உணவு முறைகள்

 

நாம் உண்ணும் உணவுதான் நமது உடலாகவும், உடலின் இயக்கமாகவும், உடலில் இருக்கும் ஒவ்வொரு செல்லாகவும் இருக்கிறது உருவாகிறது. அதனால் சரியான உணவு பழக்கம் என்பது ஒவ்வொரு மனிதனின் நீடித்த ஆரோக்கியத்துக்கு இன்றியமையாதது.

இனிப்பான பழங்களும், அரை வேக்காடாக சமைக்கப்பட்ட காய்கறிகளும், மற்றும் சமைக்காமல் உண்ணக்கூடிய உணவுகளும், மனிதர்களுக்கு மிகவும் சிறந்த உணவுகளாகும்.

உணவு என்பது மனிதனுக்கு எந்த தீங்கையும் விளைவிக்காதவையாக இருக்க வேண்டும். அந்த உணவு உடலுக்கு தேவையான அத்தனை நன்மையான கூறுகளையும் கொண்டதாக இருத்தல் வேண்டும். எளிதில் ஜீரணமாக கூடியவையாக இருக்க வேண்டும், ஜீரணத்துக்கு பிந்திய கழிவுகள் முழுமையாக உடலைவிட்டு வெளியேற வேண்டும்.

உண்ணும் உணவுகள் முறையாக ஜீரணமாகி அனைத்து சத்துக்களும் உடலில் சார்ந்து மீதமுள்ள கழிவுகள் முழுமையாக வெளியேற சில ஆலோசனைகள்.

1. பசியின்றி சாப்பிடாதீர்கள். சாப்பிடும் போது பசி அடங்கிவிட்டால் சாப்பிடுவதை நிறுத்திவிடுங்கள்.

2. உணவை நன்றாக பொறுமையாக, மென்று விழுங்குங்கள். 

3. இனிப்பான பழங்கள் மற்றும் காய்கறிகளை அதிகமாக உட்கொள்ளுங்கள்.

4. சாப்பிடும்போது தேவையில்லாமல் அதிகமாக தண்ணீர் அருந்தாதீர்கள். 

5. சாப்பிடும் போது உணவின் மீது மட்டும் கவனம் செலுத்துங்கள். 

6. இரசாயனங்கள் கலந்த உணவுகள் அல்லது புட்டியில், பாக்கெட்களில் அடைக்கப்பட்ட பால், பானம் மற்றும் உணவுகளை தவிர்த்திடுங்கள். 

7. உணவில் காரம், புளிப்பு, இனிப்பு மற்றும் மசாலா பொருட்களை குறையுங்கள். 

8. இரவு உணவை, மாலை 6-7 க்குள் முடித்துக் கொள்ளுங்கள்

9. இரவில் சமைத்த உணவுகளை தவிர்த்து பழங்கள் மற்றும் தண்ணீரை மட்டுமே உட்கொள்ளுங்கள்.

மேலே கூறப்பட்டவற்றை பின்பற்றினால், உடலில் ஜீரணம் முறையாக நடக்கும். உடலின் ஆரோக்கியம் அதிகரிக்கும்.

Post a Comment

இந்த கட்டுரை தொடர்பான தங்களின் கருத்துக்களை மிகவும் எதிர்பார்க்கிறேன். கேள்வி, சந்தேகம், திருத்தம் மற்றும் கருத்துக்களை இங்கு பதிவு செய்யவும்.