றவற்றை அளவாக அருந்தலாம்.


எவையெல்லாம் சிறந்த உணவுகள்?

எவையெல்லாம் ஆரோக்கியமான, உடலுக்கு உகந்த உணவுகள் என்று தெரிய வேண்டுமென்றால், ஆரோக்கியமான உணவு என்றால் என்னவென்று முதலில் தெரியவேண்டும். ஆரோக்கியம் என்றால் என்னவென்றும் புரிய வேண்டும்.

எந்த நோயையும், எதிர்வினையையும், எந்த உடல் - மன பாதிப்பையும் உருவாக்காத உணவு வகைகள் தான் ஆரோக்கியமான உணவுகள் என்று ஏற்றுக்கொள்ளலாமா? என்றால், அது முடியாது. எந்த தீய எதிர்வினையையும் உருவாக்கவில்லை என்றாலும், உடலுக்கு எந்த நன்மையையும் வழங்காத உணவை எதற்காக உட்கொள்ள வேண்டும்?. அவ்வாறென்றால் எவை ஆரோக்கியமான உணவு வகைகள்?.

எந்த உணவாக இருந்தாலும், உடலுக்குத் தேவைப்படும் ஊட்டச்சத்துக்களையும், சக்தியையும் வழங்குமென்றால், அவற்றை உட்கொள்பவரின் உடல் அவற்றை முறையாக ஜீரணிக்கும் என்றால், அவை நல்ல உணவுகள் தான். தாராளமாக உட்கொள்ளலாம்.

உணவில் கலக்கப்படும் இரசாயனங்கள்
தொடர்ந்து வாசிப்பதற்கு முன்பாக சற்று சிந்தனை செய்யுங்கள். இரசாயனங்களும், உயிர் கொல்லிகளும் கலக்கப்படாத உணவுகள் என்று ஏதாவது மிச்சம் இருக்கிறதா? சிந்தித்து விட்டு தொடர்ந்து வாசியுங்கள்.

நாம் அருந்தும் நீரில் இருந்து, காய்கறிகள், பழங்கள், இறைச்சிகள், மீன் வகைகள், அரிசி, பருப்பு, தானியங்கள், மசாலா பொருட்கள், சமையல் பொருட்கள், எண்ணைகள், என அனைத்திலும் கலப்படம், இரசாயன கலவைகள். இனி எவற்றை உட்கொள்வீர்கள்?

குழந்தைகளுக்கு கொடுக்கப்படும் பாலில் இருந்து, முதியவர்களுக்கு கொடுக்கப்படும் சத்து மாவுகள் வரையில் அனைத்திலும் கலப்படம், இரசாயனம் இனி எவற்றை கொடுப்பீர்கள்?.

உணவில் கலப்படம் மற்றும் இரசாயனம்
உங்கள் உணவை நீங்களே பயிர் செய்தால் ஒழிய கலப்படத்தையும் இரசாயனங்களையும் தவிர்க்க முடியாது. இன்னும் ஒரு முக்கியமான விசயம், பயிர் செய்தது நீங்கலாக இருந்தாலும், பூச்சிக்கொல்லிகள் மற்றும் இரசாயனங்கள் தெளிக்காவிட்டாலும், நீங்கள் விதைத்த தாவரத்தின் விதைகளை உருவாக்கியது யார் என்று பார்க்கவேண்டும். விதைகள் மரபணு மாற்றப்பட்டவையாக இருக்கலாம்.

Organic Foods ஆர்கானிக் உணவுகள்
ஆர்கானிக் உணவுகள் என்றால் என்ன?. பூச்சிக்கொல்லி மருந்து மற்றும் இரசாயனம் தெளிக்கப்படாத உணவுகள். சரி, பூச்சிக்கொல்லியும் இரசாயனமும் நீங்கள் தெளிக்கவில்லை, ஆனால் நீங்கள் பயன்படுத்தும் இயற்கை உரத்தை உருவாக்க பயன்படும் ஆடு, மாடு, கோழி, வாத்து, பன்றிகளுக்குக் கொடுக்கப்படும் உணவுகளில் இரசாயனங்கள் கலக்கப்பட்டிருந்தால்? அந்த இரசாயனம் நீங்கள் பயன்படுத்தும் உரங்களிலும் இருக்கும் தானே? உரங்களில் இருக்கும் இரசாயனங்கள் பயிர்களிலும் கலக்கும் தானே?. இனி அது எப்படி ஆர்கானிக் உணவுகள் ஆகும்?.

உணவுகளை உற்பத்தி செய்த பின்னர், அவற்றை  பொட்டலம் போட, கெட்டுப் போகாமல் தடுக்க, அவற்றை பாதுகாக்க என சிறிதளவேனும் இரசாயனம் கலக்கப்படும் தானே?.

கடைகளில் கிடைக்கும் பெரும்பாலான ஆர்கானிக் உணவுகள், உண்மையான இயற்கை உணவு வகைகள் அல்ல. இரசாயனமும் பூச்சிக்கொல்லி மருந்துகளும் குறைவானவை, மனிதர்களுக்கு நேரடியான கெடுதல்களை செய்யாதவை என்று வேண்டுமானால் கூறலாம். இப்படி அனைத்து வகையான உணவிலும் பூச்சிக்கொல்லி மருந்துகளும் இரசாயனங்களும் கலக்கப்படும் போது இனி எவற்றை உட்கொள்வீர்கள்?

அவர் அதில் இரசாயனம் இருக்கும் என்று சொன்னார்! இவர் இதில் பூச்சிக்கொல்லிகள் இருக்கும் என்று சொன்னார்! என்று நாம் கூறலாம். எல்லாம் சரி, அனைத்திலும் பூச்சிக்கொல்லிகளும் இரசாயனங்களும் இருக்கும் போது, இனி எதை சாப்பிட வேண்டும் என்று அவர் கூறினாரா?.

உலகத்தின் தலைச் சிறந்த உணவுகள் தேன், தேங்காய், பழங்கள், கருப்பட்டி ஆனால் இன்று இவை அனைத்திலும் கலப்படம், பூச்சிக்கொல்லி, மெழுகு, சரி இனி எவற்றை சாப்பிடுவது?.

சிறந்த உணவு பழக்கம்
எவற்றை உட்கொள்வது என்று ஆராய்ந்து எவற்றில் எவ்வகையான இரசாயனங்கள் கலக்கப்படுகின்றன என்பதை ஆராய்வதை விடவும், எப்படி சாப்பிடுவது என்பதை அறிந்துகொள்ளுங்கள். மற்றதை உங்கள் உடல் கவனித்து கொள்ளும்.

ஒரு உதாரணத்திற்காக சொல்கிறேன். நீங்கள் உங்களுக்குத் தெரியாமலேயே உடலுக்கு ஒவ்வாத ஒரு உணவை உட்கொண்டு விட்டீர்கள் என்று வைத்துக்கொள்வோம். என்ன நடக்கும்? அது உடலுக்குள்ளேயே இருக்குமா அல்லது உங்கள் உடல் அதை வெளியேற்றிவிடுமா?

உடலுக்கு ஒவ்வாத உணவுகளை உட்கொள்ளும் போது, வாந்தி மற்றும் வயிற்றுபோக்கின் மூலமாக அவை வெளியேற்றப் பட்டு விடுகின்றன அல்லவா?. அமிர்தமாகவே இருந்தாலும், உடலுக்கு ஒவ்வாதவை என்றால் உங்கள் உடல் தானாகவே அவற்றை வெளியேற்றிவிடும். அப்புறம் என்ன பயம். உங்கள் உடலுக்குத் தெரியாத விசயமா உங்களுக்குத் தெரிந்துவிட போகிறது?.

உணவை உட்கொள்ளும் முறைகள்
நீங்கள் எதை உட்கொண்டாலும் அதிலிருந்து எந்தத் தொந்தரவும் உருவாகக் கூடாது என்றால், முதலில் உணவை உட்கொள்ளும் முறைகளை கற்றுக்கொள்ளுங்கள்.

1. உட்கொள்வதற்கு முன்பாக உணவைப் பாருங்கள்
2. உணவின் வாசனையை நுகருங்கள், வடிவத்தை ரசியுங்கள்.
3. விரல்களால் நன்றாக பிசைந்து பின்னர் உண்ணுங்கள்
4. வாயில் போட்டு, எச்சில் கலந்து, நன்றாக மெல்லுங்கள்
5. மென்று உணவின் ருசி மாறிய பிறகு விழுங்குங்கள்
6. சாப்பிடும்போது தண்ணீர் அருந்தாதீர்கள்.

இவை ஆறையும் முறையாக செய்தால். உடல் உணவை முறையாக ஜீரணித்து, எல்லாக் கழிவுகளையும், இரசாயனங்களையும் முறையே வெளியேற்றிவிடும். இரசாயனங்கள், பூச்சிக்கொல்லிகள், கலப்படங்கள் பற்றிய பயம் தேவையில்லை.


உடலுக்கு சிறந்த உணவு எது?

சிலர் என்னிடம் கேட்பார்கள், எதை உட்கொண்டால் அந்த நோய் குணமாகும்? எதை உட்கொண்டால் இந்த நோய் குணமாகும் என்று?. சிலர் கேட்பார்கள். அந்த சத்து உருவாக எதை உட்கொள்ள வேண்டும்?, இந்த சத்து தேவையென்றால் எதை உட்கொள்ள வேண்டும்? என்று. இது போன்ற கேள்விகளுக்கெல்லாம் என்னுடைய பதில்.

என்ன உட்கொள்ளலாம் என்று தெரிந்துக் கொள்வதை விடவும் எந்த உணவாக இருந்தாலும், அதை எவ்வாறு முறையாகச் உட்கொள்வது என்று கற்றுக்கொள்ளுங்கள். எந்த உணவாக இருந்தாலும் அதை முறையாக உட்கொண்டால், அந்த உணவின் ஜீரணத்தின் இறுதியில் உடலுக்குத் தேவையான அனைத்து சத்துக்களும் கிடைத்துவிடும்.

இது உண்மையா? ஒவ்வொரு குறிப்பிட்ட பழத்திலும், காய்கறியிலும், உணவிலும் ஒரு குறிப்பிட்ட சத்துகள் கிடைக்குமே, அது உடலுக்கு மிக முக்கியமல்லவா என்று நீங்கள் கேட்கலாம். இந்த கேள்விக்கு விடைக்காணா ஒரு உதாரணத்தைப் பார்ப்போம்.

உணவிலிருந்து உருவாகும் சத்துக்கள்
தினமும் மூன்று வேளையும் கஞ்சியை மட்டுமே குடிக்கும் ஒரு ஏழைப் பெண்ணுக்கு திருமணம் நடந்தால்; அந்த பெண் கர்ப்பம் தரிப்பாளா?. அந்த பெண்ணுக்கு குழந்தை பிறக்குமா?. குழந்தை பிறந்ததால்;

1. அந்தக் குழந்தைக்கு கண்கள், காதுகள், வாய் மற்றும் மூக்கு இருக்குமா?
2. அந்தக் குழந்தையின் உடலில் எலும்புகள் இருக்குமா?
3. அந்தக் குழந்தைக்கு தோல் இருக்குமா?
4. அந்தக் குழந்தை வளருமா?
5. அந்தக் குழந்தைக்கு பல் முளைக்குமா?
6. அந்தக் குழந்தைக்கு முடி முளைக்குமா?
7. அந்தக் குழந்தைக்கு நோய் எதிர்ப்பு சக்தி இருக்குமா?
8. அந்தக் குழந்தைக்கு எல்லாச் சத்துக்களும் இருக்குமா?
9. அந்த குழந்தையின் உடலில் எல்லா உறுப்புகளும் இருக்குமா?
10. அந்தக் குழந்தையின் உடலில் உள்ள எல்லா உறுப்புகளும் இயங்குமா?

மேலே கேட்கப்பட்ட எல்லாக் கேள்விகளுக்கும் ஒரே பதில்தான் ஆம். கோடீஸ்வரன் வீட்டுப் பிள்ளைக்கு என்ன என்னவெல்லாம் உடலில் இருக்குமோ, அவை அனைத்தும் அந்த ஏழை வீட்டுப் பிள்ளைக்கும் இருக்கும். சொல்லப்போனால் செல்வந்தர் வீட்டு குழந்தைகளை விடவும் இன்னும் ஆரோக்கியமாக இருக்கும்.

எந்த சத்துக்கு என்ன உட்கொள்ளவேண்டும்?
மேலே கூறப்பட்ட ஏழைப் பெண் உட்கொள்வதோ வெறும் கஞ்சி, நவீன மருத்துவத்தின் கூற்றுப்படி கஞ்சியில் இருப்பது வெறும் கார்போஹைட்ரேட். அந்த ஏழைத் தாயின் உடலுக்கு...

1. குழந்தையை வயிற்றில் உருவாக்க
2. குழந்தையை வயிற்றில் வளர்க்க
3. அந்த குழந்தையின் உடலில் உறுப்புகளை உருவாக்க
4. வயிற்றில் இருக்கும் குழந்தையை நோய்களில் இருந்து பாதுகாக்க

தேவைப்படும் சத்துக்கள் அனைத்தும் எங்கிருந்து கிடைத்தது?.
ஒரு குழந்தை உருவாக கால்சியம், மெக்னீசியம், ப்ரோடின், கொழுப்பு, உப்பு, சர்க்கரை, வைட்டமின்கள், தாது சத்து என பல சத்துகள் தேவைப்படும் அல்லவா?. அந்தத் தாய்க்கும் குழந்தைக்கும் தேவைப்படும் எல்லாச் சத்துக்களையும் கொடுத்தது யார்? எங்கிருந்து கிடைத்தது?.

அந்தத் தாய் உட்கொண்ட கஞ்சியில் இருந்தே அந்தத் தாயின் உடல் அனைத்தையும் சுயமாக உருவாக்கிக் கொண்டது. உங்களுக்கு ஆச்சரியமாக இருக்கலாம், நம்ப முடியாமலும் இருக்கலாம், ஆனால் அதுதான் உண்மை. இன்றும் இந்திய கிராமப்புறங்களிலும் , மற்ற ஏழை நாடுகளிலும், வெறும் கஞ்சியோ, கூழோ குடித்துவிட்டு ஆரோக்கியமாக வாழும் மனிதர்கள் அதிகமானோர் இருக்கிறார்கள்.

உணவை தேர்ந்தெடுக்க தேவையில்லை
எந்த உணவையும் தேர்ந்தெடுக்கவோ ஒதுக்கவோ தேவையில்லை. உங்களுக்கு பிடித்தமானவற்றை உட்கொள்ளுங்கள் அது போதும். எந்த ஒரு சிறப்பு உணவும் தேவையில்லை. ஆனால் உணவை உட்கொள்ளும் வழிமுறைகள் மட்டும் முக்கியமானது.

உணவை உட்கொள்ளும் வழிமுறைகள்
1. பசியின்றி சாப்பிடக் கூடாது.
2. நன்றாகப் பசி உண்டாகும் வரை காத்திருக்க வேண்டும்
3. சாப்பிடும் போது அதிகமாக தண்ணீர் அருந்தக் கூடாது.
4. பசி அடங்கியதும் சாப்பிடுவதை நிறுத்த வேண்டும்.
5. நன்றாகச் சுவைத்து சாப்பிட வேண்டும்
6. உணவின் சுவை மாறும் வரையில் மென்று விழுங்க வேண்டும்.
7. சாப்பாட்டுக்கு முன்பும் பின்பும் அறை மணி நேரத்துக்கு தண்ணீர் அருந்தக் கூடாது.
8. பழங்கள் மற்றும் காய்கறிகளை அதிகமாக உட்கொள்ளுங்கள்.

நீங்கள் உங்கள் உடலுக்கு ஒத்துக்கொள்ளும் எந்த உணவை உட்கொண்டாலும், உங்கள் உடல் அதிலிருந்து அனைத்துத் தேவையான சத்துக்களையும் உருவாக்கிக்கொள்ளும்.

உணவிலிருந்து உருவாகும் சத்துக்கள்
ஒரு ஏழை விவசாயி வெறும் கஞ்சியை குடித்துவிட்டு, கடுமையாக உழைக்கிறார், கடினமான வேலைகளை செய்கிறார். ஆனால் பணக்காரரோ மிகவும் ஆரோக்கியமான, சத்து நிறைந்த (என்று நம்பும்) உணவுகளை சாப்பிடுகிறார், ஆனால் சாப்பாட்டுக்கு பின்பு வயிற்று பாரமும், அசதியும், தூக்கமும் வந்து அவதிப்படுகிறார்.

இவை இரண்டுக்கும் என்னக் காரணம்? உங்கள் பதிலை கீழே பதிவு செய்யுங்கள்.