புதியவை
latest

காத்திரு மழை வரும்போது வரட்டும்

தேடித் தேடித் தேடிப்போய்
தொலைந்து போனார் பலர்

ஓடி ஓடி ஓடியே
ஓய்ந்து போனார் பலர்

நடந்து நடந்து நடந்தே
கலைத்துப் போனார் பலர்

நீ எதையுமே
தொலைக்கவில்லை
தேடாதே

நீ சென்று சேரவேண்டிய
இடமும் இல்லை
பயணிக்காதே

மனம்தான் மனிதன்
மனதை புரிந்துகொள்
சும்மா இரு மரமாக

மரத்துக்குத்தான்
மனிதனைத் தெரியும்

மனம்தான் உன்
விளைநிலம்

நிலத்தை உழுதுவிடு
விதைகளை தயார்செய்

மேகத்தைப் பிழிந்து
நீரெடுக்க யாராலும் முடியாது

மழை வரும்போது வரட்டும்
விளைச்சல் நிச்சயம் உண்டு

மனம்தான் மனிதன்
மனதை புரிந்துகொள்
சும்மா இரு மரமாக

« PREV
NEXT »

No comments