புதியவை
latest

உண்மையான நோய்களும், நோய்க்கான காரணங்களும்

உடலில் ஏதாவது தொந்தரவுகள் அல்லது நோய்கள் உண்டானால். அந்த தொந்தரவை அல்லது நோயை நினைத்து பயந்து கொண்டிருப்பவர்கள் பலர். அந்த தொந்தரவு அல்லது நோய் ஏன்? எவ்வாறு? எதனால்? உருவானது என்பனவற்றை சிந்திக்காமல், அந்த தொந்தரவை எவ்வாறு சரி செய்வது என்பதில் மட்டுமே பலரின் சிந்தனை இருக்கும். உடலில் அல்லது மனதில், நோய் அல்லது உபாதைகள் உருவாக காரணமாக இருப்பனவற்றை சரி செய்யாமல் தொந்தரவை எவ்வாறு குணப்படுத்த முடியும்?

ஒரு உண்மையை புரிந்துக் கொள்ளுங்கள்

1. கண் நோய்கள், பார்வைக் கோளாறுகள், கண் கட்டிகளுக்கும், கண்கள் காரணமில்லை.

2. சலி, மூக்கடைப்பு, சைனஸ், இளைப்பு நோய்களுக்கு மூக்கு காரணமில்லை.

3. காது வலி, காது அடைப்பு, காதுகளில் அரிப்பு, கேட்கும் திறன் குறைவுக்கும் காது காரணமில்லை.

4. வாய், நாக்கு, உதடுகளில் உண்டாகும் புண்களுக்கும், வாய் துர்நாற்றத்துக்கும், காரணம் வாயோ, நாக்கோ அல்ல.

5. தோல் நோய், புண், வெண் குஷ்டம், அலர்ஜி, அரிப்புகளுக்கும், முடி கொட்டுதல், மற்றும் பொடுகுக்கும் காரணம் தோல் அல்ல.

தொந்தரவுகள் தோன்றும் இடத்தில் தான் உண்மையான நோய் இருக்க வேண்டும் என்று எந்த கட்டாயமும் கிடையாது. இதை புரிந்துக்கொள்ளாததால் தான் என்ன வைத்தியம் செய்தாலும், இந்த நோய்கள் பெரும்பாலும் குணமாவதில்லை. இந்த நோய்களுக்கான உண்மைக் காரணத்தை அறிந்து மருத்துவம் செய்தால் தவிர, இவை தீராது. நோயின் மூலக் காரணங்கள் கூட அறியாதவர்கள், இவற்றை சரிசெய்ய நிச்சயமாக முடியாது.

நோய்கள் பலவாக இருந்தாலும், அவற்றை குணப்படுத்த, சில எளிய வழிமுறைகள் உள்ளன. அவைதான். தனித்திரு, விழித்திரு, பசித்திரு.

தனித்திரு - கவலை, துக்கம், கர்வம், பயம், எரிச்சல், போன்ற எந்த கெட்ட குணங்களும் மனதை அண்டாமல். நீங்கள் தனி உயிர் எந்த சூழ்நிலைக்கும் உங்களுக்கும் சம்பந்தம் இல்லை, என்பதை உணர்ந்து தனித்திருங்கள். இரவில் விரைவாக உறங்கச் செல்லுங்கள்.

விழித்திரு - உடலில் என்ன நடக்கிறது? ஏன், எதனால், நடக்கிறது என்று விழிப்பாக பாருங்கள், புரிந்துகொள்ளுங்கள்.

பசித்திரு - பசி எனும் உணர்வை உணருங்கள். நன்றாக பசி உருவாகும் வரையில் காத்திருங்கள். பசி இல்லாமல் அமிர்தமாக இருந்தாலும் உண்ணாதீர்கள். பசி அடங்கியவுடன், உடனே உண்பதை நிறுத்துங்கள்.

இவை மூன்றையும் பின்பற்றினால். உலகில் உள்ள அனைத்து நோய்களும் சுயமாக குணமாகும்.


« PREV
NEXT »

No comments