புதியவை
latest

கண் பார்வையும் கண் கண்ணாடியும்

கண்ணுக்கு கண்ணாடி அணியும் பழக்கம் இன்று பரவலாக காணப்படுகிறது. சிறுவர்கள் முதல் முதியவர்கள் வரையில் வயது வரம்பு இல்லாமல் அனைவரும் கண்ணுக்கு கண்ணாடி அணிய தொடங்கிவிட்டார்கள்.

ஒரு காலத்தில் முதியவர்கள் மட்டுமே பயன்படுத்திய மூக்குக் கண்ணாடி இன்று சிறு குழந்தைகளும் பயன்படுத்தும் பொருளாக மாறிவிட்டது. இது ஒரு தவறான நடைமுறையாகும். இந்த பழக்கம் மனிதர்களின் தவறான வாழ்க்கை முறைகளையே சுட்டி காட்டுகிறது.

ஒன்றை எப்போதும் மனதில் பதித்து வைத்துக் கொள்ள வேண்டும். இறைவன் கொடுத்த எந்த உறுப்பும் பாதியில் பழுதடையாது. இறைவன் சிறந்த படைப்பாளன். பாதியில் ஒரு உறுப்பு சீர்கேடு அடைந்தால், நம் வாழ்க்கை முறை அல்லது உணவு முறை சரியில்லை என்று அர்த்தம்.

குழந்தைகளின் கண்கள் பழுதடைய காரணம்
தாய் கர்ப்பமாக இருக்கும் போது உட்கொண்ட மருந்தும் மாத்திரைகளும், கர்ப்பமாக இருக்கும் போது போடப்படும் ஊசிகளும். சிறு குழந்தைகளாக இருக்கும் போது அவர்களுக்கு கொடுக்கப்படும் மருந்து மாத்திரைகளும், ஊசிகளும் குழந்தைகளின் கண்கள் பழுதடைய முக்கிய காரணமாக இருக்கின்றன. கண்களை பற்றியும் மனித உடல் அமைப்பைப் பற்றியும் தெளிவான புரிதல் இல்லாமையும், கண்ணாடி மட்டுமே கண் பார்வை கோளாறுகளுக்கு ஒரே தீர்வு என்ற எண்ணமுமே மக்கள் கண்ணாடி அணிவதற்கு முக்கிய காரணமாக இருக்கிறது.

கண் கண்ணாடி செய்யும் கேடுகள்
கண் கண்ணாடி அணியும் அனைவருக்கும் நன்றாக தெரியும். கண் கண்ணாடி அணியும் பழக்கம் ஆரம்பித்ததிலிருந்து ஆறு மாதங்களுக்கு அல்லது வருடத்துக்கு ஒரு முறை கண்ணாடியின் சக்தி (power) மாறி கொண்டே இருக்கும். கண் பார்க்கும் திறன் மாறும் அல்லது தலைவலி, மயக்கம் உண்டாகும்.

உண்மை என்னவென்றால் கண்ணாடியின் திறன் மாறுவதில்லை மாறாக கண்கள் தான் அதன் பார்க்கும் திறனை இழந்து கொண்டிருக்கின்றன. கண் கண்ணாடி அணியும் அனைவருக்கும் சிறுவர்கள் முதல் பெரியவர்கள் வரையில் அவர்களின் கண்கள் மேலும் பழுதடைந்து கொண்டே இருக்கும்.

கண் கோளாறுகளுக்கு தீர்வுகள்
எந்த ஒரு உடல் உபாதைக்கும், உடலின் தொந்தரவுக்கும் தீர்வு என்பது அந்த தொந்தரவை சரி செய்வதாக, அந்த தொந்தரவை குணப்படுத்துவதாக தான் இருக்க வேண்டுமே ஒழிய அதை மறைப்பதாக இருக்க கூடாது. கண்களின் பார்க்கும் திறன் குறையும் போது கண்ணாடி அணிவது கண்களின் பாதிப்புகளை குணப்படுத்தும் வேலையல்ல மாறாக கண்களின் கோளாறுகளை மறைக்கும் ஒரு கேடான செயலாகும்.

கண்கள் ஏன் பார்க்கும் திறனை இழந்தன என்று கண்டுபிடித்து அவற்றை சரி செய்வதன் மூலமே கண்களின் பார்வையை சரி செய்ய முடியும். கண்ணாடியை அணிவது எப்போதுமே ஒரு நல்ல தீர்வாக அமையாது.

கண் பார்வை பாதிப்புகளை குணப்படுத்தும் வழிமுறைகள்
கண் கண்ணாடி அணியும் பழக்கம் உள்ளவர்கள் முதலில் கண்ணாடியை கழட்டிவிட வேண்டும். குழந்தைகளுக்கு கண் கண்ணாடி மாட்டிவிட்ட பெற்றோர்கள் தயவுசெய்து முதலில் அதை கழட்டிவிடுங்கள்.

கண் கண்ணாடி இல்லாமல் பார்த்து பழகுங்கள், உங்கள் பிள்ளைகளையும் கண்ணாடி இல்லாமல் பார்க்க பழக்குங்கள். பள்ளி கூடங்களிலும், வேளை இடங்களிலும், வாகனம் ஓட்டும் போதும், மற்றும் அவசர காலங்களிலும் மட்டுமே கண் கண்ணாடியை பயன்படுத்துங்கள். மற்றபடி வீட்டில் இருக்கும் போது பார்வை தெளிவில்லாமல் இருந்தாலும், மங்கலாக இருந்தாலும் பரவாயில்லை, கண் கண்ணாடி இல்லாமல் பார்த்து பழகுங்கள். உங்கள் பார்வையின் திறன் படி படியாக மேம்படும்.

கண் பார்வை மேம்பட
கர்ப்பமாக இருக்கும் தாய்மார்கள் எந்த இரசாயன ஊசி மருந்துகளும் பயன் படுத்தாவிட்டால், பிறக்கும் குழந்தை எந்த உடல் உபாதைகளும் இல்லாமலும் ஆரோக்கியமாக பிறக்கும்.

உடலின் திறனையும், கண் பார்வை திறனையும் கெடுக்க கூடிய இரசாயன மருந்துகளை கண்டிப்பாக நிறுத்த வேண்டும். எந்த உடல் உபாதைக்கும் இரசாயனங்களை பயன்படுத்த கூடாது.

வானம், மரங்கள், செடி கொடிகள், போன்றவற்றை அதிக நேரம் கண்டு ரசியுங்கள். தினம் மூன்று முறையாவது கண் விழிகளை பச்சை தண்ணீரில் கழுவுங்கள். ஆறு குளம் போன்ற இயற்கை நீரோடைகளில் மூழ்கி கண்களை திறந்து பாருங்கள், கண் விழிகளை கழுவுங்கள். உணவில் கீரை வகைகளை தினமும் சேர்த்துக் கொள்ளுங்கள்.

புளிப்பான உணவு வகைகளை தவிர்த்துவிடுங்கள். தோசை, இட்லி, வடை, பரோட்டா, ரொட்டி, பன், கேக், போன்று மாவுகளில் இருந்து செய்யப்படும் உணவு வகைகளை குறைத்துக் கொள்ளுங்கள்.

கண் பார்வை மேம்பட, கண் பார்வை குணமாக, கண் பார்வையை மேம்படுத்த கூடிய இனிப்பான பழங்களையும், காய்கறிகளையும் அதிகமாக உட்கொள்ள வேண்டும். மேலே குறிப்பிட்ட வற்றை பின்பற்றினால் படி படியாக கண் பார்வை மேம்படும், தெளிவாக மாறும்.

« PREV
NEXT »

No comments