புதியவை
latest

வைரஸ் காய்ச்சல் எதனால் உருவாகின்றன?

காய்ச்சல்கள் உருவாவது ஏன்?
குழந்தைகளுக்கும் பெரியவர்களுக்கும் காய்ச்சல்கள் உருவாவதற்கு பல காரணங்கள் உள்ளன. பெரும்பாலும் காய்ச்சல்கள், நோய்களுக்கான அறிகுறிகளாகவும், உடலின் நோய் எதிர்ப்பு சக்தியை அதிகரிக்கவும், உடலின் குறைகளை சரி செய்யவும், உடலின் கழிவுகளையும் கிருமிகளையும் வெளியேற்றும் நோக்கத்துடனும் மட்டுமே தோன்றுகின்றன.

இந்த கட்டுரையில் கிருமிகளினால் உருவாகும் காய்ச்சலை பற்றி பார்ப்போம். மனிதனின் உடலில் இருக்கும் பெரும்பான்மையான கிருமிகள் மனித உடலால் சுயமாகவே உருவாக்கப்பட்டவை. இந்த கிருமிகள் உடலில் தேவைகளுக்காக உடல் சுயமாக உருவாக்கிய கிருமிகள். இந்தக் கிருமிகள் உடலுக்கு மிகவும் தேவையானவை, மிகவும் நன்மையானவை, இவற்றால் உடலுக்கு எந்த தீங்குகளும் உண்டாகாது.

இரண்டாவதாக வெளியிலிருந்து உடலுக்குள் நுழையும் கிருமிகள். இவ்வகையான கிருமிகள் உணவின் மூலமோ, தின பயன்பாட்டு பொருட்களின் மூலமோ, ஆங்கில மருத்துவத்தின் ஊசிகள், மருந்துகள் மூலமோ அல்லது வெளி நபர்கள் மூலமோ உடலுக்குள் நுழையலாம்.

உடலுக்குத் தேவையில்லாத கிருமிகள் உடலுக்குள் நுழைந்துவிட்டால், உடல் எவ்வாறு தன்னை தற்காத்துக்கொள்ளும்?.

நமது அரசாங்கங்களும், மருத்துவர்களும், தொலைக்காட்சிகள், வானொலிகள், மற்றும் நாளிதழ்களில், பல விளம்பரங்களை கொடுக்கிறார்கள். தண்ணீரில் கிருமிகள் இருக்கும், அதனால் கொதிக்க வைத்து அருந்துங்கள். உங்கள் இறைச்சியில், காய்கறிகளில், உணவுகளில், கிருமிகள் இருக்கும் நன்றாக கழுவி பின் சமைத்து உண்ணுங்கள் என்று. கிருமிகளைப் பற்றிய அச்சத்தை மக்களுக்கு உருவாகுகிறார்கள்.

சரி, ஒருவேளை அந்தக் கிருமிகள் மனிதனின் உடலுக்குள் நுழைந்துவிட்டால்; உடலை சுட வைக்க முடியுமா? அல்லது நெருப்பால் சுட்டு அந்த கிருமிகளைக் கொல்ல முடியுமா? என்ன செய்வது?. அதனால்தான் உடலுக்குள் தேவையற்ற கிருமிகள் ஏதாவது தவறுதலாக நுழைந்து விட்டால்; அந்த கிருமிகளை கொல்வதற்காக, சில வேளைகளில் உடல் காய்ச்சலை உருவாக்குகிறது. தண்ணீரில் இருக்கும் கிருமிகள் எவ்வாறு தண்ணீர் கொதிக்கும் போது கொல்லப்படுகிறதோ; அதைப்போலவே மனித உடலில் காய்ச்சல் உருவாகும் போது உடலுக்குள்ளும் தேவையற்ற கிருமிகள் கொல்லப்படுகின்றன.

வைரஸ் காய்ச்சல், அல்லது கிருமிகளால் உண்டான காய்ச்சல் என்பது உண்மையில் கிருமிகள் ஒன்று சேர்ந்து உருவாக்கிய காய்ச்சல் கிடையாது. அல்லது உடல் சுயமாக உருவாக்கிய கிருமிகளை கொல்வதற்காக உருவான காய்ச்சல் கிடையாது. மாறாக உடலுக்கு தேவையற்ற கழிவுகளையும் கிருமிகளையும் கொல்வதற்காக உருவான காய்ச்சலாகும்.

தெருவோரங்களில் நாயோ பூனையோ செத்துக் கிடப்பதை பார்த்திருப்பீர்கள். அந்தப் பிணத்தை தின்று அழிப்பதற்காக செத்துப்போன பூனை அல்லது நாயின் உடலில் புழுக்கள் உருவாவதையும் பார்த்திருப்பீர்கள். இப்போது சற்று சிந்தனை செய்து பாருங்கள். அந்தப் புழுக்கள் அனைத்தும் சேர்ந்து, அந்த நாயை கொன்றதா? அல்லது செத்துப்போன நாயின் உடலை அழிப்பதற்காக புழுக்கள் உருவானதா?.

உடலில் வைரஸ் உருவானதால் தான் காய்ச்சல் உருவானது என்ற ஆங்கில மருத்துவத்தின் கூற்றுப்படி பார்த்தால் புழுக்கள் அனைத்தும் சேர்ந்து தான் நாயை கொன்றன என்று நாம் நம்ப வேண்டி வரும். ஆனால் உண்மையில் நடந்ததோ என்ன? செத்துப் போன நாயின் உடலை அழிப்பதற்காக; நாயின் உடலில் இருந்து உருவானவைதான் அந்த புழுக்கள்.

செத்துப் போன விலங்குகளின் மேல் மொய்த்துக் கொண்டிருக்கும் புழுக்கள் வெளியில் இருந்து வந்தவையல்ல. செத்துப்போன விலங்குகளின் உடலில் இருக்கும் புழுக்கள் அனைத்துமே, அந்த உடல் சுயமாக உருவாக்கியவை. புற்கள் முதல் மனிதர்கள் வரை, இந்த உலகத்திற்கு தேவையில்லாத அனைத்து பொருளும் சுயமாக தன்னைத் தானே அழித்துக் கொள்ளும். இயற்கை இவ்வாறுதான் படைத்திருக்கிறது.

காய்ச்சலின் போது உடலில் உருவாகும் கிருமிகள், அந்தக் காய்ச்சல் கண்ட நபரின் உடலில் சேர்ந்திருக்கும் கழிவுகளை உடலை விட்டு வெளியேற்ற உறுதுணையாக இருக்கின்றன.

இன்னொரு உதாரணம் சொல்கிறேன். சாலையோரத்தில் ஒரு எலி செத்து கிடைக்கிறது என்று வைத்துக்கொள்வோம். அந்த செத்த எலியை காக்கைகள் தின்று விடுகின்றன. இப்போது அந்த எலியின் உடல் அங்கு இருக்காது. இடம் சுத்தமாகிவிடும். அதைப்போல் தான் உடலில் ஆபத்தான கழிவுகள் அதிகமாகும் போது; உடலில் சுயமாகவே கிருமிகளை உருவாக்கி, அந்தக் கிருமிகள் அந்த ஆபத்தான கழிவுகளை தின்றுவிட்டு இரத்தம், சிறுநீர், மலம், கட்டிகள் என பல வழிகளில் உடலைவிட்டு வெளியேறி விடுகின்றன.

இவ்வாறான உடலை சுத்தப்படுத்தும் செயல்கள் நடைபெறும் போது, உடலில் காய்ச்சல் உருவாகும். இந்த நேரத்தில் மருத்துவர்கள் இரத்தத்தையோ, சிறுநீரையோ பரிசோதித்துப் பார்த்துவிட்டு; கிருமிகள் இருக்கின்றன என்று கூறுவார்கள். அந்த காய்ச்சலுக்கு கிருமி காய்ச்சல், மலேரியா, டிங்கி, சிக்கின் குனியா, டீ-பீ என்றும் பெயர்களை சூட்டுவார்கள். நாமும் பயந்து கொண்டு அவர்கள் கூறுவதை எல்லாம் செய்து, அவர்கள் கொடுக்கும் மருந்துகளை எல்லாம் உட்கொண்டு. கழிவுகள் உடலை விட்டு வெளியேறவிடாமல் தடுத்து. ஆபத்தான கழிவுகளை உடலின் உள்ளேயே தேக்கி வைத்துக் கொள்வோம்.

காய்ச்சலை தடுப்பது எதிர்காலத்தில் கொடிய நோய்கள் உருவாக மிக முக்கியமான காரணமாக இருக்கின்றன. இவ்வாறு தேக்கி வைக்கப்படும் கழிவுகள் பின்நாட்களில் கட்டிகள், புண்கள், சொரி, அடைப்புகள், இளைப்பு, புற்றுநோய் போன்ற நோய்களாக மாறும்.

அதனால் காய்ச்சலை எந்தக் காரணத்தைக் கொண்டும் தடுக்கக்கூடாது. காய்ச்சல் என்பது உடலின் நன்மைக்காக மட்டும் உருவாகுமே ஒழிய, காய்ச்சல் என்பது ஒரு நோய் கிடையாது.

« PREV
NEXT »

No comments